Algortako ‘Txikia’ enparantza izenez aldatuko du Getxoko Udalak
Guardia Zibilak 1973an erail zuen Eustakio Mendizabal Txikia ETAko militantea Algortan, bere izena daraman enparantzatik hurbil. EAEko Auzitegi Nagusiak plaza izenez aldatzeko agintzen duen epaia eman du, eta Getxoko alkateak adierazi du ez duela helegiterik jarriko.
Enparantzari Txikia deitzea onartu zuen Udalbatzak 1980ko maiatzaren 17an, sinatutako akordio batean. Hala ere, Euskal Autonomia Erkidegoko (EAE) Auzitegi Nagusiak izen hori kentzeko epaia eman du, eta horren aurkako helegiterik jarriko ez duela adierazi du Imanol Landa Getxoko alkateak.
Epaiarekin ados azaldu dira PPko kideak. 2009an ere plazari Txikia izena kentzeko eskatu eta Bakearen enparantza deitzea proposatu zuen alderdiak. Horren harira, Iñaki Gamero PPko bozeramaileak adierazi du PPk ez duela sekula bere adostasuna erakutsiko kale edo plaza bati “terrorista” baten izena jartzearekin. Izan ere, biktimen “duintasuna eta ohorea kaltetzen” duela azaldu du.
Getxoko EH Bilduk, aldiz, desadostasuna adierazi du, eta enparantzaren izena defendatzeko eskatu dio Imanol Landari. Alkateak izandako jarrera frankismoaren biktimentzat “iraingarria” dela azaldu du koalizio abertzaleak, Hirukak argitaratu duenez.
Izen berriari dagokionez, inguruko toponimoren batekin lotutakoa edo emakumeren batena izango dela iragarri du Landak Bozeramaileen Batzordean. Proposamenak jasotzerakoan auzokideekin kontsultatuko duela ere adierazi du, azken erabakia hartzeko.
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Espainiako Poliziak duela 41 urte hil zituen tiroka Dionisio Aizpuru, Pedro Mari Isart, Jose Mari Izura eta Rafael Delas gazteak, Komando Autonomo Antikapitalistetako kideak.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Nafarroako Gobernuak ofizialki aitortu ditu gure lurraldean giza eskubideen urraketa larriak jasan zituzten Estatuaren indarkeriaren beste zazpi biktima. Horien artean, hitzez hitz “motibazio politikoko biktima gisa” aitortzen ditu Patxi Erdozain, Eneko Compains,... [+]
Torturak jasan dituzten 900 lagun bildu dira Donostian Euskal Herriko Torturatuen Sarea aurkezteko, otsailaren 15ean. Ekimenak torturatuen bozgorailu izan nahi du, eta oraindik torturen berri eman ez duten herritarrak sarera batzera animatu dituzte. Eusko Jaurlaritzari eta... [+]
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Ostegun honetan 30 urte bete dira ETAk Gregorio Ordoñez PPko Donostiako zinegotzia hil zuela. Hainbat arrazoirengatik euskal gizartean zirrara berezia sortu zuen atentatua izan zen. PPko eta PSOEko zinegotzien aurkako atentatuen atea ireki zuen.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
Plataformak adierazi du "sentsibilitate eta iritzi guztiak errespetatuz" Guardia Zibilaren ekintzak gaitzesteko asmoa dutela, bizikidetza demokratikoa eraikitzea helburu nagusia izanik.
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
Ostiralean egingo dute ekitaldia 12:00etan, Donibane auzoko Martin Azpilikueta kalean. Erail zutenetik Angel Gogoan plataformak behin baino gehiagotan jarri ditu oroigarriak, baina behin eta berriz eraso eta erretiratu izan dituzte. Gobernu taldearen proposamena da oraingoan eta... [+]
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]