Alderdi Eguna ospatu du EAJk igandean, Forondan. Andoni Ortuzarrek azpimarratu du EAJri "berriz ere ilusioa piztea" dagokiola, baita errealitate eta erreferente berrietara irekitzea ere.
"Inork ez du EAJ dagoen tokitik mugituko. Inork ez gaitu eramango guk nahi ez dugun tokira, baina guk ere ez dugu euskal gizartea nahi ez duen tokira eramango". Hala esan du igandean Andoni Ortuzar Euzkadi Buru Batzarerko presidenteak Forondan (Araba), EAJk ospatutako Alderdi Egunean. Milaka lagun elkartu dira 47. edizioan.
Adierazi du garai politiko "konplexua" dela honakoa, komunitatean gutxiago bizi garela eta indibidualismo handiagoa dagoela. Ortuzarren hitzetan, egoera horrek mesede egiten die "populismoari" eta "estremismoei", baina EAJri "berriz ere ilusioa piztea" dagokiola azpimarratu du. "EAJk entzun du herritarrek azken hilabeteotan esandakoa, udal eta foru mailako lehen indar izatera eraman gaituztenek zein botoa ematera ez joatearekin kargu hartu digutenek”.
"Batzokien erosotasunetik ateratzeko garaia" dela azpimarratu du, "errealitate eta erreferente berrietara irekitzekoa". Euskadik autogobernurako eta aurrerabiderako bidetik jarrai dezan, "benetako" aurrerabidea azpimarratu du, eta ez "edonola" aldarrikatzen dena, oposiziotik "erraz" hitzematen baita, bere ustez.
EAJren DNA
EBBko presidenteak esan du DNAn dituzten geneek bideratu dutela EAJ nazio honen "lider" izatera. DNAko kromosomak irudikatzen dituen marrazkiak kate forma du, eta horrekin irudikatu du EAJren katea ere; adierazi du "ez dela eten". Gene horietan omen daude historian EAJren kide izandako hainbat pertsonak egindako ekintzak. Besteak beste, Agirre, Arzallus, Ibarretxe eta Urkullu aipatu ditu.
Espainiako demokrazia, "gaixorik"
Ortuzarrek Espainiako Gobernuko demokrazia "indartu" behar dela azpimarratu du, "instituzioak indartzeko eta prestigiatzeko, sistemari egonkortasuna emateko eta gure maila demokratikoa Europakoa bezalakoa izan dadin". Esan du bide horretan egongo dela EAJ, eta beste alderdi eta entitate sozialekin elkarlanean aritzeko prestutasuna adierazi du. Bereziki eskua luzatu nahi izan die "greba eta protesta bide bakartzat jo dutenei". Bere ustez, konponbidea ez da grebatik etorriko, elkarrizketatik eta akordiotik baizik.
Ortuzarren hitzek izan dute Alderdi Egunean oihartzunik handiena, baina Iñigo Urkullu Eusko Jaurlaritzako lehendakariak eta Amaiur Guindeo Nafarroako EGIren idazkariak ere hartu dute hitza. Urkulluk EAJren balioez hitz egin du, eta auzolana azpimarratu. Balio horiek dira "pertsonaren zentraltasuna, oparotasuna partekatzea, gizarte-kohesioa eta lankidetzaren, akordioaren eta aliantzen kultura politikoa". Guindeok, berriz, esan du "zazpi euskal lurraldeetako gazteria" prest dagoela Euskadiren etorkizunari "gogoz beteta" heltzeko.
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.
Trantsizio Energetikorako Ministerioak Donostiako Udalaren alegazioei baiezkoa eman ondoren, 1.750 etxebizitza eraiki ahal izango dituzte bertan. Udalak Urumea ibaitik hogei metrora ezarri du auzo berria eraikitzeko babes lerroa.
"Adostasun zabaleko gutxieneko programa amankomun bat" oinarrian izatea posible da, EH Bilduren esanetan. Zerrenda bateratuak osatzea lehenetsiko du Espainiako eta Europako hauteskundeetan, Frantziako Estatuko Fronte Herritar Berriaren tankera hartuta.
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
EAJren barne prozesuan ez du bere burua aurkeztuko, nahiz eta garaile irten den orain arteko bozketetan. Itxura guztien arabera, Aitor Esteban izango da EBBko buruzagi berria.
Epaitegietan hamar urte bete ditu auziak, eta azkenean EAEko Auzitegi Nagusiak ebatzi du beste epaitegi txikiagoek ikusten ez zutena: ez zela baserri zaharra "eraberritu", baizik eta askoz ere eraikin handiagoa altxatu zela eta behar zuen lekutik urrunago. Legez kanpo... [+]
Hamarkada askotako eskaeraren ostean, Parisko Marceau etorbidearen 11. zenbakian dagoen jauregi historikoa EAJren esku geratu da azkenean. Jeltzaleentzat, balio monetariotik harago, balio sinboliko itzela du eraikin horrek, erbestearekin eta faxismoaren kontrako borrokarekin... [+]
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.
Abian da EAJren barne prozesua. Lehen fasea urtarrilaren 20tik otsailaren 2ra bitartean egingo da. Gaurtik aurrera, Ortuzarrek alderdiaren buru izaten jarraituko duen erabakitzeko aukera izango dute EAJko afiliatuek.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
Guggenheimaren patronatuakbi urteko epea jarri dio bere buruari proiektuaren alderdi guztietan lan egiteko, “zalantzarik gabe” hartu behar baita kontuan biosfera erreserba batean kokatuko dela. Pello Otxandianok zalantzan jarri du proiektuari 500 milioi euro... [+]
