AHTk Lezetxikin eragindako kalteak “ezkutatzea” leporatu dio EH Bilduk Espainiako Garraio ministroari
AHTk Lezetxiki kobazuloan eragindako kalteez azalpenak eskatu ditu EH Bilduko Iñaki Ruiz de Pinedo diputatuak Espainiako Kongresuan.
Abiadura Handiko Trenaren (AHT) lanek Arrasateko Lezetxiki kobazuloan eragindako kalteez azalpenak eskatu ditu asteazkenean EH Bilduk Espainiako Kongresuan, ondare kultural eta arkeologikoa babesteko asmoz. Iñaki Ruiz de Pinedo diputatuak garraio ministroari leporatu dio ondorioak ez direla ikertu eta bere garaian gelditu ez den jarduera bat egin dela. Bi urteotan, haitzuloan eragindako ondorioak "ezkutatu eta gutxitu" direla gehitu du.
Horrez gain, diputatuak eragindako kalteen inguruko txostenik eskatu duen galdetu dio, txosten "zorrotza eta teknikoa". Arrasateko Udala eta hainbat gizarte-eragile txosten bat eskatzen ari direla ere esan du.
Raquel Sanchez Garraio ministroak adierazi du ez dela kalterik izan: "Lanak gainbegiratu ondoren, Lezetxiki kobazuloko aztarnategi arkeologikoa egoera onean dago". Ministroaren arabera, Adifeko eta Foru Aldundiko teknikariek ikerketa sakona egitea erabaki zuten arkeologia taldeen bidez. Horri helduz, kobazuloaren egoera orokorrean ona dela gaineratu du.
Lezetxikin eragindako kalteak gutxiestea leporatu dio Ruiz de Pinedok Sanchezi: "Badakigu eragindako kalteek ez dutela atzera bueltarik, baina espero dugu erantzukizunak argitzea". Hondamen berriak saiheste aldera, diputatuak ministroari eskatu dio, oraindik posible den tokietan proiektua gehiago aztertzea. Horrela, ingurunea errespetatzen duten tren soziala ekarri eta ahalbidetzeko.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]