Aita Mari ontziak 34 pertsona salbatu ditu Mediterraneoan
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako Gobernuak. Aurreikusi dute ostiral gauean lehorreratuko direla.
Mediterraneoan zehar dabil Aita Mari erreskate ontzia uztailaren hasieratik. Igande gauean egindako operazioan 34 pertsona salbatu dituzte. Erreskatatutakoen artean hiru adingabe eta bi emakume haurdun daude, azken horietako bat zazpi hilabeteko. Aita Mari ontziko kideek adierazi dutenez, “denak ondo daude”.
Erreskatea zaildu egin zaiela azpimarratu dute. Batetik, gauez egin dutelako, eta, bestetik, hiru itsasontzi libiar azaldu direlako, tripulatzaile kaputxadun eta armadunekin. Egoera horrek “tentsio momentuak” eragin dituztela aitortu dute, pertsona batek uretara salto egin baitu. Dena dela, lortu dute berriro ontzira igotzea.
Simon Vidal Aita Mari ontziko kapitainak ebakuazioarekin jarraitzeko agindu duenean, Libiako hiru itsasontzi horietako batek alde egin du, eta beste biak erreskateari begira gelditu dira. Salbamendua bukatu denean ontzi horietako pare bat gizon errefuxiatuek hutsik utzitako ontzira sartu dira eta ontzia eraman dute. Itsas Salbamendu Humanitariokoek azaldu dute mafiek ontziak berreskuratzeko egiten duten praktika bat dela.
Lehorreratzea Ravennako portura
Italiako Gobernuak Ravennako portua ezarri dio Aita Mari ontziari lehorreratzeko. Erreskatea Libian izan da, eta Ravennako portua 870 itsas miliatara dago. Aurreikusi dute ostiral gauean iritsiko direla bertara.
Itsas Salbamendu Humanitarioko kideek salatu dute Italiako Gobernuak jarraitzen duela “munduko itsas biderik hilgarrienetako batetik” salbamendu itsasontziak urruntzeko ahaleginak egiten. Iradokizun horri gehitu diote Europak finantzatzen dituenez Libiako kostazainak, erreskateak errazago egiten lagundu beharko luketela.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]