AHTren moratoria eskatu dute Tolosa, Hernialde eta Anoetako alkateek
Tolosa, Hernialde eta Anoetako alkateek agerraldia egin dute Hernialden, AHTren obrek eragindako zuloa dela-eta, gertaeraren inguruko salaketa egiteko.
"Sarri esan dugu obra faraoniko honen inguruan informazio eza dagoela, eta azken gertaera honek frogatzen du Udalekiko zein lurjabe eta kaltetuekiko ADIF, ETS eta Eusko Jaurlaritzak erakutsi duten errespetu falta, gutxieneko informaziorik ere ez helaraztearekin", azaldu dute hiru udaletako alkateek. "Kezka izugarria agertzen dugu, zulo honek oraingoan soro batean izan baitu eragina baina edozein momentutan baserri bat irentsi dezakeelako. Honekin batera, salatu nahi dugu oraindik ez zaigula gertatu denaren inguruko azalpenik eman".
"Hainbatetan esan dugu obra hauek zentzurik ez dutela, hiru arrazoi nagusigatik: izugarrizko diru xauketa delako, ingurumenarekiko eraso handia delako, eta ez diolako herri honetako herritarren beharrei erantzuten. Hau denagatik, etorkizunagatik eta segurtasunagatik AHTren moratoria eskatzen dugu, gaiaren inguruan sakon eztabaidatu eta eta gizartearen benetako eztabaida bat eman bitartean".
"Ohiko" gertaera, Jaurlaritzaren hitzetan
AHTren obrek Hernialden eragin duten 15 metro inguruko diametroko zuloa, Tolosaldeko Ataria-ren bideoan ikus daitekeena, "ohikoa" dela adierazi du Eusko Jaurlaritzako Ingurumen eta Lurralde Sailak. EH Bildu koalizioarentzat "oso larria" da gertatutakoa, langileen eta herritarren segurtasuna arriskuan jartzen duelako.
Jaurlaritzak azaldu du urriaren 7an gertatu zela lurjauzia, eta arazoa "momentutik bertatik" konpontzen hasi zirela, Maddi Ane Txoperenak Berria egunkarian jaso duen moduan. Gehitu du bestelako azpiegitura lanetan ere gertatu ohi direla antzekoak, eta langileei ez diela "inolako kalterik" eragin.
Anoetatik Hernialdera joango den tunela egiteko obrek eragin dute zuloa.
Informazio gehiago:
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]
Hamar euroko billeteak zabaldu dituzte Iruñeko Merkatuan, haien mezuarekin.