60 milioi euro zor dizkio Espainiako Estatuak Nafarroari AHTrengatik
Nafarroako Gobernuak Abiadura Handiko Trena (AHT) eraikitzeko 60 milioi euro aurreratu dizkio jada Espainiako Estatuari, baina Madrilek ez dio oraindik dirurik itzuli, obra publikoetako zuzendari Ignacio Nagorek onartu duenez.
AHTren eraikuntza Estatuaren eskumena bada ere, Nafarroari azpiegitura eraikitzen hastea ahalbidetzeko akordioa sinatu zuten 2009an administrazio biek.
Adostutakoaren arabera, Nafarroako Gobernuak obretan gastatutako dirua bi urtetan itzuli behar zion Espainiako Gobernuak: 2013an 10 milioi euro eta aurten 25,6 milioi euro gutxienez, baita 2011n eta 2012an inbertitutakoaren zati proportzionala ere.
Inbertsio horiei aurre egiteko Nafarroako Gobernuak maileguak eskatu ditu, eta dagozkion konpentsazioak eskuratu ahala mailegua itzultzen joatea da asmoa. Bien bitartean, ordea, interesek eragindako kostuak ordaintzen ari dira nafarrak.
2014rako aurreikusitako AHTren eraikuntzei aurre egiteko 102 milioi euroko beste kreditu bat eskatuko du Nafarroak. Jada inbertitu dituzten 60 milioi euroen ordainketara bideratuko da diru horren zati bat.
Bost urtez handitzen ari den zama
2009an Miguel Sanz orduko Nafarroako presidenteak eta José Blanco Espainiako Gobernuko ordezkariak (PSOE) sinatutu zuten AHTren eraikuntza aurreratzeko akordioa. Orduan “akordio arrakastatsutzat” jo bazuten ere, Nafarroako Gobernuarentzat aurre egin ezinezko zama bilakatzen ari da.
Hitzarmena sinatu zutenetik bost urte pasa direnean Nafarroako Gobernuak onartu du kaltegarria izaten ari dela, eta EAEk trenaren eraikuntzan Estatuarekin duen akordio bera izatea eskatu du: “Madrilgo Gobernuari egiten zaion hiruhileko ekarpenetik deskontatu nahi dugu guk ere AHTren gastua. Honela ez genituzke interesak nafarren artean ordaindu beharko”, adierazi du Yolanda Barcina Nafarroako Gobernuko presidenteak.
Bilduk azalpenak eskatu dizkio Barcinari: “AHTren obretan izugarrizko irregulartasunak ikusten eta egiaztatzen ari gara. Eta horri Nafarroan trenbidearen aparteko zati zentzugabe baten eraikuntza gehitu behar zaio”, adierazi du Maiorga Ramirezek.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]