AHTaren ibilbidearen zundaketa lanak hasi ditu Espainiako Gobernuak Aralarren
Ataungo eta Idiazabalgo udaletan lan horiei buruzko dokumentazioa jaso dute orain gutxi. Iruñea eta Ezkio lotzeko trenbidea Lakuntza inguruan sartuko litzateke lur azpian eta Ataun alderik alde zeharkatuko luke. Altzania, Motasoro eta Atxurbiren azpitik pasako litzateke, Idiazabal eta Olaberria artean ateraz Ezkio aldera.
Landarlan Ingurumen Elkarteak jakinarazi duenez, Espainiako Garraio, Mugikortasun eta Hiri Agenda Ministerioak (MITMA) hasi ditu dagoeneko Aralarren Nafarroako aldean, Sakanan, AHT Abiadura Handiko Trenaren ibilbidearen zundaketa lanak. Iturri horien arabera, Nafarroako zein Gipuzkoako udalek jaso dute lan horiei buruzko dokumentazioa, tartean Ataunek eta Idiazabalek. Informazio guztia iturri ofizialetatik eskuratu dutela nabarmendu du elkarteak.
Espainiako Gobernuaren arabera, AHTak bi alternatiba ditu Nafarroa Euskal Y-arekin lotzeko: lehena Gasteiztik igaroz izango litzateke eta bigarrenak Ezkio-Itsasoko plataforma intermodala erabiliko luke. “Azken hori, aurrekoa baino hiru aldiz garestiagoa izango litzateke eta gainera Aralar zeharkatuko luke. Ibilbide honen arabera, trenbidea Lakuntza inguruan sartuko litzateke lur azpian eta Ataun alderik alde zeharkatuko luke Altzania, Motasoro eta Atxurbiren azpitik pasako litzateke, Idiazabal eta Olaberria artean irten eta Ezkio-Itsasora iristeko. Proiektuaren arabera Ataunen trenbidea bistan edukiko genuke leku batean baino gehiagotan”.
EAEk eta Nafarroak ikuspegi ezberdinak
Landarlanek salatu duenez, “EAJ-k Aralar zeharkatzea lehenetsi du, hau da, Ezkio-Itsasoko plataforma intermodala erabiltzeko proposamena eraman du Europara”. Nafarroako Gobernuko Garraio Zuzendari Berta Mirandak (PSN), aldiz, EAJren jarrera “arduragabea” dela salatu zuen prentsan, “gaur-gaurkoz zati hori egiteko azterketa teknikoak egiteke baitaude”. Azkenik, EH Bildu eta Podemos planteamendu honen aurka eta egungo tren azpiegiturak egokitzearen alde agertu dira hasieratik. “Garrantzitsua iruditzen zaigu hauteskundeen testuinguruan alderdi ezberdinen ikuspuntuak adieraztea”, dio ingurumen elkartearen oharrak.
Europar Batasuneko Garraio Azpiegiturei buruzko Txosten Bereziak Euskal Y-arekiko “kontrakotasuna” adierazi zuela dio Landarlanek, “iraunkortasunaren aldetik gabezia handiak zituelako, gehiegizko gainkostuengatik, 30 urteko atzerapenagatik, eta parte hartze sozialik egon ez delako”.
AHTa bertan behera uzteko eskaera
Landarlanek “AHTaren Aralarko saihesbidea alde batera” uzteko eskatzen du; “are gehiago, AHTaren proiektua bere osotasunean bertan behera uzteko eskatzen” dugu. “Bizi dugun ziurgabetasun eta krisi eko-sozial honen aurrean ez baita onargarria hainbesteko baliabide eta dirutza beharrezkoa ez den megaproiektu batean xahutzea”.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]