“Instituzioek ez dute greba feminista orokor bat egin izana baloratzen”
Ondoko urratsen berri emateko agerraldi publikoa egin du Denon Bizitzak Erdigunean plataforma feministak otsailaren 20 honetan. Zaintza sistema publiko eta komunitarioaren aldarria plazaraturik dutela, instituzioen partetik "neurriko erantzunik" jaso ez izana salatu dute. Plataformako kide den Ainhoa Olasorekin hitz egin du ARGIAk .
Instituzioen partetik "neurriko erantzunik" jaso ez izana salatu duzue agerraldi publikoan. Nola interpretatzen duzu isiltasun hori?
Intituzioetatik jaso dugun erantzuna ez da behar genuena izan. Arduratuta gaudenon ahotsa ez dute kontuan hartzen, ez dute greba feminista orokor bat egin izana baloratzen. Ez zaie interesatzen egiten ditugun interpelazio guztien aurrean jartzea, haien erantzuna denok dakigulako zein den: ez zaie interesatzen haien politikagintza zalantzan jartzea ezta aldatzea ere. Argi dago, gure bizitzen eta kapitalaren artean egiten duten hautaketa.
Zaintza sistema publiko komunitarioa duzue helburu eta horren alde "gogoz eta anbizioz" zabiltzatela azpimarratu duzue. Zer nolako antolaketa duzue?
Herriz herri grebaren bueltan aktibatutako asanbladek forma bat edo beste hartu dute –asanblada feministak, greba komiteak...– eta orain, grebaren ondoren arrastoa ezberdina da lekuan leku. Aurrera begirako erronkekin, maila lokaleko dinamikekin eta zaintza eskubide kolektiboaren aldeko pedagogiarekin gabiltza. Urtarrilaren 28an elkartu ginen azkenekoz asanblada feminista nazionalean eta herrietako dinamika eredugarriez eta korapiloez hitz egiteko tartea hartu genuen. Badaude prozesu honen baitan martxan dauden dinamika interesgarriak: Gasteizen, Beran, Gernikan, Amurrion... Asanblada nazionalak oso garrantzitsuak izan dira dinamikaren bueltan erabakiak hartzeko espazio bezala, elkar elikatzeko, eztabaidatzeko. Printzipioz, funtzionamendu hori mantentzea aurreikusten da. Hego Euskal Herri mailan, aldiz, koordinazioan, maizago elkartzen gara. Sektore ezberdinekin bilerak egiten gabiltza, mahai intersindikalean parte hartzen dugu mugimendu feministako kide bezala, etxeko langileen elkarteak ere elkartuta daude, harremana zuzena da. Urri bueltarako topaketa batzuk antolatzen gabiltza.
Prozesu honek ondorioak izan ditu mugimendu feministaren baitan ere: asanbladak aktibatu ditu, gogoak indartu ditu, sare batzuk piztu ditu, nolabait agenda markatu du.
Iazko azaroaren 30eko greba feminista orokorraz geroztik denboratxoa pasa den honetan, zer nolako indarra eta energia du mugimendu feministak?
Prozesu honek ondorioak izan ditu mugimendu feministaren baitan ere. Asanbladak aktibatu ditu, gogoak indartu ditu, sare batzuk piztu ditu, nolabait agenda markatu du. Lekuan leku ezberdina izango da, baina azken asanbladan 300 kidetik gora elkartu izana pozgarria dela esango nuke. Gogoa badago hor. "Eta orain zer egingo dugu?" galderari buruzko jakin-mina ere bai. Hori mugimendu batekiko konfiantzaren seinale dela uste dut.
Zein dituzue ondoko urratsak edota helburuak?
Asanbladan lanean jarraitzeko asmoan berretsi ginen. Sektore ezberdinekin elkartu eta estrategia amankomunak josten gabiltza. Instituzioak interpelatzen jarraituko dugu. Maila lokalean, bertako egoeren eta beharren araberako dinamikak jarriko dira martxan, eta Herri Akordioaren zabalkundeari ekingo diogu, aliantzak indartuz ere. Mugimendu feministak eta prozesu honen baitan elkartzen diren eragileak –izan etxeko langileen elkarteak, sindikatuak, sexu langileak zein eragile sozialetako kideak– agente izan nahi dugu: Herri Akordioa osatu genuen eta aldarrikapenak agendan kokatu nahi ditugu, erabaki guneetan eragin nahi dugu.
Tesia amaituta, pozik dago Lore Lujanbio. Militantziarako denbora gehiago du, besteak beste. Mugimendu transfeministaren erronkez galdetuta, hauek identifikatzen ditu: neoliberalismoak mugimenduaz egin duen apropiazioari heltzea, faxismoaren eta erreakzio heteropatriarkalen... [+]
Bukatu da (bukatzen ari da) tomatearen sasoia eta unea aprobetxatu nahi nuke uda honetan izandako kezka eta amorruak orriotara ekartzeko.
Gure herri eta hiriek ez gaituzte zaintzen. Lurra falta zaigu, berdeguneak, espazio komunitarioak. Gure herria kapitalaren zerbitzura dago diseinatuta. Zaintzaren herrian, ordea, bizitza da erdigunea.
Lehen Kale Nagusia zegoen, hiria zeharkatzen zuen kale erraldoi bat... [+]
Etxeko langile diren eta zaintza lanetan aritzen diren emakumeentzako etxea abian jarri dute Berriozarren. Zortzi pertsonendako lekua duen pisua gaitu dute zaintzan diharduten langileak 6-12 hilabetez espazio duin eta seguru batean bizi daitezen. SOS Arrazakeria Nafarroak eta... [+]
ELA eta LAB sindikatuek deituriko lanuztea da eta “lehenengo probintzia lan-hitzarmena” aldarrikatuko dute. Langileak lau urtez egon dira “baldintza duinak” galdegiten eta ekainean berriro biltzen hasi zirenetik “ez da aurrerapausorik eman”.
Euskalgintzaren Kontseiluak Zaintza eta euskara. Sareak eraikitzen jardunaldiak egin ditu irailaren 26an, Donostian. Idurre Eskisabelek, Kontseiluaren idazkari nagusiak, lehen hitzaldian adierazi du “urgentziazkoa” dela gaiari heltzea. Jardunaldien helburua ez da... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Seme-alaba jaioberria zaintzeko baimen ordainduaren zati bat aiton-amonei edota gertuko beste norbaiti eman diezaiekete gurasoek Suedian, uztail honetatik aurrera.
Arrazismoa, matxismoa, klasismoa, eta beste hamaika ismo-rekin batera koka genezake edadismoa ere, adinkeria, alegia. Adinaren arabera jasan daitekeen bazterketa guztiok paira bagenezake ere, bestelako diskriminazio motekin gurutzatzen denean, errealitatea gogortu egin daiteke... [+]
Azpeitiko epaitegian deklaratu beharko dute ekainaren 5ean. Zumaia eta Zarautz arteko A-8 autobidearen mozketari loturik, "desordena publikoa" egozten diete. Egun berean 09:50ean elkarretaratzea eginen du mugimendu feministak, elkartasuna adierazteaz gain,... [+]
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Bati fardela aldatzea. Beste bati gorputza garbitu eta ximentzea. Jana atondu eta norbaiti jaten ematea. Norbaiten gorputza oheratu edo ohetik altxatzea. Goitikan ari dela inori eutsi eta hura garbitzea. Horiek guztiak dira zaintzeko lanak. Zerrenda askoz luzeagoa da, nahiz... [+]
Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]