Aitziber Zapirain: “Irrati libreok askotan gure burua gutxiesten dugu”
Arrosa Irrati Sarea topaketen bosgarren edizioa egingo da martxoaren 24an Ondarroan, eta Aitziber Zapirain Antxeta irratiko zuzendariak topaketon berri eman digu. Herri irratien funtzioaren inguruan mintzatu da, eta azaldu du zenbaterainoko garrantzia daukaten egungo Euskal Herriko panorama politikoan.
Martxoaren 24an egingo diren topaketak Euskal Herriko irrati libreetako kide, langile eta laguntzaileak elkartu asmo ditu bosgarrenez, eta interesa duen edonor Ondarroara hurbiltzea eskatu du Aitziber Zapirainek: “Gertatu izan da, aurrez irratian ibili ez den jendea kuriositatez topaketara gerturatzea eta geroztik bere herriko irratian kolaborazioak egitea”.
Hausnarketarako topaketak izanagatik ere, eguna jai giroan hasiko da, eta jai giroan bukatu. Goizeko 10:30ean ongi etorria egingo da herriko plazan, eta iluntzean kontzertuak izango dira. Tartean, irrati tailerrak eta mahai-inguru bat prestatu dute antolatzaileek.
11:00etan hasiko dira tailerrak, bata software librearen erabilerari buruz, eta bestea irratiko ahozkotasunaren inguruan. “Antolatu ditugun irrati tailerrak [Arrosa ] Sarearen inguruan ikusten ditugun gabezien ingurukoak dira, eta hauek konpontzeko balio dezakete”, azaldu du Zapirainek.
Gaztetxeko herri bazkariaren ostean, mahai-ingurua egingo da. Herri hedabideen funtzioa gatazkan bizi diren herrialdeetan izango da mintzagaia. Antxeta irratiko zuzendariak hizlarien izenak aurreratu ditu, astelehenean konfirmatuko dituzten arren: Leonel Herrara, Asociación de Radios y Programas Participativos de El Salvador-eko zuzendaria; María Maniosa, bakerako komunikazioan aditua eta Observatori Crític dels Mitjans-eko kidea; eta Maria Aizpuru, Red de Investigación dn Comunicación Comunitaria, Alternativa y Participativa-ko ikertzailea.
Herri irratien funtzioa eta balioak
Mahai-ingururako aukeratutako gaia ez dela “kasualitatea” dio Zapirainek: “Gauzak aldatu diren arren, Euskal Herriko gatazka politikoak bertan dirau. Gatazka horren baitan, irrati libreek eduki dugu funtzio bat, gaur ere betetzen ari garena”. Alabaina, Zapirainek iritzi du herri irratiak ez direla behar beste baloratzen, kontrara, euren funtzio eta egiturak gutxietsi egiten direla, bai “kanpotik”, baita “barrutik” ere. Esan du askotan “irrati libreok gure burua gutxiesten dugula”, Arrosa Irrati Sareak izan dezakeen indarraz ohartu barik. Euskararen normalkuntza prozesuan, kasurako, eragin aktiboa dutela aipatu du.
Horretarako ere izango dira topaketak, “esateko hemen gaudela”, eta herri irratiak egiten ari direnaz kontzientzia hartzeko. Edozein irrati pribatu bezain “profesionalak” direla aldarrikatu du Antxetako zuzendariak.
Arrosa Irrati Sarea Euskal Herriko 23 irrati librek osatzen dute. “Ez da kopuru txikia”, Zapirainen ustez, “kontutan hartuta gainera askok daukaten indarra eta esperientzia”. Irrati bakoitzak bere ezaugarriak ditu egitura aldetik, baina balio komunak batzen dituzte: gertuko informazioa lantzea, eta Zapirainek dioenez, “modu libre” batean, inork ez baitizkiete “hegalak mozten”.
Nafarroako euskara hutseko irratiak 25 urte bete ditu eta Dialeko azkenak dokumentalean bildu dute bere ibilbidea. Maiatzaren 3an Larraintzarren estreinatuko dute, eta hurrengo asteetan Aizarotzen eta Erason egongo da ikusteko aukera.
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.
Martxoaren 4an, Oreretan egingo ditu Arrosa Sareak aurtengo Topaketak, bertako Zintzilik irrati librearen eskutik. Elkarrekin egoteko parada izateaz gain, “gure presentzia aldarrikatzeko” eguna ere izango da, Aitziber Zapirain sareko kideak ARGIAri kontatu dionez.
Aurten, eguneroko Suelta la Olla, Hizpidea eta Arrosa sareak ekoitzitako Zebrabidea magazinez gain, 42 irratsaio propio izango dira entzungai Hala Bedi irratiaren uhinetan. Euskaraz 14 irratsaio egingo dira, 27 gaztelaniaz eta galizieraz bat.
Hala Bedik Izan Media tailerren edizio berria antolatu du. Tailer hauen helburua herri mugimenduak zein norbanakoak komunikazioaren arloan ahalduntzea da, eta bide batez, Hala Bediren proiektu komunikatiboan inplikatzea.
Linterna de Diógenes irratsaioari ahotsa jartzen dio Arkadio irakaslea ezizenez ezaguna den Arkaitz Prietok (Errekalde, 1981). Haien bizimodua, kultura, balioak eta antolaketa moduak ardatz hartuta klase desjabetuen historia azaltzea eta aldi berean menderatze sistemak... [+]
Tailerrak eta mahai-inguruak, dokumental estreinaldia zein kontzertuak egin zituzten larunbatean Iurretako Abadetxean, Bizkaian. Topaketa berezia izan da aurtengoa, hogei urte egin baititu Arrosa sareak.
Azaroaren 6an egingo dira Arrosaren IX. Topaketak, Iurretan, jaio berria den Laixiar irratia anfitrioi dela. Edizio berezia izango da, irrati libreen sareak 20 urte bete baititu aurten.