Albistegiak patronalaren eta EAJren propaganda tresna bihurtzea egotzi diote ETBri
Haserrea eragin dute martxoaren 30eko EITBko albistegiek jende askoren artean. Sare sozialak horren lekuko. Telebista publikoko langile ugari ere kexatu da, hala nola LAB eta ELAko atal sindikaletan bilduta daudenak. Lehenak adierazi du ez dela onargarria "denona izan behar lukeen Euskal Telebista Telebatzoki bihurtzea"; bigarrenak, funtsezkoa ez den jarduera ororen itxiera iragarri zutenetik albistegiek berebiziko ahalegina egin dutela Eusko Jaurlaritzaren eta Confebask patronalaren iritzia herritarrei zabaltzeko.
Espainiako Gobernuko presidente Pedro Sánchezek agindu ostean funtsezkoa ez den lan oro geratzea –Confebask eta Eusko Jaurlaritzaren iritziaren aurka–, astelehen eguerdiko ETB2ko albistegietan zuzenean elkarrizketatu zuten Confebask patronaleko buru Eduardo Zubiaurre.
Sare sozialetan jende askok salatu zuen gaiari telebista publikoan eman zitzaion trataera, hemen ikus daitekeenez. Erabiltzaile batzuek sareratu egin zuten albistegiaren hasiera ere.
Gaurko Teleberriaren hasiera
Inicio del Teleberri de hoy ⤵️ pic.twitter.com/4OqycR25TU
— J Estarrona Elizondo (@Josu_Estarrona) March 30, 2020
Asko izan dira haserre mintzatu direnak, EITBko langileak barne. Adibidez, LABeko atal sindikaleko kideek aurpegiratu diote zuzendaritzari "EAJren diskurtsoa goitik behera erosi eta saltzea, beste guztiena baztertuz, onartezina da. Gaizki badago agintean dagoen alderdiaren propaganda bihurtzea komunikabide publiko bat, soka bereko protagonistak gonbidatuz, oposizioko ahotsak baztertuz, zer esan Teleberri-1eko aurkezleari buruz. Informazioa eman ordez, bere iritzia zabaltzen zuen atzokoan, profesionaltasun falta izugarria erakutsiz". Oharrean diotenez, astelehenekoa ez da salbuespena izan. "Informazio inpartziala eman beharrean, ohituta gaude EAJren diskurtsoa etengabe entzun eta ikustera, kontrakoak ezkutatuz. Nahikoa da".
ELAn bilduta dauden EITBko langileek salatu dute funtsezko jarduerak ixteko neurriaren alde daudenen ahotsa "gutxietsi" egin dutela telebista publikoan, "aurretik ere halako erabaki bat eskatzen ari zirenen ahotsarekin egin den bezala". Salatu dutenez, "Confebask patronalaren eta Eusko Jaurlaritzaren tesien aldeko iritzi-korronte bat sortu nahi izan da uneoro". Beren oharrean adierazi dutenez, "profesional soziosanitarioak eta funtsezko sektoreetan dauden pertsona asko lanean ari diren baldintzei buruz hitz egitea saihesten da, baina ez dago inolako arazorik mezu apokaliptiko bat helarazteko, enpresa-erakundeak eta Eusko Jaurlaritza helarazten ari direna bezalakoa".
Unibertsitatean kazetaritza irakasle den Txema Ramirez de la Piscinak ondorengoa adierazi du: "ETBko albistegien ildoa inoiz baino lerrotuago dago EAJ eta patronalaren interesekin. Zer gertatu behar da etxe horretan barrutik ahotsak altxatzeko? Zer? Non da administrazio kontseilua?, non erredakzio kontseilua? Non sindikatu eta profesionalak? non?".
Oihan Vitoria kazetariak: "Kazetaritik kazetarira. Hau onartezina da, ziur nago EiTB barneko profesional asko sumintzen duela. Teleberria hastea iritziz kargatutako editorial batekin, patronalaren lengoaia filtrorik gabe erabiliz, iturri bakarra aipatu ere egin gabe, sindikatuak albo batera utziz".
Esan bezala, "confebask" hitza duten mezuak bilatuz herritarren erreakzio ugari topatuko ditu irakurleak, martxoaren 30eko albistegiak sortu zuen haserrearen adierazle.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.