Alaia Martin zuzenean sailkatu da finalaurrekoen bigarren itzulirako
Elizondon abiatu dira Bertsolari Txapelketa Nagusiko finalaurrekoak. 1.400 bertsozale bildu dira Baztan pilotalekuan eta Alaia Martinek eskuratu ditu puntu gehien: 729,5. Joanes Illarregi izan da bigarren eta berak ere 700 punturen langa gainditu du, 711 punturekin.
Bertsolariek egin beharreko lanak aldatu egin dira aurreko fasetik. Lehen fasean bezala, binaka aritu dira zortziko handian eta txikian. Gero, berriz, puntuka egin dute zortzi bertso osatu arte eta seiko motzean hiruna bertso bota dituzte ostean. Eta bukatzeko, ganbarako lana egin dute. Finalaurrekoetan bertsolariek ez dute puntu-erantzunik egin behar.
Honela gelditu da puntuazioa Elizondoko lehen finalaurrekoan: Alaia Martinek 729,5 puntu, Joanes Illarregik 711 puntu, Agin Laburuk 677, Unai Agirrek 652,5 puntu, Onintza Enbeitak 639,5 eta Iñaki Apalategik 623 puntu.
Bertso saioko bertsoaldirik puntuatuena Joanes Illarregik eta Agin Laburuk puntuka egin zutena izan zen, alferkerian ari ziren bi foruzainen paperean. Hemen ikusentzun daiteke bertsoaldi hori.
Saioa irabazita, Alaia Martinek zuzenean lortu du finalaurrekoetako bigarren itzulirako txartela eta Amurrion kantatuko du azaroaren 19an. Beste bost bertsolariek hurrengo saioen zain geratu beharko dute aurrera egingo duten ala ez jakiteko. Izan ere, finalaurrekoetako lehen saioan kantatuko duten sei bertsolari bigarren itzulitik kanpo geratuko dira. Finaleko txartela eskuratzeko, batu egingo dira bertsolariek finalaurrekoko lehen saioan eta bigarrenean eskuratzen dituzten puntuak.
Hurrengo finalaurrekoa, Donibane Garazin
Urriaren 29an izango da hurrengo finalaurrekoa, Donibane Garazin. Bertan kantatuko dute Aitor Etxebarriazarraga Gabiolak, Amets Arzallus Antiak, Asier Azpiroz Iztuetak, Haritz Mujika Lasak, Nerea Elustondo Plazaolak eta Oihana Iguaran Barandiaranek. Saioa 17:00etan hasiko da Jai Alain eta hemen eskuratu daitezke sarrerak.
Elizondoko bertso saioko bertsoak ikusentzuteko, bertsoa.eus-en dago aukera.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]