Alaia Martin Etxebestek irabazi du Eibarko lehen final-laurdena
- Lehen final-laurdena izan da larunbatekoa. Saioa irabaztearekin batera, finalaurrekoetara sailkatu da Martin. Igandean izango da hurrengo saioa, Errenterian.
Indartsu hasi da Gipuzkoako Bertsolari Txapelketako bigarren fasea: Eibarko Coliseo bete batek egin dio harrera. Giro beroan aritu dira kantuan sei bertsolari hauek:
- Agin Laburu Rezola
- Alaia Martin Etxebeste
- Aratz Igartzabal Bidegain
- Eneko Araiztegi Agirre
- Haizea Arana Cardenal
- Manu Goiogana Bengoetxea
Lan puntuagarriak amaituta, Alaia Martin Etxebeste izendatu dute garaile, 531,5 punturekin. Horrela, zuzenean sailkatu da finalaurrekoetara; Zarauzkora, azaroaren 24an. Honela geratu dira puntuazioak:
- Alaia Martin Etxebeste ------------------------------------ 531,5
- Agin Laburu Rezola ----------------------------------------- 503,5
- Eneko Araiztegi Agirre ------------------------------------ 469
- Haizea Arana Cardenal ------------------------------------ 458,5
- Manu Goiogana Bengoetxea ---------------------------- 448
- Aratz Igartzabal Bidegain ---------------------------------- 438
Gai-jartzaile lanetan Iban Narbaiza Cevidanes aritu da. Epaileak, ostera, hauek izan dira: Amaia Otxotorena Gamio, Karlos Ibarguren Olalde, Maite Sukia Olano, Oihana Aranguren Etxaniz eta Zigor Leunda Eizmendi. Idazkaria Nerea Goñi Begiristain izan da.
Igandean jokatuko da final-laurdenetako hurrengo saioa, Errenterian. Sarrera guztiak agortu dira, eta beraz, ez da txarteldegirik egongo.
Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.
Hirugarren final-zortzirena irabaztearekin bat, zuzenean sailkatu da final-laurdenetara Arana.
Gipuzkoako Bertsolari Txapelketako lehen asteburua jokatuta, Lazkaoko eta Elgoibarko saioen txanda da orain. Irailaren 21ean izango da lehenengoa, eta 22an bigarrena. Sarrerak eskuragai daude bertsosarrerak.eus atarian.
Urretxuko Labeaga aretoan jokatu da 2024ko Gipuzkoako Bertsolari Txapelketako lehen final-zortzirena. Irabaztearekin batera, final-laurdenetara sailkatu da Rekondo. Bihar jokatuko da hurrengo final-zortzirena, Lasarte-Orian.
Gipuzkoako Bertsolari Txapelketako bigarren saioa jokatu da igandean Lasarte-Oriako Manuel Lekuona Kultur Etxean. Puntu gehien bildu ditu Iturriotzek, eta, beraz, final-laurdenetan abestuko du. Datorren larunbatean izango da hurrengo saioa, Lazkaon.