AHTaren obretarako zabortegi bat ezartzea aurreikusten dute Donostialdeko Belartzan
120.000 metro kubikoko betelana eginda dago bertan 2016tik. Talde ekologistek ez zela legezkoa salatu zuten eta gaia auzitegietara eraman zuten. Auzitegiek arrazoia eman zieten talde ekologistei, baina legez kanpoko ekimena egin zuten enpresek ez dute kasurik egin.
Abiadura Handiko Trenaren obrek Belarzako lurrak zeharkatzen dituzte Astigarraga eta Lezo artean, Añorgatik gertu. Bertan, trenbidearen eraikuntza lanek utzitako hondakinentzako zabortegi bat ezarri nahi dute, Noticias de Gipuzkoa egunkariak kaleratu duenez.
Gune horretan 120.000 metro kubiko harri isuri ziren 2016an, eta kolektibo ekologistek biltegi hori kritikatu zuten. Halaber, “legez kanpokoa” dela adierazi eta auzitara eramatea erabaki zuten. Auzitegiek arrazoia eman zieten ekologistei, eta Donostiako Udala duela urtebete zigortu zuten legearen aurkako harri-betelana baimentzeagatik, eta agindu zion lurrok isurketa egin aurreko egoeran utzi behar zituela. Hori dela eta, udalak lursailaren jabeei harriak kentzeko agindu die, baina horiek ez dute jaramonik egin. Hainbat isun eta errekerimendu jarri ostean, udalak ekainean iragarri zuen modu subsidiarioan erretiratzeko izapideak hasiko zituela. Ondorioz, udala bera arduratuko omen da harriak lekualdatzeaz, baina operazioaren kostua enpresa jabeari egokituko zaio.
Erabakia Nekane Arzallus Hirigintza zinegotziak iragarri zuen azken bilkuran, EH Bilduk eta Elkarrekin Donostiak mozioa aurkeztu ostean. Talde ekologistek, Haritzaldek kasu, txalotu egin zuten erabakia, baina “udalak erabakia aplikatzeko izan duen atzerapena” kritikatu zuten.
Hilabete beranduago, AHTari buruzko dokumentazio publikoak Belartza “zabortegia” dela identifikatu zuen. Aurreikusitako trenbide-sarearen informazio-azterketaren arabera, aipatutako tartean hamabost bat puntu egongo lirateke obretatik datozen lurrak uzteko; horietako lau Donostiako udalerrian daude. Belartzakoaz gain, Rezola zementu-fabrikaren ondoan beste zabortegi handiago bat dago, eta txikiagoak diren beste bi, berriz, Martutene inguruan. Trenbide-ibilbideko zabortegi guztietan handiena Andoainen dago.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]