AHTren Ezkio-Itsasoko loturak “arazoak” dituela dio Espainiako Gobernuak eta Gasteizkoaren alde egin du
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
Jakina zen Espainiako Gobernuaren eta Adifen jarrera, baina orain Espainiako Garraio ministro Oscar Puentek baieztatu egin du, ostegunean Nafarroara egindako bisitan: Abiadura Handiko Trenak Iruñetik Gasteizerako bidea egitea hobetsi dute, Sakanan barrena.
María Chivite Nafarroako presidente eta alderdikidea ondoan duela egin ditu adierazpenok Puentek: "Argi esanda, Ezkioko aukerak arazoak dakartza", esan du. Ministroak onartu du arazo "teknikoak" direla, zundaketak egiteko baimenak lortzeko zailtasunak dituztelako udal eta norabanakoen aldetik. Baina gainera, bere esanetan, ibilbide horrek "konplexutasun teknikoak eta denborazkoak" ere baditu: "Ezin dugu ezkutatu Gasteizko aukera dela, paper gainean, onargarriena".
Espainiako Gobernuak Euskal Y deiturikoa Nafarroarekin lotzeko trazatua nondik egitea erabakiko ote duen zalantzan izan da azken urteetan.
Alde batetik, Altzaniako korridore ekologikoan barrena Iruñea eta Ezkio-Itsaso lotuko lituzkeena dago. Ibilbide honek 55 kilometro izango lituzke, tartean Aralar eta Aizkorri inguruak zulatuko lituzkeen 21 kilometroko tunelarekin, eta 2.000 milioi euroko kostua izango luke. Bestetik Iruñea eta Gasteiz Sakanatik lotzen dituen ibilbidearen aukera dago, kasu honetan zubibide ugari ditu baina tunel gutxiago –5,7 kilometro denera– eta askoz merkeagoa litzateke: 700 milioi euro inguru.
Aukera hoberena, hirugarrena?
Alderdi politiko, gobernu eta diputazioek postura ezberdinak hartu izan dituzte aukera baten zein bestearen aurrean, horretarako emandako arrazoiak Europarekiko "konexioa" edo Bilbo-Iruñea arteko bidaia denborak izan dira, besteak beste.
Puenteren hitzen aurrean, Gipuzkoako Foru Aldundiko bozeramaile Irune Lasak berretsi du Ezkio-Itsasoko lotunearen aldeko euren jarrera, "herri apustu bat" delako. Ezkio-Itsasoko AHTren geltokia egina dago jadanik, jakin gabe horretarako erabiliko ote den.
2024ko ekainean ziren amaitzekoak zundaketak –Puenteren hitzek iradokitzen dute oraindik lan horietan dabiltzala– eta horren ostean jakinaraziko du Espainiako Gobernuak ofizialki zein den bere azken erabakia.
Nolanahi ere, AHTren kontrako eta tren sozialaren aldeko eragileek eta talde ekologistek ez dute ez aukera bat ez bestea ongi ikusten, eragingo lituzketen kalteengatik, eta hirugarren aukera merke eta errazagoa proposatu dute: oraingo trenbidearen hirugarren erraila jartzea konexio hori lortzeko.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
Zirkulazioan lehentasunek garrantzi handia dute. Gidatzeko ikasten dugun lehen gauzatakoak dira: biribilguneak eta STOPak menperatu ezean nekez lortuko dugu gidabaimena.
Hala ere, lehentasunak ez dira kontu neutroak, eta historiak eta interes kontrajarriek aldatu izan... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Suhiltzaileek beste sute bat itzali behar izan zuten abenduaren 27an Zubietako erraustegian.