AHTrako zundaketak gelditzeko bizikleta martxak bidean dira
Abiadura Handiko Trena eraikitzeko zundaketa geologikoen baimen-eskaeren aurka, hainbat taldek bizikleta martxa antolatu dute Sakanan eta Goierrin. Zundaketek kaltetutako lurraldeak zeharkatuko ditu abuztuaren 25etik 27ra.
AHT Gelditu Nafarroa, AHTrik ez Lautada, Landarlan, Otsotarrak, Sakana Trenaren Alde eta Sustrai Fundazioak osatutako Stop AHT Zundaketak ekimenak AHT eraikitzeak dakarren inpaktua salatuko du martxaren bidez: "ingurumen-inpaktuak, herri eta lurretan izango duen eragina, xahutze ekonomikoa, ohiko trenaren desmantelamendua eta haren zerbitzuak hobetzeari uztea, eta horren ondorioz enpleguak galtzea". Esplorazio zundaketak “horren guztiaren hasiera” direla adierazi dute.
Bizikleta martxa zenbait herritatik igaroko da, zundaketak geldiaraztea eskatzeko. Abuztuaren 25ean hasi dira, Irurtzungo herriko plazan 10:00etan, Olaztira 20:30ean iristeko eta bertan Aguraindik 18:00etan abiatuko direnekin bat egingo du. Altsasun egingo den bilkura eta batzar informatiboa azpimarratu dute, 18:30ean Udaletxeko plazan elkartuko dira.
26ean, Olaztitik abiatuko da martxa 9:00etan. 10:00etan trenbide langile eta sindikatuekin bilduko dira, eta Zegama eta Seguratik jarraituko du martxak Idiazabalera iritsi arte. Ondoren, Beasainen elkarretaratzea egingo dute Erauskin plazan 13:00etan, eta 15:30etik aurrera Lazkaon batzar irekia antolatu dute AHTren aurkako borrokaren inguruan eztabaidatzeko. Eguna Ataunen amaituko dute, 19:00etan Auzoeta pilotalekura iristea aurreikusi dute.
Igandeko etapa Ataun eta Irurtzun artekoa izango da. 8:30ean abiatuko dira, eta Lizarrustitik Lakuntzara 11:00ak aldera iritsiko da. Uharte-Arakilen 12:00etan elkarretaratzea egingo dute Seme-Alaben plazan, eta mobilizazioa amaituta, Irurtzunera abiatuko dira, eta han martxari emango diote amaiera.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]