Albertia eguna 2019, 49 urte oroimen historikoa ahanzturatik berreskuratzen
Duela jada 49 urte, egun Estatuak legez kanpo jarritako EAE-ANV alderdi historikoaren militanteen talde txiki batek, klandestinitate betean, Albertia Eguna ospatzen hasi zen. Orduan, egun Oroimen Historikoa deitzen duguna ez zen existitzen. Are gutxiago hurrengo urtetan, post-frankismoaren Erreforma politikoaren urtetan.
Sasoi haietan alderdi nagusiek “elkar adiskidetze” eta “Trantsizio demokratikoaren” izenean Frankismoaren Gizateriaren aurkako krimenak eta hamarkadetako estatu terrorismoa ahaztu zituzten. Are gehiago, gizarteari ahaztarazi zizkioten euren interes politikoen izenean, Frankismoak erabat baldintzatutako ordenu berrian beraiek leku bat eduki ahal izateko. Justizia eskatzen jarraituz eta inpunitate eta ahanztura irentsi ez zituztenak “bakearen etsaiak” eta “iluminatu politiko erradikalak” izendatu zituzten. Frankismoaren aparatu guztiak, armada, polizia, judikatura, hedabideak, politikari faxistak, … demokraziaren zaintzaileak bilakatu ziren. Soilik ezker abertzaleko borrokak mantendu zuen hainbat hamarkadetan Euskal Herrian Frankismoaren zigorgabetasunaren kontrako bandera zutik.
Albertia Egunean, gatazka hartan hilak edo zaurituak suertatu ziren EAE-ANVko ehunka gudarien oroimena gorde da, baita haien kontra frankistek burututako zenbait bidegabekeria eta gerra krimenak. Baina aldi berean haien borrokaren zentzu eta zergatia gogoratu dira urtero. Haien ideologia eta helburu politikoak. Euskal Herriko errepublika batu, burujabe eta sozialista bat. Europako, munduko zein iberiar herriekin senidetuta, alderdiak gerra hasi baino hilabete pare bat lehenago onartutako programa politikoan ondo zehaztuta.
Aurten ere gogora ekarri nahi izan dugu EAE-ANVko militanteen parte hartze garrantzitsua Frantzian Nazien kontra borrokatu zuen Gernika Batailoia. Bereziki Kepa Ordokiren irudia. Batailoiko komandantea eta EAE-ANVko militantea, nahiz eta batzuek azken hau etengabe ezkutatzen edo gutxiesten saiatu diren. Antza Ordokiren militantzia ezkertiar eta abertzalea ez erosoa egiten zaielako. Horretan nagusi, esate baterako, EAJ-PNVren bultzadaz Batailoiaren inguruan bururatutako hainbat ekimen, EITBk diru publikoarekin ordaindutako erreportaje berezia barne.
Zeren eta deigarria izan arren, gaur egun Oroimen Historikoa Frankismoaren zigorgabetasuna ezarri zuten alderdien propaganda politikorako tresna bilakatu da neurri handi batean. 1977ko frankisten krimenentzako amnistiaren legea onartu zuten PSOE eta EAJ-PNVk Oroimen Historikoaren ekitaldi instituzionaletan nagusi agertzen dira. Erabat mezu nahasiak botaz eta kasu askotan, duela gutxi Artxandako bataila oroitzeko ekitaldian bezala, Hainbat taldeen arteko Oroimen Historikoaren ekitaldirekin zer ikusirik ez zeuzkaten mezu alderdikoiak botatzeko plataforma gisa.
Frankismoaren zigorgabetasunaren oinarria eta beraz Genozidio frankistaren eta estatu terrorismoaren biktimek Egia, Justizia, Erreparazio eta Berriro ez Gertatzeko Bermeak ez izateko arduradunak beraiek dira. Legeak aldatzeko Espainiako Parlamentuan gehiengo bat izanik, “Amai puntu lege” (Ley de punto final) guztiak mantentzen dituztelako.
Apala izan arren, beharrezkoak dira Albertia Eguna bezalako ekitaldiak Oroimen Historikoa batzuek sartu duten nahasmendu eta itxurakeria putzuan argi izpi batzuk botatzeko. Komunikabide nagusien boikota ziur dugu, gure mezua erosoa ez delako, baina hainbat lagunek berriro zutituko dugu hildako EAE-ANVko ehunka gudari eta militanteen ideien bandera.
Eusko Lurra Fundazioak antolatutako ekitaldi apal hau, ezker abertzaleko ehunka militante erori ziren Albertia Mendiko tontor eta magalean, Oroimen Historikoa haien ideien aldeko borroka tresna bezala aldarrikatuko du.
Albertiako tontorrean ikusiko gara hurrengo uztailak 7an.
( Alberto Muñoz Zufia ere artikulu honen sinatzailea da)
.jpeg)
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Aurtengo urtarrila 1850. urteaz geroztik beroena izan dugu. Gainera, aurreko hilabeteen joera mantentzen du, azken hemeretzi hilabeteen artean, hemezortzigarrena da bero erregistroak apurtzen.
Nazio Batuen Erakundeak adierazi duenez, Goma hiria hartu ondoren hango espetxe batean zeuden ehunka emakume bizirik erre zituzten M23ko matxinoek, eta denak hil. Herrialdearen ipar ekialdean borrokan diharduten talde armatuek sexu indarkeria "arma gisa" erabili dutela... [+]
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Izena duen oro bere izanaren jabe liburua plazaratu du LAB sindikatuko idazkaritza feministak, hainbat kide feministaren lekukotasunak oinarritzat harturik. "Genealogia edo glosario bat gauzatu dugu edo, agian, gauza biak batera dira edo baliteke ez izatea ez bata ez... [+]
EAJren barne prozesuan ez du bere burua aurkeztuko, nahiz eta garaile irten den orain arteko bozketetan. Itxura guztien arabera, Aitor Esteban izango da EBBko buruzagi berria.
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Israelgo Estatuko saskibaloi taldeak ostiralean jokatuko du Gasteizen, eta mobilizatzera deitu du Palestinarekin Elkartasunak.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.