Alabari amaren abizena jartzen ez uzteagatik Estrasburgok Espainiako Estatua zigortu du
Giza Eskubideen Europako Auzitegiak “diskriminazioa” egotzi dio Espainiari eta kalte-ordaina eman beharko dio amari.
2006an jazo zen gertaera Palman (Mallorca), eta orain Estrasburgok arrazoia eman dio alabari bere abizena jarri nahi zion amari. Kalte moralengatik 10.000 euro eta kostu judizialengatik 23.853 euro eman beharko dizkiote emakumeari. Auzitegiak erabaki du Espainiako Estatuak urratu egin zituela Europako Giza Eskubideen Hitzarmeneko 14. eta 8. artikuluak.
Epaiaren arabera, andreak bakarrik izan zuen haurra 2005ean eta bere abizenekin erregistratu zuen. Izan ere, haurdun zegoela konturatu zen jada harremana izan zuen gizonarekin ez zegoenean, eta hari abisatzerakoan, gizonak “behin eta berriz” esan zion abortatzeko. Harekin kontaktua eten eta haurra izan zuen; gizonari umea ikusteko aukera eman zion baina “jazarpen psikologikoagatik” harremana moztu behar izan zuen. Urtebete beranduago gizonak ume horren aitatasuna aitortzeko eskatu zion Palmako Epaitegiari. Halaxe egin zuten: haren abizena jarri zioten eta jarraian amarena.
Emakumeak errekurtsoa jarri zuen abizenen ordena aldatzeko baina ez zioten onartu, garai hartan bi gurasoen oniritzia behar zelako horretarako; hala ez balitz, aitarena lehenesten zen. Estrasburgoren esanetan, epaileek erabaki badezakete aitaren abizena lehenbizi jartzea, era berean erabaki dezakete amarena aurretik jartzea. Auzitegiak nabarmendu du kaltetutako andreak “egunero” jasaten dituela diskriminazio horren ondorioak.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Otsailaren 28tik behin-behineko atxiloaldia betetzen ari da Pablo González kazetaria Polonian. Ordutik soilik gutun bidez komunikatu ahal izan da senideekin, eta abokatuaren zein Espainiako kontsularen bisitak baino ez ditu jaso. Dagozkion giza eskubideak urratzen ari... [+]
Frantziako Gobernuak Action Directe talde armatuaren kide ohiari 15.000 euroko ordainsaria eman beharko dio, bere askatasuna zortzi hilabetez ukatu izanaren erreparazio modura. Sententziak jurisprudentzia ezarriko du Europan egungo gogortasun penalaren aurka, "adierazpen... [+]
Kataluniaren erabakitzeko eskubidearen aldeko manifestua sinatu zuten herrialde hartako 33 epailek 2014an. Ondoren, bakarrik Espainiako Poliziak izan zitzakeen epaileen NAN txartelen argazkiak argitaratu zituen La Razón egunkariak. Estatuko bideak agortuta, epaileek... [+]
Xabier Atristain berriz ere espetxean sartu dute Donostiako Alde Zaharrean bi ertzainek atxilotu ondoren, Naiz.eus-ek jakitera eman duenez. Martuteneko espetxera eraman dute euskal presoa.
Estrasburgoko auzitegiaren jurisprudentziari uko eginez, Espainiako Auzitegi Gorenak erabaki du ez duela berrikusiko Xabier Atristain espetxeratzea ekarri zuen auzia, zeinaren arabera 17 urteko kartzela zigorra jaso zuen.
Epaiaren esanetan, atxilotu zuteneko inkomunikazio garaian ez zuen izan bere konfiantzazko abokatua izendatzeko eskubiderik eta, ondorioz, magistratuek presoa absolbitu egin dute. Beste auzi batzuengatik espetxean jarraitu beharko du oraindik Iglesiasek.
Atristain Martuteneko kartzelatik atera zen otsailean, Giza Eskubideen Europako Auzitegiak ebatzi zuelako ez zuela “epaiketa justu eta ekitatezkorik” izan. Epaitegiak ez du onartu Espainiak jarritako helegitea; beraz, irmoa da erabakia.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Giza Eskubideen Europako Auzitegiak urtarrilaren 19an ebatzi du Espainiak ez zituela Iñigo Gonzalezen tortura salaketak behar bezala ikertu. Espainiak 20.000 euroko kalte ordaina eman beharko dio Gonzalezi. Guardia Zibilak sei kide atxilotu zituen 2011ko operazio hartan,... [+]
Duela hamar urte, Ekineko kide izatea egotzita, sei lagun atxilotu zituen Guardia Zibilak, Grande-Marlaska epailearen aginduz. Inkomunikazioaren ostean haietako bostek torturak salatu zituzten. Horietako bi kideren salaketak Estrasburgoko Giza Eskubideen Auzitegiak aintzat hartu... [+]
Auzitegi Goreneko bigarren aretoko hamasei epaileen artean erabaki dute, abenduaren 14an, "Bateragune" auzia berriz irekiko dutela. Aho batez hartu dute erabakia eta Espainiako Auzitegi Nazionalean egingo litzateke. Beraz, berriz epaituko dituzte Arnaldo Otegi, Rafa... [+]
Pat Omorefe izeneko emakume nigeriarrak salaketa ezarri du Giza Eskubideen Europako Auzitegiaren aurrean (GEEA), 2015ean kendu zioten haurra berreskuratzeko. Estrasburgok arrazoia eman dio, eta neurriak hartzeko eskatu die Espainiako Estatuko auzitegiei.