Alava Sautu eta frankismoaren kontrako sarea, gogoan
Instituzioek eta senideek Alava sarearen lana omendu dute asteburuan.
Luis Alava Sautu buruzagi abertzalean fusilamenduaren 75. urteurrena baliatu dute frankismoaren kontra aritu eta Bigarren Mundu Gerran aliatuen alde inteligentzia lanak egin zituen Alava Sareko kideak omentzeko.
Larunbatean egin dute omenaldia hainbat erakundetako ordezkariek eta frankismoaren biktimen senideek, Gasteizko Senda ibilbidean. Bereziki sare horretako kide izan ziren emakumezkoak izan dituzte gogoan bertaratu diren ordezkari politikoek. Besteak beste, Iñigo Urkullu lehendakaria, Ramiro Gonzalez diputatu nagusia eta Gorka Urtaran Gasteizko alkatea izan dira bertan. Omenezko plaka bat inauguratu dute ekitaldian.
50 bat lagunek parte hartu zuten Hego Euskal Herri osoan aritu izan zen sare antifrankistan, baina alemaniarrek Paris konkistatu zutenean erori zen erakundea. Izan ere, Bigarren Mundu Gerran Frantziako hiriburua nazien esku geratu zenean, Alemaniako eta Espainiako poliziek abagunea baliatu zuten Jaurlaritzak Parisen zuen egoitzan sartzeko eta bertan jasota zeuden erresistentziaren inguruko datuak eskuratzeko.
Ekitaldiarekin batera, Alava sarea. Emakume ikusezinak, elkartasuna eta espioitza izeneko erakusketa zabaldu dute Dendarabako Araba Aretoan, dokumental batez lagunduta. Ikus-entzunezkoan jasotzen da sare horretako kide izan ziren zenbait emakumeren lanaren berri: Bittori Etxeberria, Itziar Mugika, Delia Lauroba eta Tere Verdes.
Argazkia:@oskar_fm
Plaka erasotua
Omenaldia ez da izan oroimenaren arloan azken egunetan Gasteizen izandako albiste bakarra. Batetik, Udalak iragarri du hiriko 62 ataritan dauden ikur frankistak kentzeari ekingo diola. Bestetik, Irabazi alderdiko Oscar Fernandez Martinek gaurko Udal batzordean salatu du Santa Isabel hilerrian frankismoaren biktimen omenezko plaka batek erasoa jasan duela. "Erregimen frankistak hilerriko hormetan fusilatutako lagunen izenak ezabatzen" saiatu direla salatu du zinegotziak. Erasoaren "izaera faxista" gogor kritikatu du zinegotziak.
Albiste hau Aleak argitaratu du eta CC-by-sa lizentziari esker ekarri dugu ARGIAra.
Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Erorien Monumentua eraisteko eskatzen duten memoria elkarteen ustez ezin da eraikin frankista horren etorkizuna utzi herritarren esku: “Faxismoa omentzen duen eraikinarekin zer egin frankismoaren oinordekoek ere parte hartzen ahal duten galdeketa batek ezin du... [+]
86 urte bete dira asteazkenean Iruñean 795 preso errepublikarrek Europako ihesaldi handiena egin zutela. Aldiz, abantzu 800 iheslari horietarik bakarrik hiruk erdietsi zuten muga trabeskatzea.
Memoria eta Bizikidetzako, Kanpo Ekintza eta Euskarako Batzordeak atzera bota du UPNk aurkeztutako mozioa, 1936ko Gerran Errepublikaren kontrolpean zeuden lurraldeetan izandako biktimak Oroibidea memoriaren datu-basean sartzea eskatzen zuena. Mozioak PP eta Voxen babesa jaso du,... [+]
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama.