AHTk Nafarroan 70 kilometroko tarte bakartua izango du
Iruñea eta Castejon arteko trenbidea izango du AHTk Nafarroan, EAEko ‘Euskal Y’arekin eta Aragoiko bidearekin lotura izan gabe. Hala azaldu du Herri Lanetarako kontseilari Luis Zarraluquik. Nafarroako Gobernuak kreditua eskatu zuen 2010an obrei aurre egin ahal izateko eta oposizioak salatu duenez, esfortzu hori ezerezean geratuko da.
Nahiz eta bakartutako 70 kilometroko zatia izan, Nafarroako Gobernuak ez du proiektua baztertuko. Kontseilariak azpimarratu du AHT eremu guztietan eraikitzea ekonomikoki ezinezkoa dela, eta hirugarren bide baten alde egingo dutela. Europako zabalera duten trenbideak baliatuz loturak eratuko dituzte, Zarraulquiren arabera, dezente merkeagoa dena.
Oposizioa ez dago ados neurriarekin. Nafarroako eta Espainiako Gobernuetatik proiektuaren alde egin zuen PSOE harrituta agertu da. PSNko ordezkari Maite Esporrinek adierazi duenaren arabera, aldaketa nabaria da eta “Nafarroari galera garrantzitsua” eragingo diola nabarmendu du. Bilduko Victor Rubiok “erokeriari amaiera emateko” eskatu dio Yolanda Barcinaren Gobernuari, eta proiektua Los Arcoseko zirkuituaren eraikuntzan egin zen “diru xahuketarekin” alderatu du. I-E eta Aralar-NaBai, berriz, pozik agertu dira AHTrekiko jarrera aldaketarekin, baina eskatu dute Iruñea eta Castejon arteko eremua gelditzeko.
Iruñea eta Castejon arteko trenbideak 675 milioi euroko aurrekontua du, eta bost azpieremutan banatu dute. Horietako baten eraikuntza jada hasi da, eta beste bien lurren okupazioak izapidetzen ari dira.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]