Ahotsa.info, 10 urte kalean Nafarroa eraldatu nahi dutenei ahotsa ematen
Ahotsa.infok 10 urte egin berri ditu lanean. 2014an jaio zen, Nafarroa maila sozial eta politikoan eraldatu nahi zuten haiei ahotsa emateko asmoz. Intentsitate handiko testuinguru batean, UPNk agintzen zuen eta Nafarroako Gobernuaren aurkako oposizioa kalean mobilizatzen zen, oraindik apartheida eta ilegalizazioen politiken eraginak nabarmenak zirenean.
Ahotsa.info Espainiako Auzitegi Nazionalak euskal komunikabideen aurka egindako hainbat erasoren ostean jaio zen. Aurretik Apurtu.org webgunea egon zen, 2011an itxiarazi zutena euren kideen aurkako operazio polizial bat medio. Pitu kazetaria urte eta erdi egon zen espetxean, baina kalean geratu zirenak kikildu ordez, Ateak Ireki komunikabidearen sorrerarekin erantzun zioten errepresioari. Ibilbide laburra izan zuen, baina, komunikabide digital berri hark, ANk hura ere itxi baitzuen 2013an, Herrira sarearen aurkako operazio polizialaren baitan.
Hortik sortu zen orduan Ahotsa.info, crowdfunding baten laguntzaz dirua lortuz. Euskal Herriko txoko guztietatik erantzun zitzaion adierazpen askatasunaren aurkako azken eraso hari eta Nafarroak behar zuen aniztasuna bermatzeko, gurea bezalako komunikabide digital bat behar zela ulertu zuen gizarteak. 2014ko martxoan abiatu zuen bere ibilbidea Ahotsa.infok.
10 urte hauetan guztietan pasarte ikusgarriak bizi izan ditugu, berriak batzuk, zaharrak-berri besteak: herritarren borondateak eskuina bota du Nafarroako instituzioetatik eta lehen aldiz abertzalea izan den lehendakaria ikusi dugu Gobernuan; baita Iruñeko alkate abertzalea ikusi ere; jai herrikoien berpiztea bizi izan dugu, gune soziokomunitarioen eta topaleku berrien sortzea, euskararen aldeko urrats eta ekimen esanguratsuak, gaztetxeen sorrera eta desalojoak, operazio polizialak eta errepresioaren aurkako erantzunak, presoen eskubideen aldeko ekimenak, Ama Lurra eta ekologiaren aldeko ekintzak, LGTBI+ mugimenduaren eta feminismoaren gorakada, langileen eskubideen aldeko borroka eremu berriak, migratzaileekiko elkartasun erakustaldiak… Horren guztiaren lekuko izan da Ahotsa.info eta bere ikusle guztiei erakutsi nahi izan die aipatutako Nafarroako aniztasun zabal hori.
Lortu dugulakoan eta ibilbide oparo honetan lagun izan zaituztegun zuekin guztiekin ospatu nahi dugulako, bi ekitaldi antolatu ditugu:
Lehenengoa, apirilaren 25ean, Iruñeko Katakraken: mahai-inguru bat antolatu dugu Gardentasuna elkarteko kideekin batera. “Espionaje policial en movimientos sociales e investigaciones periodísticas de medios populares” izenburupean, Gemma Garcia (La Directa), Pastora Filigrana (abokatua) eta Ahoztar Zelaieta (kazetaria) solasean arituko dira Patxi Zamora kazetariaren gidaritzapean. Mahai-ingurua bukatzerakoan, luntx bat eskainiko da.
Eta bigarrena, apirilaren 26an, Txantreako Akelarre tabernan: urteurrenaren festa izanen da. Jatekoa, edatekoa eta dantzatzeko musika izanen dugu eta Ahotsa.inforen ibilbidea behar bezala ospatuko dugu. Zatozte, gonbidatuta zaudete!
Adimen Artifizialarekin egindako disparateen biltegia handitzen ari da. Erabiltzaile arruntok sortutakoak txorakeriak izan daitezke neurri handi batean, baina Interneteko erraldoiak berak ari dira halakoak errepikatzen eta horrek larriagoa dirudi, eragin globala izan... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Bideoak erakusten du nola CNN telebista kateko nazioarteko buru Clarissa Ward kazetaria ari den sartzen Siriako kartzela sekretu batean, eta nola grabatzen den preso bat askatzen duten unea.
France 3 Euskal Herri telebista katea apalduz doa. Kate horretako kazetari eta langileek jakin berri dute berriz ere programazio eta finantzaketa apaltze bat pairatuko dutela. Egun oroz, zazpi minutuko berriak eman izan dituzte, baina iragan udatik bi minutuz murriztu zieten... [+]
Elon Musken presentzia hedabideetan gora doa, suziri baten moduan, Etxe Zuriko lorategian lurreratu ostean. Lortzen ari den botereaz eta influentziaz asaldatuta omen daude beste botere batzuk eta, bere eragina gutxitzeko asmoz, X sarearen kontra kargatu dute. Azken asteetan The... [+]
Aiaraldea Komunikabidea sortu zuten lehen, eta Faktoria gero. Laudion dute egoitza, eta bertan ari da lanean
Izar Mendiguren. Kazetari, bertsolari, musikari, militante... Ipurdi batez eserleku bi ezin estali litezkeela dio esaerak, baina hori baino handiagoa da Mendigurenen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.