Aldebakarreko erreferenduma gertuago Katalunian
Junts Pel Si eta CUPen 72 diputatuk aldebakarreko prozesu bat hastearen alde egin dute Kataluniako Parlamentuan, independentzia jomuga. Hala, parlamentuko batzorde konstituziogilearen ondorioak onartu dituzte.
Prozesua hasi zenetik lehendabizikoz Espainiako Auzitegi Konstituzionalak agindutakoa ez du obeditu Kataluniako Parlamentuak. Independentziarako bidean batzorde konstituziogilea sortu zuen parlamentuak urtarrilean. Espainiako Gobernua aurka azaldu zen, eta Auzitegi Konstituzionalak gobernuaren salaketa onartu zuen tramiterako. Ez zion ordea, debekurik ezarri batzordeari. Hala ere, batzordeak sorturiko deskonexiorako aldebakarreko bide orria osoko bilkuran ez bozkatzeko ohartarazi zion Auzitegiak Kataluniako Parlamentuari.
2015eko azaroaren 9an Kataluniaren independentziaren aldeko aldarrikapena –burujabetza lortzeko prozesua abiarazi zuten parlamentuan Junts Pel Sik eta CUPek– Espainiako Konstituzioaren aurkakotzat jo zuen Auzitegiak, eta aldebakarreko bide orria parlamentuan eztabaidatzea galarazi zuen, prozesu berarekin jarraitzea litzatekeela iritzi duelako.
Batzorde konstituziogilearen testua uztailaren 27ko osoko bilkuran eztabaidatu ahal izateko behin bilkura hasita proposatu dute burujabetzaren aldeko alderdiek eguneko gaien zerrendan sartzeko, independentziaren aurkako alderdien haserrea piztuz. Junts Pel Si eta CUPeko 72 diputatuen botoekin onartu da eta CSQP Catalunya Si Que Es Poteko hamaikek soilik bozkatu dute aurka. Ciutadansek eta PPk “ilegaltzat” jo dute bozketa eta alde egin dute hemiziklotik. PSCko diputatuak bertan geratu dira baina ez dute bozketan parte hartu.
Ekainean Generalitateko aurrekontuak onartu ez zirenetik hainbat liskar izan dira Junts Pel Si eta CUPen artean. Aurrekontuei ezetz esan zien CUPek orduan, eta horren harira bere jarraipenaren inguruko mozioa aurkeztu zuen Puigdemontek, irailaren 28rako. Orain bi indar independentisten arteko harremana apur bat leundu dela dirudi, batzorde konstituziogilearen ondorioak onartzearekin batera.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Zortzi hilabeteko erbestealdiaren ondoren, etxera eta Directa-ko erredakziora itzuli da Rodríguez (Gramanet del Besós, Bartzelona, 1974). Inork ezer espero gabe, uztailaren 8an, arratsalde bakarrean, erabat irauli zen bere eta beste hamaika inputaturen aurkako... [+]
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.