Alemaniako senar-emazteek bere zor zatia itzuli diote Greziari, 875 euro
Greziarrek asko zor dietela alemaniarrei azken kiebraren ostean? Egia alderantziz dela sinetsita, Ludwig Zacaro eta Nina Lahge senar-emazte alemaniarrek 875 euro ordaindu dizkiote Nafplio herriko udalari: II. Mundu Gerraz geroztik Alemaniak kalte-ordainetan Greziari zor dion dirutzaren beren zatia.
Albistea France-Pressek zabaldu duen arren, ez du zalaparta handirik sortu Europan. Bai ordea greziarren artean. Peloponeso ertzean dagoen Nafplioko alkate Dimitris Kotsurosek esan du: “Atzo goizean [martxoaren 18an] azaldu ziren udaletxean, esanez nazkatuak zeudela beren gobernuaren jokabideaz. Kontuak atereak zeuzkaten eta esan ziguten alemaniar bakoitzak Greziari 875 euro zor diotela II. Mundu Gerraz geroztik”.
Bikoteak beren keinua egiteko Nafplio hautatu zuten, herri hori izan zelako Grezia independentearen lehenbiziko hiriburua, XIX.ean. Alkateak adierazi du herrian ongintzan ari diren proiektuen artean banatuko duela txekea.
Ludwig Zacaro erretretan da eta Nina Lahgek astean 30 orduko lanean segitzen du. Udal agintariei adierazi zieten bien zorra pagatzeko aski diru ez daukatenez batena bederen ordaintzera zetozela, 875 euro.
Kasik 70 urte pasatu dira II. Mundu Gerra amaitu zenetik, naziek Greziari eragindako kalte guztiekin. Baina gainera, 1941an naziak sartu zirelarik, herrialdea behartu zuten Reichari mailegu handi bat egitera, Greziako ekonomia larrutuko zuen kreditu bat.
Gerra amaiturik, kalte-ordainak ezarri zitzaizkion Alemaniari baina Greziari pagatu beharrekoak "ahaztuta" geratu ziren. Orain, antza, Alemaniako sozialdemokratek eta berdeek aldarrikatzen duten arren greziarrei zor zaiena ordaintzea, Angela Merkelen gobernuak garbi adierazi du: “hori gertatzeko aukera Zero da”. Zenbait adituren arabera, gaur Greziak daukan kanpo zorraren erdia adinako diru kopurua zor dio Alemaniak berari.
Ludwig Zacaro eta Nina Lahgeren ekintza une nabarmenean iritsi da. Europar Batasuneko agintarien eta Atenasekoen arteko harremana gaiztotzen ari da eta hedabide nagusiek zabaldu dute Aste Santu inguruan kanporatu dezakeela Europak Grezia txanpon bateratutik. Grexit hipotesiaren atarian geundeke, iturri horien arabera.
Poliziaren eta manifestarien arteko talkek atxilotu eta zauritu ugari utzi dituzte ostiralean herrialdeko hiri nagusietan. Herritarrek gertatukoaren erantzuleak zigortzea eskatu diote gobernuari, ez baita oraindik istripuaren inguruko epaiketarik ireki. Greba orokorra deitu... [+]
Grezia, 1975. Herrialdeak urtea errepublika gisa hasi zuen, hiru aste lehenago, 1974ko abenduaren 8ko erreferendumean, herritarrek monarkiaren amaiera erabaki ondoren.
Hamarkada bat lehenago, 1964an, Pablo I.a erregea hil zenean, Konstantino semeak hartu zuen tronua, 23 urte... [+]
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Greziako Gobernuak ostegunean egingo du lege-proposamena Legebiltzarrean. Hamahiru orduko lanaldia legeztatzeaz gain, greba eskubidea ere urratu nahi du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.