AHTk Lezetxikin eta Udalaitzen egindako kalteak salatu dituzte dozenaka herritarrek Arrasaten
Lezetxikiko haitzuloan Abiadura Handiko Trenak egindako kalteak salatu eta ondare kultural eta naturala babesteko eskatu diete erakundeei Arrasaten igandean elkarretaratutako herritarrek: "Gure herriko ondarea txikitu duena eliteen interesen menpeko proiektua da", azaldu dute.
Lezetxikiko haitzuloa AHTren obren tunel batek nola zulatzen duen erakusten dituzten irudiak zabaldu zirenetik, azpiegitura horrek lurpean eragiten dituen kalteen inguruko kezka areagotu egin da herritar askoren artean, eta horren isla da igandean Arrasaten dozenaka lagunek egindako elkarretaratzea, Lezetxiki eta inguruak babestu, AHT gelditu! lelopean.
Elkarretaratzean, historiaurreko aztarna arkeologiko garrantzitsuak gordetzen dituen haitzuloan AHTk egindako kalteak salatzeaz gain, ingurune naturalean eta geologikoan ere egindako kalteak salatu dituzte. Gogorarazi dute Udalaitz inguruan biodibertsitateari eta natur baliabideei zuzenean erasan dietela obrek: Kobate erreka estali egin zen eta Aramaio errekaraino iristen diren isuriak sarritan gertatzen dira geroztik; porlanezko baso-bideak zabaldu dituzte Gesalibar eta Garagartza auzoetan; eta Bostiturrietako iturburua "erabat hondatuta dago", azpimarratu dutenez.
Gogorarazi dute Udalaitz inguruan biodibertsitateari eta natur baliabideei zuzenean erasan dietela obrek
2011n uholdeak eta kalteak iturburuetan
Hain justu, Adif-ek berak 2011n aitortu zuen jakin bazekitela Bergarako lotuneko Arrasate-Elorrio-Bergara ibilbideko AHTren lanekin Bostiturrietako eta Abolako iturburuak kaltetuko zituztela. 2010ean, obrek aurrera egin ahala uholde handiak izan zituzten tuneletan, "dozenaka milaka metro kubo" xahutu ziren Bostiturrietara joan behar luketenak: "Iturburua praktikan lehortu egin zen, eta Arrasateko udalerriaren zati bat hornitzeko erabilgaitz geratu zen", dio Adifek Bilbon urte hartan egindako jardunaldi batzuetarako prestatutako txostenak.
Horrez gain, AHTren kontrako mugimenduko kideek diote 2010ean Karraskaingo tunela eraikntzen hasi zirenean, sustatzaileek bazekitela Lezetxikiko galeria bat gurutzatuko zuela trenbidearen trazatuak.
Arrasaten elkarretaratuek AHTko obren inguruan dagoen "informazio falta" salatu dute: "Gertatutakoa aukera bat da, erakundeek obren kontrola berreskuratzeko. Zeren eta nabaria da zein informazio publiko gutxi helarazi duten, eta horrek erakusten du informazio hori ez zutela edo ez dutela publiko egin", azaldu dio herritar batek Goiena-ri.
Hala, amaierako hitzartzean erakunde horiei eskatu diete "gure ondare naturala, kulturala, arkeologikoa eta baita gaur plazara ekarri gaituen ondare geologikoa ere, benetako babes-neurri eraginkorrekin betirako babestea".
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Noizbait. Noiz izan ote zen? Noizbait landareren batek lorea egitea erabaki zuen. Bai, bai, landareek ere erabakiak hartzen dituzte, eta guk maiz ez bezala, erabakiak bete egiten dituzte. Eta loreak sortu zituzten.
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Katalanen ustetan artzainak engainatzen omen ditu hegazti honek: “enganyapastors”. Espainiar eta latindarrek, aldiz, ahuntzari esnea kentzen diola diote, hortik datorkio hain zuzen ere izen zientifikoan (Caprimulgus europaeus) islatzen den caprimulgus (capra... [+]
Euskal Herri mailan txikitik handira agroekologia sustatzen duten zenbait elkarte eta kooperatiba ataka larrian daude, finantziazio iturriak bertan behera geratu ostean. Erakunde publikoetatik, berriz, elikadura negozio gisa ikusten duten proiektuen aldeko apustu irmoa nabari... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
Andeetako Altiplanoan, qocha deituriko aintzirak sortzen hasi dira inken antzinako teknikak erabilita, aldaketa klimatikoari eta sikateei aurre egiteko. Ura “erein eta uztatzea” esaten diote: ura lurrean infiltratzen da eta horrek bizia ekartzen dio inguruari. Peruko... [+]
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Agintari gutxik aitortzen dute publikoki, disimulurik eta konplexurik gabe, multinazional kutsatzaileen alde daudela. Nahiago izaten dute enpresa horien aurpegi berdea babestu, “planetaren alde” lan egiten ari direla harro azpimarratu, eta kutsadura eta marroiz... [+]
Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.