Alain Rousset sozialistak lortu du babes zabalena Ipar Euskal Herrian
Eskualde mailan emaitza esperotakoa izan bada ere, Pirinio Atlantikoen departamenduan ezustekoa eman du PSko hautagaiak botoen %47,85 lortuta. Ipar Euskal Herriko zenbait herri handitan irabaztea lortu du.
Ipar Euskal herrian tradizionalki eskuina edo zentroa izaten da nagusi; oraingoan Donibane Lohizune eta Biarritzen irabaztea lortu badu ere, Virginie Calmelsen zerrendak ez du lortu babes nahikorik ez Ipar Euskal Herrian, ezta Akitania-Limousin-Poitou-Charentese eskualdean ere. Alderdi Sozialistak Europe Ecologie-Les Verts ekologistekin koalizioan osatutako zerrenda, bestalde, boto gehien lortzeaz gain, zenbait herri handitan gailendu da: Baiona (%50,61), Hendaia (%59,34), Angelu (%44,58), Kanbo (%41,28) eta Ziburu (%45,84).
Lehen itzulian lortutako emaitzen ostean, Fronte Nazionalak zer egingo zuen zegoen ikusteko. Bigarren itzulian, eskuin muturreko alderdiak behera egin du puntu bat eta erdi, baina lehen itzulian baino 903 boto gehiago lortu ditu. Mendiben, FNk lehen itzulian irabaztea lortu zuen herri bakarrean, azken geratu da. Bigarren alderdi bozkatuena izan zen beste herri batzuetan ere –Hendaia eta Bokale–, azken geratu da.
Alain Rousseten laugarren agintaldia izango da hau, eta lehen garaipena Akitaniako eskualdea Poitou, Limousin eta Charenteseko eskualdeekin batu zenetik. Lehen itzulian irabaztea lortu bazuen ere, oraingoan ekologistekin batera aurkeztu behar izan da. Ezkerreko zenbait alderdik bere alde bozkatzea eskatu dute. Babes horren erakusle izan da parte hartzearen igoera, %46,57tik %54ra.
Sozialistek espero ez zituzten emaitzak
Fronte Nazionalak lehen itzulian lortutako emaitzak ezkerra mobilizatzea ekarri du. Ezkerrak bat egin du PSren alde, eta Alderdi Sozialistak Frantziako bost eskualdetan irabazi eta bitan garaipenetik oso gertu geratzea lortu du. Emaitzak ez dira ordea, lehen itzuliaren isla. Fronte Nazionalaren “mehatxu” gabe ezkerra banatuta aurkeztu zen eta PSk behera egin zuen. Presidentea hautatzeko hauteskundeak balira, ez zuten lortuko babes nahikorik bigarren itzulira pasatzeko. Alderdi Sozialistako kideek onartu dute emaitza hauek lortzea zaila izango zela aliatu gabe.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
.jpeg)
«Argizko idazkun digitalak debekatu» lelopean, Aturri aldeko Stop Pub kolektiboak bederatzi proposamen plazaratu ditu, Tokiko Publizitatearen Araudia eztabaidan delarik momentu honetan.
Uda aurretik, irakasle talde batek ekimen bat jarri zuen martxan ikasleek proba euskaraz erantzun ahal izateko. Kazetak adierazi duenaren arabera, orain gertatutakoa ikertzeko prozesua zabalik dago.
Politikari zentrista ezaguna, 1986tik 1991ra Departamendu kontseilari izan zen, 1991tik 2014ra Miarritzeko alkate eta Frantziako senatari 1992tik 2011ra. 86 urte zituela zendu da abuztuaren 21ean, infartu baten ondorioz.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.
Nafarroa Behereko zati bat, Zuberoa eta Biarnoko zati bat hartzen dituen laugarren hautesbarrutian %73ko parte-hartzea izan da (Frantziako estatukoa %65,5). Ezkerreko Fronte Popular Berriko Iñaki Etxaniz nagusitu da bozen %38,01ekin. Eskuin muturreko Batasun Nazionaleko... [+]
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.
Bigarrenetik seigarren postura erori da Berdeen alderdia Ipar Euskal Herrian, Europar legebiltzarreko hauteskundeetan. 2019ko hauteskundeen datuekin alderatuta, 10.000 boz galdu dituzte; hots, %17tik %7ra pasa dira.
Lapurdi, Nafarroa Beherea eta Zuberoako herri gehienetan nagusitu da Batasun Nazionala, Pirinio Atlantikoetako Departamentuko prefekturak emandako datuen arabera. Nagusitasuna ia erabatekoa da Lapurdin.