“Ahoz ahokoa ahalbidetzen ari da egunez egun ‘Handia’k zifra onak mantentzea”
"Ostiralean Handia estreinatu zenean ongi funtzionatu zuen, baina ez modu ikusgarrian; bat-batean larunbatean izugarrizko datuak iristen hasi ziren, eta igandean are datu hobeak; ilara handiak herrietan, sarrerak agortuta areto batzuetan, txaloak hainbat emanaldiren amaieran… eta gu txoratzen", kontatu digu Jon Garaño zuzendariak.
Zifrak ikusita, lasaiago daudela aitortu digu Garañok, “jendeak filma ilusioz eta gogoz hartu duela ikusten ari garelako. Ahoz ahoko joera dagoela konturatu gara, eta hori ahalbidetzen ari dela egunez egun zifra onak mantentzea. Norbaitek gomendatzea, lagunartean eztabaidak piztea… oso positiboa da”.
Iritzi aldetik, “denetik dago, eta normala da, baina orokorrean oso sentsazio positiboa dugu, jendeak bidaltzen dizkigun mezuengatik, kalean ezagun eta ezezagunek esaten digutenagatik… Lehengoan batek esan zigun ezin duela filma burutik kendu, eta gauza polita da hori. Jende dexentek, gainera, dagoeneko bigarren aldiz ikusi du edo ikusi nahi du pelikula, eta hiru aldiz ikusi duenik ere bada!”.
"Batek esan zigun ezin duela filma burutik kendu, eta gauza polita da hori. Jende dexentek, gainera, dagoeneko bigarren aldiz ikusi du edo ikusi nahi du pelikula, eta hiru aldiz ikusi duenik ere bada!”
Beste datu bat, emanaldietara jende gazte asko hurbiltzen ari da, “eta hori ere pozgarria da, zineman oro har eta gure filmetan zehazki ikusleen profil ohikoena emakumezko helduak direlako”.
Joan den ostiralean estreinatu zenetik, dagoeneko 30.000 lagunek baino gehiagok ikusi dute Handia zine komertzialetan, eta Espainiako Estatuko lehenengo hamar ikusienen artean sartu da. Dudarik gabe, arrakastatsu abiatu da Jon Garaño eta Aitor Arregiren filma. “Asteburua gakoa da, aretoak hurrengo asteburuetan pelikula mantendu edo ez erabakitzeko orduan, eta aurreikuspenak onak dira alde horretatik: Euskal Herriko herrietan, nahiz eta ohikoena den pelikulak astebete baino ez irautea, mantentzeko apustua egingo dute hainbat lekutan, Hego Euskal Herriko lau hiriburuetan ere izango da ikusgai hurrengo asteburuan, herri gehiagotan estreinatuko dute…”.
Herriz herriko lanketa
Hain juxtu, hiriburuetatik harago herriz herri egin den lanketak ere badu zerikusirik arrakastan. Atera Films banaketa-etxeari eskerrak eman eta pelikula ahalik eta gehien zabaltzea nahi dutela dio Garañok. “Eskatzen digutenean, pelikula aurkeztera gustura joaten gara lantaldeko kideak, herritarrekin gure esperientzia konpartitzera. Solasaldi interesgarriak izaten ari dira eta nabarmentzekoa da jende gehiena geratzen dela proiekzio osteko hizketaldi horietara, baita pelikula gauean berandu bukatzen denean ere”.
“Oso eskertuta” daudela azpimarratu du, eta gogoratu du “honek segitzen duela”. Bidea egiten jarraituko baitu Handiak, Euskal Herrian eta Euskal Herritik kanpo.
Irakurri baita ere:
Gipuzkoako Foru Aldundiak liburu bat editatu berri du, zeinak jasotzen duen Luis Angel Sanchez Gomez Madrilgo Complutense Unibertsitateko Historia doktoreak egin duen ikerketa Migel Joakin Eleizegiri buruz, alegia, “Altzoko Handia”-ri buruz. Asko hitz egin da azken... [+]
European Film Awards Europan zine munduan ematen diren sari garrantzitsuenetarako hautagai aukeratu dute Jon Garaño eta Aitor Arregi zuzendarien ikus-entzunezkoa, eta beste 48 pelikularekin batera lehiatu beharko da sari nagusia lortzeko. Azaroaren 10ean emango dituzte... [+]
Filma ozeanoz bestaldeko hainbat jaialditan eskaini dute, eta areto komertzialetara jauzia eman du, iragarri dutenez.
Aktore berri onenaren Goya saria irabazi zuen larunbatean Eneko Sagardoyk Handia filmean egindako lanagatik eta azken egunetan hedabide askotan hitz egin du, bai film horretaz, bai martxan dauzkan proiektu berriez ere. Horrek bide eman du aktorearen gaur egungo lan egoeraz... [+]
Netflixek Handia filma eskainiko du maiatzetik aurrera. Xabier Berzosa Irusoin ekoiztetxeko kideak ETBri azaldu dionez, filma egin baino lehenago erosia zeukan plataforma digitalak.
Handia filmak Espainiako zine akademiaren Goya sarietan 13 izendapen zeuzkan eta 10 sari lortu ditu. Euskal zinemarentzat gau historikoa izan dela esan daiteke, sariotan aurrekaririk ez baitauka Jon Garaño eta Aitor Arregiren filmak lortu duenak.
'Handia' filma Ipar Euskal Herriko zinema geletan estreinatuko dute urtarrilaren 15ean. Orotara 10 pasaldi izanen dira, hilaren 24a bitartean, beste hainbeste herrietan.
Abenduak 8, Durangoko Azokan, Irudienean, lau mahaikide bildu dira galdera horri erantzutera. Olatz Beobidek, Jon Garañok, Patxo Telleriak eta Paul Urkijok ikus-entzunezkoetan bataren edo bestearen alde egiteko hainbat arrazoi azaldu dituzte. Egia esan, euskararen molde... [+]
Aitor Arregik eta Jon Garañok zuzendutako filma da Espainiako zine akademiak ematen dituen sarietarako hautagai nagusietako bat: film onenaren saria irabaz dezake, baita zuzendari onenari eta gidoi onenari ematen zaiena ere.
James Francoren Urrezko Maskorra, Anahí Berneriren eta Sofía Galaren zilarrezkoak eta Handiak jaso duen Epaimahaiaren Sari berezia dira aurtengo palmares ofizialeko puntu nabarmenenak.
Pelikula anbiziotsua egin dute Garañok eta Arregik. Anbiziotsua, hitzaren zentzurik onenean.
Ostiral honetan abiatuko da Donostiako Nazioarteko Zinemaldiaren 65. Edizioa. Wim Wenders zuzendariaren Submergence filmak irekiko du Sail Ofiziala, zeinean lehiatuko den Aitor Arregi eta Jon Garañoren Handia filma.
Migel Joakin Eleizegi Altzoko Handiaren eta haren anaia Martinen arteko harremanak eta bizipenek harilkatzen dute "Handia", Donostiako Zinemaldiko Sail Ofizialean lehiatzeko hautatua. Errealitatea eta mitoarekin jolasteaz, errelatoaz, pertsonaien psikologiaz, erronka... [+]
Jon Garañok eta Aitor Arregik zuzenduko duten filmetik abiatuta, zineman ahaztezinak bilakatu diren erraldoiak gogorarazi nahi ditugu.
200.000 euro jarriko ditu Gipuzkoako Foru Aldundiak, besteak beste, Altzoko Handiari buruzko Handia filmak erakarriko dituen bisitari kopuruari harrera egiteko egitasmoentzat.