Azaroaren 8an Alda mugimenduak Airbnb-ren apartamentu bat okupatu du Biarritzeko Victoria Surf egoitza turistikoan. Polizia etorri da azaroaren 9 goizean, baina Alda-k ez dizkio ateak ireki. Jabeak egoera erregularizatu arte bertan egonen direla argi utzi dute ekintzaileek. Salatu dutenez, Aribnb-k ez du Biarritzeko Herriko Etxearen araua betetzen, honen arabera, ezin baita ostatu turistikorik iragarri erregistro zenbakirik gabe. Zazpi astean okupatu duen hirugarren apartamentua da, eta iragarri dutenez okupazioari eutsiko diote Airbnb-k bere etxeak erregularizatzen dituen arte eta urte osokoak diren alokairuaren prezioak babesteko konpentsazio neurriak ezartzen diren arte.
Alda mugimenduak azaldu duenez, okupatutako apartamendua ez da ausaz hautatutakoa. Biarritzeko udaletxetik eta komisaldegitik gertu dago, eta beraz, haiek ere erraz frogatu ahal izan dute bere iragarkiak ez duela herriko araudiak eskatzen duen erregistro zenbakirik.
Bere kudeatzailea den Margaux-ek guztira 5 egoitza turistiko kudeatzen ditu, 2 Biarritzen eta 3 Baionan, eta hauetako bakar batek ere ez du erregistro zenbakirik. Pisu horietako bat da hain justu Aldak iragan ekainean okupatu zuena, izan ere, bertan Baionako bikote gazte bat bizi zen eta hauek kaleratu egin zituzten alojamentu hori turismora bideratzeko, erabat modu ilegalean: erabilera aldaketarako baimenik gabe, erregistrorik gabe... Baionako Herriko Etxeak abisu formal bat igorri zion jabeari abuztuan, baina jarraitzen du Airbnb-k modu ilegalean alkilatzen, oraindik ere erregistro zenbakirik gabe.
Aldako Xebax Christy bozeramaileak salatu duenez, "bukatu egin behar dugu Euskal Herrian Airbnb bezalako plataformek agerian egiten dituzten milaka iruzurrak". Airbnb-k Ipar Euskal Herriko alokairuen publizitateen erdia biltzen du, eta horrek azaldu dezake zergatik den hain eskas Biarritzen bizi eta lan egin nahi duten pertsonek dituzten alokairu aukerak.
Aldak Biarritzeko Herriko Etxeari eskatu dio Airbnb plataforma auzitara eraman dezala, behin eta berriz eta deliberatuki urratzen duelako legea: "Zein beste enpresa mota edo herritarrek ahalko lukete legea modu deliberatuan eta denen bistan urratu, 2017tik modu sistematikoan, kontrako prozedura judizial bakar bat jaso gabe? Nola onartu dezakete behe mailako jendeek tratu desberdin hau?".
Ehun pertsona ezagunek eta hogeita hamarrretik gora gizarte eragilek manifestazioa deitu dute azaroaren 20rako. Baionan izango da, 15:00etan. Aldako bozeramaile Ainize Butron_ek adierazi duenez: "Mobilizatzeko garaia da, Euskal Herriko krisi inmobiliarioa mantsotzeko berehalako neurriak eskatzeko. Konpentsazio neurriak eskatu behar ditugu urte osoko alokairuaren stocka babesteko, herritar xehenek aukera izan dezaten bertan bizi eta lan egiteko".
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.