Jaizkibel konpainiaren ordutegia aldatu nahi du Hondarribiko Udalak
Hondarribiko alkate Txomin Sagarzazuk (EAJ) eman du ordu aldaketa egiteko asmoen berri, bi desfileek kointziditu ez dezaten. Aldaketak alarde baztertzailearen aspaldiko eskaerarekin bat egiten du.
Astelehenean Hondarribiko jaien egitaraua aurkeztu asmoz egindako agerraldian eman du asmoen berri Txomin Sagarzazu alkateak (EAJ): alardeko desfileen ordutegiak aldatu gura ditu, bi desfileek kointziditu ez dezaten. “Lekuan ezinezkoa da kointzidentziarik ez izatea; denboran ez kointziditzeak lagundu egingo luke”, bere aburuz. Aldaketak eragingo luke Jaizkibel konpainia beranduago ateratzea eta beraz jaietako gune eta une nagusian desfile baztertzailea nagusitzea.
Alarde parekidearen kontrakoek urteak daramatzate ordutegi aldaketa eskatzen, eta udalaren asmoak bat egin du eskaera horrekin.
Jaizkibel konpainia parekideak salatu duenez, beraiei ez diete asmo hauen berri eman, eta hedabideen bidez izan dute udalaren planteamenduaren berri. Jaizkibeleko kideek hainbatetan adierazi dute udalak desfilatzeko baimenik ez diela eman izan, eta aurten ere Eusko Jaurlaritzako Segurtasun Sailera jo behar izan dute. Berriak beren hitzak jaso ditu: “Urtarrilaren 2an eskatu genion udalari irailaren 8an desfilatzeko baimena; erantzuna ez da iritsi abuztura arte”. Segurtasun Sailak Jaizkibeli adierazi dionez, baina, iazko ordutegi berbera du desfile parekideak.
Hogei urtetik gora badira emakumeak alardean parte hartzeko eskaera mahai gaineratu zutenetik, baina gizonak nagusi diren desfileak ez du halakorik onartu gaur artean. Are gehiago, alarde parekideak gaitzespenetik eta erasokorretik asko duten keinu artean egin behar izaten du ibilbidea. Aldeko jarrerak geroz eta gehiago diren arren, iaz kontrako giro gogorra pairatu behar izan zuten.
Elkarrizketa saiakera, bertan behera
Datorren irailaren 8ra begira, eta iaz bezalako "tentsio giroa" ekidin asmoz, desfile baztertzailea antolatzen duen Alarde Fundazioa eta Jaizkibel konpainia mahai baten bueltan elkarrekin esertzekoak ziren abuztuaren 5ean. Jenny Pearce antropologoak hartu zuen bilera gauzatu ahal izateko lanketaren ardura.
Gatazkaren bi aldeak lehen aldiz elkartzeko saiakera bertan behera geratu zen ordea. Bitartekariak adierazi zuenez, denbora gehiago eskatzen zuen kontuak, zailtasunak baitzeuden "elkarrizketa posibleari buruzko elkarrizketan" ados jartzeko.
Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta... [+]
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute... [+]
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.
Emakumeek ere alardean desfilatu ahal izatea helburu, duela 25 urte atera zen lehen aldiz Jaizkibel konpainia Hondarribian. Aurtengo irailaren 8an ez da alarderik izango, baina elkarretaratzea egingo dute, “1996 urrun hartan, alarde parekidearen aldeko aldarria kaleratu... [+]