AHTa gelditzeko kanpaldia Atxondon
Uztailaren 30etik abuztuaren 1era bitartean egingo dute Bizkaiko herrian. Borrokaz ekidin ezean hilabete gutxiren buruan makinak Atxondoko lurretan sartu daitezkeela ohartarazi dute kanpaldiko antolatzaileek, eta proiektua gelditzea inoiz baino beharrezkoagoa ez ezik posible dela. Kanpaldirako izena lehenbailehen ematea eskatu diete herritarrei.
Agerraldi jendetsu batean aurkeztu dute AHTaren aurka Atxondon antolatu duten kanpaldia, igandean. 1989an agintariek euskal Y grekoaren “lehenbiziko zirriborroa” aurkeztu zutela gogoratu dute bozeramileek, eta oraindik ere proiektu hura gauzatu nahian jarraitzen dutela, “gure herriko mendiak zulatuta eta gu geu porlanez inguratuta”. 1992an sortu zen AHT Gelditu Elkarlana hainbat pertsona eta mugimenduren elkarlanari esker, eta beraiek ere lanean jarraitzen dutela aldarrikatu dute, besteak beste Atxondon “erresistentzia” antolatuz.
Gogoratu dute 2007an herri galdeketa egin zela AHTaren inguruan eta herritarren bozka proiektuaren 2erabat aurkakoa izan zela”. Emaitza ez da errespetatu, baina epaitegietan obren “ilegaltasunei” aurre eginez “makinak sartzea” eragotzi dute atxondarrek luzez. Kezkatuta azaldu dira, ordea, udalaren jarrera “pasiboa” aprobetxatuta lanak “azkar batean” amaitu nahi dituztela uste dutelako. Abadiñon eta Elorrion gertatutakoa ekarri dute gogora, zentzu horretan.
Gelditzearen beharra eta aukera
AHTa gelditu daitekeela eta egun gelditzea inoiz baino beharrezkoagoa dela aldarrikatu dute kanpaldiaren antolatzaileek: “AHTa proiektu suizida bat da. Pandemia aurretik bere bideragarritasuna kolokan bazegoen, pandemia ondoren onartezina da diru publikoa zentzurik gabeko makroproiektuetan xahutzea”. Proiektuaren %30 besterik ez dagoela eraikia azpimarratu dute, eta bizitza erdigunean jarriko duten bizi ereduak eta herriak eraikitzeko garaiz gaudela oraindik.
Hamaika jarduera eta manifestazio nazionala
Egitarau zehatza aste honetan iragarriko dute antolatzaileek, baina prentsaurrekoan aurreratu dute ikuskizunak, haurrentzako jarduerak edo hitzaldiak izango direla. Uztailaren 31n, arratsaldean, AHTaren aurkako manifestazioa irtengo da Atxondotik. Kanpaldira gerturatuz “Atxondoko landak ilusioz eta gogoz” betetzera gonbidatu dituzte herritarrak. Antolakuntza errazteko izena kanpaldiaren webgunean lehenbailehen emateko eskatu dute, edukiera mugatua izango dela gogoratzearekin batera.
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]