Alkerdi koben ondoan dagoen meatzeko lanak behin betiko geratzeko eskatu du Aranzadik
Zientzia elkartearen ustez haitzuloan historiaurreko aztarna gehiago aurkitzeko “aukera handiak” daude eta eremu osoa babestu behar da.
Urdazubiko Alkerdi II koban paleolitoko grabatuak, margolanak eta silex aztarnak azaldu direla jakin ondoren, Aranzadiko diziplina arteko taldeak egindako lehen azterketaren emaitzak azaldu dituzte ostegunean prentsaren aurrean, Iruñeko Nafarroako Museoan, eta orain arte ez genekizkien zehaztasunak eman dituzte gainera.
Denera 14 grabatu eta margolan aurkitu dituzte (animaliak, marrak eta puntuak), eta labarretako artearekin zerikusia duen aztarna baliotsu gehiago ere bai. Orain arte aztertu gabe zeuden 3 kilometroko galeriatako sala batean, silex eta ikatz zatiak azaldu dira lurrazalean kalterik jasan gabe, duela 20.000 urte baino gehiago geratu ziren bezala.
Aurkikuntza hori oso garrantzitsutzat jo du Arazandik, margolanak nola egiten ziren jakiteko eta europar Paleolitoko “jarrera sinbolikoa” aztertzeko bereizmen handienetakoa duen koba bihurtu delako Urdazubikoa.
Alkerdi II ondoko mehatzeetako lanak momentu honetan geldirik daude Nafarroako Gobernuaren aginduz, Ana Herrera Kultura kontseilariak jakinarazi zuenez. Aranzadiren ustez, jarduera behin betiko bertan behera utzi behar da, 3 kilometroko galeria horietan margolan gehiago azaltzeko aukera “oso handiak” baitaude.
Era berean, elkartearen aburuz, orain aurkitutako margolanak Nafarroako zaharrenak lirateke eta horiek Europak exijitzen duen babes maila izan behar dute. Azaldu dutenez, meatzeetako jarduna jadanik labarrak kaltetzen hasita zegoen, ur filtrazioak eta industria sedimentuak azaldu baitira.
Willendorf (Austria), 1908. Wachau bailarako aztarnategi batean, Josef Szombathy arkeologoak emakumezko baten estatua antropomorfo txiki bat aurkitu zuen, 11 cm ingurukoa, harrian zizelkatua eta okre gorriz tindatua.
Orduz geroztik, Paleolitoko venusik ezagunena da, eta... [+]
1891n nekazari batek Gwion estiloko hainbat labar pintura aurkitu zituen Kimberlyn (Australia).
Font Major kobazuloa (Tarragona, Katalunia) 1853an aurkitu zuten eta urte asko dira bertan arkeologoak lanean ari direla.
Izturitze duela 21.000-29.000 urte. Gravettiar aroan Izturitzeko kobazuloan bizi ziren gizakiek suharrizko tresna asko utzi zituzten.
Deba (Gipuzkoa), 1969ko ekainaren 1a. Zestoako mugan, Izarraitzen magalean, kobazulo baten sarrera aurkitu zuten Rafael Rezabal eta Andoni Albizurik.
El Nefud basamortuan (Saudi Arabia) , Al Wusta izeneko aztarnategian, Homo Sapiens espeziearen hatz fosilizatu bat aurkitu dute eta, uranio serieen bidez, Max Planck Giza Historiaren Zientzia Institutuak 88.000 urtetan datatu du.
Bizkaiko Aldundiaren esanetan duela 14.000 urteko grabatu multzoak "kalitate tekniko argia" du eta berezia da irudiak "oso argi" ikusten direlako.
Orain artean ezezagunak ziren eta Nafarroan aurkitutako zaharrenak lirateke. Hori dela eta, Aranzadik leize ondoko harrobiko jarduerarekin ez jarraitzea gomendatu du.
SOS Alkerdi, Urdazubiko ondarea babesteko plataformak Berroberria, Alkerdi eta Zelaieta inguruko leize babestuetan gertatzen ari dena ezagutarazi du. Gune horretan dago gaur arte ezagutzen den Nafarroako labar arte paleolitikoaren kokaera bakarra. Haien gainean harrobi bat dago;... [+]
Asteartean aurkeztu zuen Bizkaiko Aldundiak paleolitiko 70 pintura eta grabaturen aurkikuntza. Berriatuako Udalak ez du inolako informazio edo berririk izan orain arte.
1992an Shiyan Beicun herritik hurbil, Txinako Zheijang probintzian, herritar batek Longyouko haitzuloak aurkitu zituen. Urez beterik zeuden eta horregatik naturak sorturiko leize nahiz haitzuloak zirela uste izan zen hasieran, baina urez hustu ondoren gizakiak eraikitakoak... [+]
Zergatik arkeologoak orain arte ez dira ohartu bi bisonte erraldoi begira zituztela? Lekeitioko kobazuloaren hormetan aurkituko margolanen xehetasun eta irudi gehiago dakarzkigu hona.