AHTaren aurkako banderola erraldoia zintzilikatu du Bizi!-k Departamenduko Konseiluaren egoitzan
Hogeita bost bat militantek burutu dute ekintza Pirinio Atlantikoetako departamenduko kontseiluaren egoitzan. Frantziako Gobernuak 2018an baztertu zuen makroproiektua berriz mahai gainean dute instituzioek.
AHTaren kontrako mezua dakarren banderola zintzilikatu dute Pirinio Atlantikoetako Departamenduko Kontseiluaren egoitzan. Bizi! mugimenduko hogeita bost bat kide bertaratu eta ekintza burutu dute urtarrilaren 17 goiz honetan.
Ekintzaren bidez Bordele eta Akize arteko bidearen finantzaketa errefusatzea galdegin dio Bizi!-k instituzio honi. Hain zuzen, makroproiektuaren alde agertu da instituzio hau: abenduaren 16an, AHTarentzako 54 milioi euroko diru ekarpena onartu zuen Departamenduko Kontseiluak. Ondokoa adierazi du mugimenduaren bozeramaile Romain Dussaultek: "Guretzat, AHT proiektu hau arras jokoz eta jendartearen beharretarik kanpo da. Kolektibitateak bere gain hartu beharko dituen gastuen heina izugarria izanen dela aitzin ikusten da, ingurumen-kostua aipatu gabe. Etxebizitza krisiak jadanik kaltetzen duen lurralde batean, AHT berri bati ezetz errateko arrazoi bat gehiago da hori. Tokiko biztanleentzat beren jarduera lekutik hurbil etxebizitza aurkitzea gero eta zailagoa den arren, AHT baten garapenak prezioen gorakada eta etxebizitza aurkitzeko zailtasunak beti indartuko ditu".
Urriaren 20an jakinarazi zuen Jean-Jacques Lasserre Pirineo Atlantikoetako departamenduko presidenteak AHT egitasmoak bizirik segitzen duela. Alta, ofizialki 2018an jakinarazi zuen Frantziako Estatuko idazkari Emmanuelle Wargonek "indarrean dauden bideak hobetzea eta AHTren berria abian jartzearen asmoa baztertzea" erabaki zuela gobernuak. Aurreikuspenei segi, 2037rako espero dira Akize-Baiona eta Baiona-Paue bideak, datorren urtean hasiz proiektuaren prestaketa eta 2024an obrak.
Sare sozialen bidez eman dute goizeko ekintzaren berri. Hona hemen bideoa:
Action spectaculaire au conseil départemental à Pau de @bizimugi contre la #LGV pic.twitter.com/NMEaZUB50v
— Bénédicte Mallet (@BenedicteMallet) January 17, 2022
Euskal Hirigune Elkargoa aurka
Euskal Hirigune Elkargoko hautetsien %78ak AHTaren Bordele-Akize eta Bordele-Tolosa ardatzen kontra bozkatu zuen iragan abenduaren 18an. Zehazki, 144 kontrako boz izan ziren, 41 alde eta 18 abstentzio. Hori horrela, ez zuten diruztatzeari buruzko bozketarik egin.
Garrantzia handiko bozketa izan zen makroproiektuaren aurkakoentzat, aldeko bozketa atera izan balitz, Frantziako Estatuaren eta Alain Rousset Akitania Berriko Kontseiluko presidentearen planak aitzina eginen zuelako.
AHTri buruzko egitasmoa diruztatzeko 65,4 milioi euroko diru ekarpena onartzea eskatzen zitzaion Euskal Hirigune Elkargoari.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
