Alaia Martin eta Joanes Illarregi finalerdietarako lehen sailkatuak
Irailaren 24an Getxon eta 25ean Arrasaten jokatu dira Bertsolari Txapelketa Nagusiko lehen saioak. Getxon Alaia Martin nagusitu da eta Arrasaten Joanes Illarregi eta ondorioz, bi hauek finalaurrekoetara sailkatu dira zuzenean. Xabier Silveirak azken orduko ezuste bat dela-eta ez du kantatu eta Xabat Illarregik bete du bere lekua, bai saioan eta bai txapelketan. Hurrengo saioak Gotaine-Irabarnen eta Gasteizen izango dira.
600 entzule eta sei bertsolari elkartu ziren Getxoko Muxikebarri zentroan iragan larunbatean, txapelketari hasiera emateko. Lan puntuagarrien ostean, bakoitzak uzta hau jaso zuen sailkapenean: Alaia Martinek 738 puntu, Nerea Elustondok 695 puntu, Agin Laburuk 685, Oihana Bartrak 653,5, Unai Mendizabalek 635 eta Peru Abarrategik 627.
Igandean Arrasateko Amaia antzokia bete zuten 700 lagunek. Xabier Silveira zen bertan kantatzekoa, baina azken orduko ezuste bat dela-eta, Xabat Illarregik kantatu zuen bere ordez. Sailkatzen bada, aurrerantzean ere Xabat Illarregik jarraituko du txapelketan, eta Silveira kanpo geratu da.
Saioaren ostean Joanes Illarregi izan zen puntu gehien batu zituena: 678 puntu. Haren atzetik, hurrenez hurren, Saioa Alkaizak 673 jaso zituen, Iñaki Apalategik 664, Xabat Illarregik 659, Miren Amurizak 646,5 eta Gorka Pagonabarragak 616.
Hurrengo saioak eta sailkapena
Getxon eta Arrasaten lehen postua egin duten Alaia Martin eta Joanes Illarregi zuzenean sailkatu dira finalaurrekoetara, eta biek urriaren 22an Elizondon kantatuko dute, aurreko txapelketan finalista izan zen Unai Agirrerekin batera.
Gainerako bertsolariek, lehen faseko saio denak bukatu zain egon beharko dute, saio bakoitzean lehen postua egiten dutenez gain, beste 13 bertsolari pasatuko baitira finalaurrekoetara, jaso dituzten puntuen arabera. Hemen ikus daiteke nola dagoen puntuazio taula, oraingoz.
Datorren asteburuan jokatuko dira lehen faseko hurrengo bi saioak: urriaren 1ean Gotaine-Irabarnen (hemen ikus daiteke zein bertsolarik kantatuko duten), eta 2an Gasteizen (hemen kantatuko duten bertsolariak).
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]