Aisialdia, kirola eta kultura, mugikorrik gabeko arnasgune Urretxun
Herriko kirolgune, liburutegi, gazteleku, kulturgune, eskola inguru eta abarrek bereizgarria gehitu dute sarreran, jendeari eskatuz mugikorra bazter utz dezala. “Kalitatezko aisialdiaz gozatzea da helburua, arreta horretara jarrita, mugikorrak ekarri ohi duen distrakzioa gainetik kenduta”.
Gero eta gehiago dira mugikorrik gabeko arnasgune izendatu dituzten ikastetxeak, “nahiz eta eskoletako erronkak bizirik dirauen”, baina gizartea “gero eta kontzienteago” den garaiotan, mugimendua zabaldu eta aisialdiari loturiko eraikinetara hedatu dute aldarrikapena Urretxun. “Aisialdi guneak eskaintzen digunaz era kontzienteago batean disfrutatzea da asmoa, ingurukoekin sozializatzea, denboraren pertzepzio errealagoa izatea; azken finean, kalitatezko dedikazioa eta denbora eskaintzea kirol, kultur edo aisi ekintzari”, azaldu digu Ane Miren Ormazabal Urretxu-Zumarragako Altxa Buruak elkarteko gurasoak. Urretxuko Udalarekin batera jarri du abian ekimena elkarteak.
Aisialdiari eskaintzen diogun denbora behar bezala eskaintzeak “haur eta nerabeen, baina baita oro har erabiltzaile guztien ongizatea sustatzen” laguntzen du, Ormazabalen hitzetan.
"Aisialdi guneak eskaintzen digunaz era kontzienteago batean disfrutatzea da asmoa, ingurukoekin sozializatzea, denboraren pertzepzio errealagoa izatea"
Betebeharra baino, eranskina gomendioa dela jakitun, zenbateraino izango da eraginkorra? “Ez dakigu jendeak beteko duen, baina badugu esperantza –dio Ormazabalek–. Nahiz eta gomendioa izan, bereizgarria ikusten duenean gogora etorriko zaio egiten duen erabilera, eta erabiltzailearen kontzientzian klik hori egiteko behintzat balioko duelakoan gaude”. Kontzientziazioaz gain, gogoeta bultzatzea ere badu helburu kanpainak, haur nahiz heldu, gaiaren inguruan hausnartzea “guztiok behar baitugu”.
Udala kirol eta bestelako elkarteekin harremanetan dagoela eta ikasturtea bukatu aurretik ekimenak duen eraginaren feedbacka izango dutela gehitu du gurasoak.
Urretxuk bizilagun duen Zumarraga herriak ere interesa azaldu duela eta udala elkarlanera batuko dela nabarmendu du Ane Miren Ormazabalek.
Boterea eskuratzeko modu asko dago; denak ez dira politak. Bada boterea eta horrek berarekin dakarren erantzukizuna banatu nahi duenik, agintea bilatzen duenik. Beste batzuek errespetu lar diote eta pauso bakoitza hainbeste neurtuta ez dira gai erabakirik hartzeko. Boterea zer... [+]
Teknologien erabilera eztabaidatzen ari dira Eusko Legebiltzarreko Hezkuntza Batzordean, eta horretarako hainbat aditu eta eragile ari dira batzordean beren ekarpena egiten. Ikastetxeetan mugikorra debekatzeko araudi orokorra eskatu duen Altxa Buruako arduradun taldearekin hitz... [+]
Haur Hezkuntzatik hasi eta Derrigorrezko Bigarren Hezkuntza amaieraraino, ikastetxeetan mugikorra debekatzea du helburu Kataluniako Generalitateko Hezkuntza kontseilariak. 6 urtera arteko haurren ikasgeletan material teknologikorik ez egotea eta eskolen digitalizazioa aztertzea... [+]
Gure bizitzetan pantailen inbasioa azkartu da azken urteotan. Euskal Herrian, alde batetik, “pantailak euskaraz” nahi ditugula diogu ikus-entzunezkoen eskaintza handitzeko, eta bestetik, antolatzen gara eskoletan askotariko pantailek irabazi dituzten eremuak... [+]
Bizi dugun kultura kontsumistak, erabiltzaile oro agintzen du gozamen neurrigabera. Slavoj Zizek dioen eran, Goza ezazu zure fetitxea, hiper-modernitatearen agindu ozena bihurtu da. Fetitxearen lekua betetzeko dauden gailu teknologikoen bidez gauzatzen baita egungo gozamena... [+]
Altxa Burua taldeak eskatu du bigarren hezkuntzako EAEko ikastetxeetan kendu ditzatela mugikorrak, debeku bat ezarrita arauz. Aste honetan eskaera eraman dute Eusko Legebiltzarrera, Hezkuntza Sailak ikastetxeak telefono mugikorrik gabeko esparru gisa izendatu ditzan.
Guraso elkartean mugikorren inguruan bigarren hezkuntzarako protokoloa lantzen dabiltzala eta, protokoloaz galdetu dit Bilboko guraso batek.
Jaurlaritzaren webgunean irakurri dudanez, EAEn, 2024ko urtarrilean ikastetxeetan mugikorren erregulazioaren inguruan adierazi zena... [+]
16 urtez azpikoek laster ezingo dute sare sozialik erabili Australian, eta antzeko neurriak ezarri nahi dituzte Espainiako eta Frantziako gobernuek ere. Neurriaren eraginkortasunaz, sare sozialetako eduki eta dinamikez, pribatutasunaz eta plataforma handiek honetan guztian duten... [+]
Datuek erakusten dute joera apurtzea lortzen ari direla etxe (eskola) ugaritan. 11-12 urterekin ia gazte guztiek mugikorra izatetik igaro gara adin horretan smartphonerik ez duten ikasleak gehiengoa izatera hainbat ikastetxetan, guraso taldeen ekimenari esker: Zarauzko ikastolan... [+]
“Pantaila aurrean denbora gutxiago igarotzeko esaten diegu gazteei, eta aldi berean ikastetxean derrigortzen ditugu gailu digitaletara konektatzera”. Eskoletako digitalizazio prozesuei frenoa jartzeko eta teknologiak (ez bakarrik hezkuntzan) gure gain duen kontrolaz... [+]
Ikastetxeak mugikorrik gabeko arnasgune izan daitezen araudia sortzeko eskatu diote Eusko Jaurlaritzari hainbat guraso taldek, gutun bidez eta sinadura bilketa abiatuta. Gaur gaurkoz, eskola bakoitzaren bizkar dago erabakia: mugikorra onartu ala ez eta zein baldintzatan... [+]
Gizakiontzat ez da inoiz erraza izan lasai pentsatzeko denbora tarte luzeak hartzea, bizimodua aurrera ateratzearen ardurarekin bizi gara, bai geurea zein geure ondorengoena. Bizitzeko izan dugun aukera honetan, ahalik eta ongien nahi ditugu gauzak egin. Ardura horiengatik,... [+]
Nerabe batek mugikor, tablet eta pantailei ematen dien erabileran eragin handienetakoa gurasoak direla frogatu du ikerketa batek. Alegia, nahiz eta adin horretan gurasoenganako distantzia bilatu ohi den, pantailekiko garatuko duen harremanean gurasoak oraindik ere eredu direla... [+]
Eskolan adimen artifiziala erabiltzera animatu ditu irakasleak Eusko Jaurlaritzako Hezkuntza sailburuak, eraldaketa digitalaren beldur ez izateko esan die. Ikasgelan mugikorra erabiltzeari buruzko gogoeta prozesu bat ere iragarri du: “Ez dago erabilera horrek duen... [+]