AHTren aurkako bizikleta martxa antolatu dute Iruñetik Atxondora
Nafarroako AHT Gelditu plataformak antolatu du eta uztailaren 28tik 30era arte iraungo du. Atxondora heltzean, hiru eguneko akanpada egingo dute.
Bizikletaz etapaz etapako ibilbidea antolatu du AHT Gelditu plataformak. Uztailaren 28an, asteazkenean, hasiko da Iruñetik eta Atxondon bukatuko da uztailaren 30ean. Bertan, hiru eguneko akanpada egingo da, abuztuaren 1era arte. Ekimenaren helburua Abiadura Handiko Trenaren obrak gelditzeko eskatzea da.
Antolatzaileek salatu dute 15 urteko lanaren ondoren, EAEn AHTrako behar den inbertsioaren %58 falta dela egiteko. Nafarroan, hamar urte eta gero, inbertsio osoaren %96 falta baita trenbidea martxan jarri ahal izateko. Plataformak salatu du finantzaketa hori lortzeko funts publikoak erabiliko dituela Nafarroako Gobernuak, pandemiaren osteko egoerari aurre egiteko Europatik jasotzen dituen laguntzak, hain zuzen.
Biztanleriaren sektore handien pobretzea gertatzen ari den bitartean, gizarte-gaietan murrizketak egin direla esan dute elkartetik, eta egoera horrelakoa izanik, dirua obretarako erabiltzea onartezina dela. AHT dagoeneko eraikita dagoen azpiegitura dela eta atzera egiterik ez dagoela “inposatzen” ari direla salatu dute, baina, errealitatea bestelakoa dela diote haiek: eraikuntza gelditu egin daiteke, eta horretarako jarri dute abian ekimena.
Bizikleta martxa
Uztailaren 28an, goizeko 9:30ean abiatuko da martxa Iruñeko Diputaziotik. Hasiera ekitaldia bukatu eta gero, Irurtzun zeharkatu eta Etxarri Aranatzera helduko dira parte-hartzaileak.
Bigarren egunean, Altsasu eta Agurain igaroko dituzte eta Eturan bukatuko dute bidea.
Hirugarren egunean, Arrasate eta Elorrio zeharkatu eta Atxondora helduko dira. Ongi-etorri ekitaldiaren ondoren, hiru eguneko akanpada hasiko dute.
Gauetan ekitaldiak eta hitzaldiak antolatu dituzte. Bazkaria eta afariak ere bertan egingo dira, eta horretarako txartelak hartu beharko dira. Bizikleta eta kaskoa eramatea nahitaezkoa izango da, joateko ibilbidea osatzeko; bueltan, ibilgailuetan itzuliko dira Iruñera.
Izena-ematea
AHTrik ez akanpadaren webgunean eman daiteke izena. Informazio gehiago lortzeko, plataformaren gunea kontsultatu daiteke.
Hamar euroko billeteak zabaldu dituzte Iruñeko Merkatuan, haien mezuarekin.
Sakana, Goierri eta Lautadatik igaro da martxa abuztuaren 25etik 27ra, ekimen, kontzertu eta kontzentrazioekin.
Abiadura Handiko Trena eraikitzeko zundaketa geologikoen baimen-eskaeren aurka, hainbat taldek bizikleta martxa antolatu dute Sakanan eta Goierrin. Zundaketek kaltetutako lurraldeak zeharkatuko ditu abuztuaren 25etik 27ra.
Al-TAV-oz eguna antolatu du larunbatean Nafarroako AHTren kontrako mugimenduak Iruñean, datorren larunbatean. Plazara! zentroan egun osoko jardunaldia izango da hitzaldiekin, abiadura handiko trenari buruzko hausnarketa sustatu eta "eztabaidagune bat sortzea"... [+]
2030a aurretik Gasteiz eta Iruñea arteko AHTren tartea eraikitzeko aurreikuspenik ez dagoenez, halakorik ez eraikitzea proposatu du Europar Batzordeak. Berriaren harira, AHT Gelditu! mugimenduak adierazi du abiadura handiko trena gelditzea oraindik posible dela.
Guneak 5.000 metro karratuko azalera hartzen duela iragarri du Nafarroako Gobernuak. Hasierako ikuskapenekin, Bigarren Burdin Aroko piezak izan daitezkeela azaldu dute. Arkeologia lanak laster hasiko dira, baina ez diote AHT eraikitzeko epeei eragingo.
Uztailaren 30etik abuztuaren 1era bitartean egingo dute Bizkaiko herrian. Borrokaz ekidin ezean hilabete gutxiren buruan makinak Atxondoko lurretan sartu daitezkeela ohartarazi dute kanpaldiko antolatzaileek, eta proiektua gelditzea inoiz baino beharrezkoagoa ez ezik posible... [+]
Ribabellosako Trufaren azoka baliatuz "AHTrik EZ! Arabako Haranak" plataformako kideek elkarretaratzea egin zuten proiektuaren aurkako kontrakotasuna adierazteko. Araba mailan tren sozialaren aldeko sinadura bilketa jarri dute martxan Abiadura Handiko Trenaren aurkako... [+]
Eneko Goia Donostiako alkatearen hitzaldia moztu dute ekintzaileek. Basque Rail Way 2020 jardunaldiak Eusko Jaurlaritzak, Euskal Trenbide Sareak eta Eusko Trenbideak-ek antolatu dituzte.
Gobernu Delegaritza aurrean elkarretaratzea antolatu dute gaur, abuztuaren 31, 19:30ean. Erriberri eta Azkoien bitartean egin nahi dituzten lanak bertan behera uzteko eskatuko dute.