EH Bai koalizioak babesturiko Ahetzen zerrenda gailendu da bozen bigarren itzulian, joan den igandean, botoen %44 erdietsirik.
Ramuntxo Labat-Aramendi abertzalea eta Ahetzen deituriko zerrendako burua izanen da Ahetze udalerriko auzapeza, atzo eginiko bozen bigarren itzulian gaindu ondotik (471 boz, boto guztien %44).
Lehen itzulian, aurreko auzapezaren programa gailendu zen, Ramuntxo Goyhetche buru duen Ahetzen Zuekin zerrendarena. Baina bigarren itzulian Labat-Aramendirengandik 60 bozetara geratu da (397 boz, %37). Bigarren itzulira hirugarren zerrenda bat ere igaro zen, Laetitia Guesdon-Michauderena. Haiek 193 boz eskuratu dituzte, %18.
Euskal Irratietako kazetarien arabera, jakina zen hauteskundeak tinko izanen zirela eta bigarren itzulian hirugarren zerrenda bat atxikitzeak Labat-Aramendiri eta Ahetzen zerrendari mesede egin ziezaiokeela. Halaxe izan da. Labat-Aramendik, ordea, hirugarren zerrenda egon izana eskertu baino, kexa azaldu du sei hilabete "galdu" direlako, "ezin genuen segitu halako giro batean".
Hona Euskal Irratietako kronika:
Gobernua, krisian
Joan den urteko maiatzean eman zuen dimisioa orduko auzapezak, Philippe Elizaldek, orduko bere lehen axuanta eta sozioak bozketa batean kontra egin ondotik gutxiengoan gelditu zelako. Desadostasunak zeuden hautetsien artean, eta, Labat-Aramendik esan bezala, giroa txarra zen. Dimisioak eman ziren. Ondorioz, hauteskundeak berriz antolatzera behartua izan zen Pirinio Atlantikoko prefetura.
Hiru zerrenda aurkeztu ziren hauteskunde hauetara: Ramuntxo Goyhetche (Ahetze Zuekin zerrenda), Ramuntxo Labat-Aramendi (Ahetzen), eta Laetitia Guesdon-Michaude (Ahetze Bihotzetik).
Labat-Aramendi izanen da Ahetzeko auzapez 2026ra arte, eta Santiago Capendegui, berriz, Elkargoko ordezkari.
"Euskararen garaipena da"
Zerrendakide guztiak zoriondu ditu Labat-Aramendik, eta herritarrekin lan egingo dutela azpimarratu du. Hala jaso du Mediabask hedabideak: "Herriko jendea gara, herri bakoitzaren bizitzan inbestituak gira, ikuspegi abertzalea dugu eta horren arabera jokatzen dugu".
Hainbat lehentasun finkatu ditu agintaldiari begira, motza izango bada ere. Hala nola herriko ikastetxean bidean diren lanak amaitzea. Horrez gain, bere esanetan, herriko etxean zegoen giroarengatik askok alde egin dute herritik, eta konponbidea ezartzeko konpromisoa hartu du.
Bestalde, Ahetzen ikastola txiki bat lortzeko intentzioa ere adierazi du Labatek, "denentzako lekua" dagoelako. Bide batez, etxebizitzaren krisiari erantzunak emateko lanean arituko direla ere zehaztu du.
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hogeigarren edizioa ekainaren 14an egingo da eta futbol partida, bazkari eta kontzertuz josia egongo da. 20 urtez presoekin elkartasunez lelopean ospatuko dute eguna, eta ekintza "bereziak" iragarri dituzte.
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Euskal hizkuntzalaritza esperimentaleko katedra berria estreinatu dute Baionako fakultatean.
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
Hirurehun bat pertsona hurbildu ziren jende katea osatzeko Marengo eta Pannecau zubien artean.
Arrazismoaren aurkako nazioarteko eguna kari, larunbat honetan 16 alderdi, kolektibo eta elkartek deia luzatu dute, Baionako Marengo eta Pannecau zubien artean giza kate bat osatzeko. Aniztasuna, elkartasuna eta giza eskubideen errespetua aldarrikatzera deitu dute,... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Bidarteko gasnategian bahiketa burutu duen gizona, militar ohia zen. Asteazken arratseko 7.30tan Erretegia izeneko gasnategian bertako kudeatzailea bahitu eta poliziaren kontra tiro egin duen gizonak 54 urte zituen.
Larunbatean, martxoaren 8an, Urruñako herriak Daniela Albizu izena ezarri dio herriko etxearen aitzineko plazari, emazte abertzale honen memoria omentzeko.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Duela 150 urte, 1875eko martxoaren 7an jaio zen Maurice Ravel musikagile eta konpositorea, Ziburun. Mundu mailan ospetsu dira haren lanak, bereziki Boleroa. Sarri aipatzen da Parisen bizi izan zela, kontserbatorioan ikasi zuela aro berri bateko irakasleekin, munduko txoko... [+]
