Donostiako Aldamar kaleko 32. zenbakian jarritako segurtasun kameren aurkako ekintza egin dute
Aldamar Berri sozietateak Parte Zaharreko Aldamar kaleko 32. zenbakian jarritako segurtasun kamerak kendu egin ditu ekintzaile talde batek, eta eraikinaren jabeetako baten aurkako ekintza egin du Azkoitian. Larunbat gauean, herrian zehar hainbat kartel itsatsi zituzten kendutako kameren irudiekin, etxebizitzen espekulazioa eta bizilagunen kontrako erasoak salatzeko.
Espazio publikoan kokatutako segurtasun kamerak jartzen dituzten bigarren aldia dela gogoratu dute ekintzaileek. Duela zenbait hilabete, eraikinaren jabeek jarritako beste kamera batzuk ere kendu zituzten, bizilagunen eskubideak urratzen zituztela argudiatuz. Datu Pertsonalak Babesteko Legearen arabera, espazio publikoen segurtasun funtzioa estatuko segurtasun indarrei dagokie, eta kamera pribatuek soilik salbuespen zehatz batzuetan grabatu dezakete eremu publikoa.
Eraikina erosi zuenetik, Aldamar Berri sozietateak horko bizilagunak kanporatzeari ekin diola salatu dute hainbatetan Parte Zaharreko bizilagunek, Aldamarko 32. zenbakian garatu nahi dutena proiektu espekulatzaile bat dela azpimarratuz.
Jarraian, larunbatean Azkoitian itsatsitako karteletan irakurri zitekeen oharra:
Jokin Errasti espekulatzaileari ekintza zuzena
Nor da Jokin Errasti Donostiako hiria hala erasotzeko? Espekulatzaile honek uste du gure hiria bere jolastokia dela, nahi duen eran erosi, saldu eta kontrola dezakeela. Donostiako Aldamar kaleko proiektu espekulatzailearen baitan, 32. portaleko bizilagunak erasotzen jarraitu du. Izan ere, bigilantzia kamerak jarri zituen eraikin barruan eta kanpoan. Kendu egin zitzaizkion, eta berriro ere kamerak ezarri ditu. Bigarren aldiz kendu dizkiogu. Bizilagunak kaleratzen jarraitzen du, nahiz eta auzoak argi utzi dion eraso hauen aurka dagoela, kartelen bidez, pintadekin, okupazioaren bidez eta manifestazioekin. Jende honek herritarrek baina zilegitasun gehiago duela uste du.
Horregatik, argi utzi nahi dugu espekulatzaile hauen kontrako ekintzak ez direla haserre adierazpen kasualak bakarrik, herriaren eta bizilagunen aldeko autodefentsa bat baizik. Geure auzoak haien eskuetan ez daudela frogatzen ari gara, besterik ez. Jokin Errasti, gure etxeetan kamerak jartzen, etxeak erosten eta bizilagunak kaleratzen jarraitzen baduzu, aurrez aurre aurkituko gaituzu.
Auzo Lokala eta desalojoa
Iazko ekainean, Parte Zaharreko gazte asanbladak eraikineko lokal bat okupatu zuen, urteetan zehar bideokluba izandakoa, eta Auzo Lokala sortu zuen hor. Egun gutxira, ordea, Udaltzaingoak lokala hustu zuen Ertzaintzaren laguntzarekin. Operazio hartan, identifikazioari uko egin zion gazte bat komisaldegira eraman zuen poliziak, eta atxiloketa saihesteko errepidean eseri ziren gazteen aurka jo zuen.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
Iñaki Gurtubai Segurtasuneko zinegotziak "Poliziaren Lan Eskaintza Publiko bateratua” eta “inteligentzia kamerak instalatzea” iragarri ditu 2024rako, besteak beste.
Gasteizko Udalak Insitel enpresari esleitu dio hiriaren erdigunean prestazio altuko hamazazpi kameraren bidez bideozaintza sistema hornitzeko, instalatzeko eta konfiguratzeko kontratua. Besteak beste, Andre Maria Zuriaren plazan, Plaza Berrian eta San Frantzisko aldapan jarriko... [+]
Gasteizen, beste hiri batzuetan bezala, zaintza-kamera berriak jarri nahi dituzte, baina ez digute horien benetako ezaugarririk kontatzen. Are larriagoa da ez dizkigutela azaltzen benetako arrazoiak zein diren, ezta kamerek nori egiten dioten mesede ere. Gaia orokorrean... [+]
X sare sozialak (orain arte Twitter zenak) bere pribatutasun politika aldatu du eta erabiltzaileen ezaugarri fisikoak ere bilduko ditu, besteak beste, aurpegi-ezagutzaren bitartez.
Bilboko geltoki guztietan kamerak ezarriko dituela adierazi du Euskal Trenbide Sareak. Gaur egun ezarrita dauden tokietan ez ezik, beste hamalau geltokitan jarriko dituzte.
Turismo Inteligentziarako Sistema delakoaren bidez, Gasteizko zenbait tokitan sentsoreak jarriko dituzte. Pertsonen gailu mugikorren seinalea atzemanda, "portaera eta errepikapen-ereduak detektatu" nahi dituzte.
Liburutegiaren sarreran jarri dituzte kamerak, Smart Talent Source SL enpresaren ikerketa bati lotuta. "Horrelako neurrien normalizazioaren bitartez, kontrol geroz eta zuzenagoa ezarri ahal izateko aurrekari arriskutsua dira kamera horiek", salatu du UIBk.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Kontrol sozialerako teknologiek presentzia gero eta handiagoa dute Gasteizen, Udalaren ekimenez. Zabalgunean eta Alde Zaharrean bideozaintzarako 17 kamera berri jarriko ditu Udalak udatik aurrera. Adimen artifizialarekin funtzionatuko dute eta "delituak denbora errealean... [+]
Ziborg hitza sortu zen izaki bizidun hobetu bat deskribatzeko. Gorputz organikoa eta teknologia elkartzean, gorputzaren prestakuntzak hobetuta dituen izaki biziduna litzateke ziborga.