Alemaniak talde neonazi bat legez kanpo utzi du, hirugarrena aurten
“Nordadler” izeneko talde faxistaren aurkako neurri legalak hartu ditu Alemaniako Barne Ministerioak. 2020an erakunde ultraeskuindarrekin egindako hirugarren esku-hartzea da.
Horst Seehofer Alemaniako Barne ministroak Nordadler izeneko talde ultraeskuindarra debekatzea ebatzi du gaur, Público egunkariak argitaratu duenez. “Ultraeskuinak eta antisemitismoak ez dute lekurik gure gizartean. Ez mundu errealean, ezta birtualean ere”, adierazi du Seehoferrek ohar baten bidez.
Debeku-agindua Ipar Renania-Westfaliak, Saxonia Behereak eta Brandeburgoko zein Saxoniako Estatu Federalek modu paraleloan eginiko miaketen ondoren etorri da. Steve Alter ministerioko bozeramaileak Twitterren aditzera eman duenez, "gaur goizean bertan lau estatu federatutan neurri polizialak hartzen ari dira. Ultraeskuinak eta antisemitismoak ez dute lekurik Interneten".
Erakundeak bere ideologia sare sozialetan zehar zabaltzeko hainbat izen erabiltzen ditu: "Völkische Revolution", "Völkische Jugend", "Völkische Gememeinschaft" eta "Völkische Reinaissance"; hots, “iraultza”, “gazteria”, “komunitatea” eta “berpizkundea” bezalako terminoak völkisch hitzarekin lotzeko joera dute. Adiera hori erromantizismoko literaturatik eratorria den arren, naziek ustezko “etnia arioa” eta Estatu naziaren herritarrak definitzeko erabiltzen zuten kontzeptua da.
Adolf Hitlerren eta hirugarren Reicheko beste hainbat figuraren jarraitzaile direla aitortzen dute, eta nazismoaren sinbologia eta hizkera bera darabilte. Taldeak profil antisemita nabarmena zuen, eta urbanizazio-proiektu nazi bat proposatzera ere iritsi zen, landa-ingurunean hainbat jarraitzaile zituena.
Nordadlerren buruak, gainera, joan den urrian Telegram mezularitza-zerbitzuko talde ireki batean goretsi zuen alemaniar batek Halle hirian sinagoga baten aurka egindako atentatua. Erasotzaile faxista tenpluan sartzen saiatu zen, eta saiakeran porrot egin ostean, kalean eta jatetxe batean bi pertsona hil zituen.
NTV katearen arabera, taldea nahiko berria da, duela hiru urte hasi baitzuen bere jarduera. Fiskaltzak bi urte daramatza bost kide ikertzen. Talde honen debekua Alemaniako Barne Ministerioak talde ultraeskuindarren aurka abian jarri duen hogeigarren neurria da, eta hirugarrena 2020. urteari dagokionez.
Urtarrilean ministerioak "Combat 18" talde neonazia ere debekatu zuen. Martxoan, aldiz, Geeinte deutsche Völker und Stämme delako elkartea (Alemaniar Herri eta Tribu Batuak). Azken hori Reichsburger (Reicheko Herritarrak) izeneko zirkuluekin lotuta dago, egungo Alemaniaren subiranotasuna onartzen ez duen mugimendu ultraeskuindarrarekin, hain zuzen ere.
Martxoak 8an egindako pintaketak gainetik margotu dituzte ikur faxistekin Zuberoako hiriburuan. Horren aurrean elkarretaratzera deitu dute, astelehenean.
Martxoaren 8a Getxo bere bizitokian igaro du: kumbia dekolonial eta antiarrazista topaketa antolatu du Algortako Herriko Tabernan, Abianen, Hija del Nopal DJrekin batera.
Argentinatik Getxora migratu zen Celeste Agüero, kantutegi herrikoi batekin eta poesia xuxurlatzeko... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Eraso faxistak, xenofoboak edo homofoboak gero eta ugariagoak dira Euskal Herrian ere, eta kezka barreiatu da han-hemenka. Behe Bidasoa da eraso horiek pairatzen dituen eremuetakoa, eta hor, zehazki, eraso edota ekintza gehienak Devenir Europeo (Europaren bilakaera) izeneko... [+]
96 urte zituela eman du azken hatsa Jean-Marie Le Penek aurtengo urtarrilaren 7an. Heriotza bat festatzea ez bada ohikoa ere, hori gertatu da beretzat: milaka herritar batu dira Frantziako Estatuko hainbat hiritan, suziri, kantu eta xanpai botila artean, eskuin muturreko... [+]
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Mendebaldeko agintariek gerraren aldeko apustua egin dutela salatzeko mobilizazioak antolatu ditu Gazte Koordinadora Sozialistak Bilbon eta Iruñean. Faxismoaren gorakadaren aurrean mobilizatzeko deia egin du.
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]