Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
ETBk argitara emandako elkarrizketan Ágredok azaltzen duenez, otsailaren 2ko goizaldean gertatu zen dena Donostian:
“Chanel diskotekan nengoen nire bikotekidearekin eta lagun batzuekin urtebetetze bat ospatzen. Etxera gindoazenean, nire bikotekidea diskoteka kanpoan mutil batekin eztabaidatzen hasi zen. Arazo larriagoak saihesteko ni bien artean sartu nintzen.
Une horretan ertzainak pasatu ziren eta nire senarrari eskuburdinak jarri zizkioten. Berak ez zuela ezer egin oihukatu nuen nik. Borra batekin jo ninduten eta esku burdinak jarri zizkidaten. Haietako batek mugikorra kendu eta lurrera bota ninduen. Une horretan konortea galdu nuen. Ez dakit nola igo ninduten Poliziaren autora.
Ziegan esnatu nintzen eta pixa gainean egin nuela ohartu nintzen. Ezkerreko oina ezin nuen mugitu eta eskuinekoarekin atea jo nuen laguntza eskatzeko. Agente bat sartu eta eskatu zidan zutitzeko deklarazioa hartzeko, horrela atera ahal izateko. Nik ezin nuen ia hitz egin, eta esan nion ez nuela ezkerreko aldea sentitzen, ez nekiela zer gertatzen zitzaidan. ‘Ados –erantzun zidan agenteak– orain nator berriro’.
Beste polizia bat sartu zen ikustera kontatzen ari nintzena egia ote zen. Esan zidan zortzi ordu neramatzala lurrean eta deklarazioa hartzeko jaiki egin behar nintzela, nik esan nion ezin nuela, ezkerreko aldea ez nuela sentitzen. Esan zidaten mediku bati deituko ziotela eta 30-40 minutu zain egon ondoren, medikuak ezin zuela etorri. Tarte batera, hiru polizia etorri ziren, atera eta ospitalera eraman ninduten.
Medikuak esan zidan iktusa izan nuela, buruko isuria ezkerraldean. Mugikortasuna galdu dut eta bi ebakuntza egin behar dizkidate. [Kontakizunean atxiloketaren unera itzultzen da] Nire bikotea ikusita oihuka hasi nintzen bai, aztoratuta nengoen, baina nik ez nion eraso egin poliziari. Neurriz kanpo jokatu zuten. Ez nuen ezer txarrik egin haien aurka. Nahi dudan gauza bakarra justizia egitea da eta dena argitzea”.
Ágredori egindako elkarrizketaz gain, ETBk erakutsi du kaleko segurtasun kamera batek grabatutako bideo bat eta hartan atxiloketaren hainbat sekuentzia ikusten dira. Bideoan, dena den, ez da grabaketa osoa ikusten, kamerak hartu zituen moduan, baizik eta editatuta. Horietan bi une antzematen dira argi samar: batean, emakumea lurrean eserita eta eskuburdinekin ageri da, negarrez, eta beste batean erdi etzanda eta noraezean egotearen itxurarekin. Ondoren, ertzainek autoan sartzen dute eta horrek hiruzpalau agenteri aski lan ematen die, pentsa liteke konortea galduta edo erdi galdua duen emakume batekin ari direlako.
Ágredok eta bere bikotekideak salaketa jarri dute epaitegietan eta Segurtasun sailburu Bingen Zupiriak azaldu du hiru ikerketa irekita daudela, eta horiek argitu arte ezin dela jakin ertzainek ondo edo gaizki jokatu zuten. Oraingoz bederen, atxiloketan parte hartutako ertzainek beren lanpostuetan jarraitzen dute.
Gertaerak ezagutu dira bikoteak hedabideetan kontatu ondoren, pasatu zirenetik hiru astera. Zupiriaren lehen azalpen ofiziala ostegun honetan etorri da, EH Bilduk legebiltzarrean egindako galdera bati erantzunez. Orain, Zupiriak berak eskatu du premiazko agerraldia Eusko Legebiltzarrean behar diren azalpenak emateko.
e
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]