AHTren “inposaketa” salatzeko ekintza egin du Baionan Bizi-k
AHTren proiektua herriaren borondatearen aurka "inposatzen" ari direla salatzeko, Bizi mugimenduko ekintzaileek bi pankarta zintzilikatu dituzte Pirinio Atlantikoetako Departamentuaren Kontseiluak Baionan duen egoitzatik.
Asteazkenean, goizeko 08:15ean, Bizi mugimenduko 20 ekintzailek pankarta parea zintzilikatu dituzte CD64 Pirinio Atlantikoetako Departamentuaren Kontseiluaren egoitzatik, AHTren proiektua inposatzen ari direla salatzeko. Zehazki GPSO - LGV proiektua bertan behera uzteko exijitu dute; siglak frantsesezko eta gaztelaniazko Grand projet ferroviaire du Sud-Ouest - Línea de Gran Velocidad izenen laburdura dira. GPSO Frantziako hego-mendebaldeari begira diseinatutako proiektua da, eta bi abiadura handiko linea eraikitzea aurreikusten du; Bordele eta Tolosa (Okzitania) artean bata, eta Bordele eta Donibane-Garazi artean bestea. Hala, Euskal Herritik igarota, Espainiako Estatua eta Frantziakoa batuko lituzke AHTren zati horrek.
Protestarako erabilitako pankartetan bi lelo argi irakur zitezkeen: CD64, n'imposez pas la LGV au Pays Basque (CD64, ez inposatu LGVa Euskal Herrian) eta CD64, bortxarik ez! Euskal Herriak AHTri EZ!. Ekintzarekin "kostu ekonomiko, ekologiko eta sozial izugarriak dituen" proiektu polemikoaren kontrako jarrera berretsi nahi izan du mugimenduak, proiektua inposatzen ari direla salatzearekin batera.
Gogorarazi dute 2021eko abenduan Euskal Elkargoko hautetsien %80ak bozkatu zuela proiektuaren aurka. "Euskal Herrian, jendarte zibilaren eta arlo politikoaren baitan, proiektu honen errefusaren adibide enblematikoa", mugimenduaren hitzetan. Halere, proiektuak mahai gainean dirau, eta zentzu horretan Pirinio Atlantikoetako Departamenduko Kontseilua eta bertako lehendakari Jean-Jacques Lasserre interpelatu dituzte, "zeren proiektuaz zuzenean hunkitua den lurralde oso baten iritziaren kontra doa". Proiektuak, gainera, AHTren geltokitik ordubete baino gutxiagora bizi diren herritarrei zergak igotzea ekarriko lieke.
Salaketekin batera, eskakizunik ere egin du mugimenduak: dagoeneko existitzen den trenbidea egokitzea eta "modernizatzea". "Errealista, merkeagoa eta ingurumena errespetatzen duen alternatiba da", deritzote. Gogorarazi dute Irungo, Baionako eta Bordeleko alkateek eskatu dutela trenbidea modernizatzeari buruzko ikerketa, trenbidea egokitu eta egunean jartzeko helburuarekin. "Orain beste 120 hautetsik sustengatzen duten beren deia", ohartarazi dute.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]