Aitziber Coello euskal preso politikoa libre utzi dute 16 urte espetxean emanda
Etxerat elkarteak jakinarazi duenez, Aitziber Coello Onaindia euskal preso politikoa aske utzi dute 16 urte preso eman ondoren. Picassenteko (Valentzia) espetxean egin ditu azken urteak eta larunbatean libre irten da hango amen modulutik, bere semearekin batera.
Aitziber Coello preso durangoarra 2004an atzeman zuten, Coulainesen (Frantzia), ETArekin lotuta, geroztik bere bikotekide izan duen Asier Aginakorekin batera. Coellok hainbat espetxe ezagutu ditu, beti Euskal Herritik urrun. Frantziak 2012an Espainiako agintarien eskuetan utzia, 2017tik ondoan eduki du espetxean sortutako haurra.
Euskal preso politikoek bizi duten sakabanaketaren eta urruntzearen adibide latza da Coello-Aginako familiarena. Duela urtebete, 2019ko urtarrilean, Espainiako Auzitegi Nazionalak Aginakori onartu zion kartzelaldia etetea, buruan daukan tumore baten larritasunagatik. Aginakok familiagandik hurbil egoteagatik Picassent ondoko herri batean hartu zuen bizilekua. Hilabete batzuen buruan, Berria-k kontatu duenez, Coellori espetxe agintariek baimendu zioten egunero lau orduz irtetea umearekin, honen aitarekin egon ahal izateko. Covid-19 izurria zabaldu denetik, ordea, eten egin dira ama-semeen irteerak: Coellori Espainiako Espetxeen Erakundeak ez dio baimendu bere zigorraren azken hilabetea baldintzapeko askatasunean ematea kanpoan, nahiz eta beste preso askori hori onartu zaien eta batere kontuan eduki barik familiak bizi zuen egoera zaila.
Aginakok Euskal Herritik urrun bakartuta egin behar izan du konfinamenduaren parte handi bat, harik eta emaztea laster irtetekoa zela eta Euskal Herrira itzuli den arte. Larunbatean izan dute hirurek, Aitziber Coellok, Asier Aginakok eta 3 urteko mutikoak, berriro elkartzeko aukera.
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.