Polizia atzetik dutela, publikoki agertzen eta berriz ezkutatzen ari dira lau gazte auziperatu
Espainiako Auzitegi Nazionalean ez aurkeztea erabaki zuten lau gazteak dinamika desobediente batean murgilduta daude: Euskal Herriko hainbat puntutan publikoki agertzen eta ondoren berriz ere beren burua ezkutatzen ari dira . Bilboko manifestazioan, Amezketako herriko azokan, Gasteizko harresiaren asanbladan, eta azkenik, HerriKolore Barakaldoko webgune herrikoiak antolatutako Herri komunikazkioa jardunaldietan agertu dira, ARGIAk grabatutako bideoan ikus daitekeenez.
Hilabete eta erdi bete da Idoya Iragorri, Unai Ruiz Pou, Goizane Pinedo eta Irati Mujikak Espainiako Auzitegi Nazionalean deklaratzeari uko egin ziotenetik. Zabaldu zuten gutunean desobedientziarako hautua egiten zutela nabarmentzen zuten. Espainiako Auzitegi Nazionalari ez diotela zilegitasunik aitortzen azaldu dute behin baino gehiagotan, eta herritarrei elkartasunetik konpromisora igaro eta epaiketak eteteko deia egin zieten.
Joan den ostiralean Herri Koloren bertan egindako elkarrizketan, Iragorrik dio "dinamika desobedienteak abian jartzeko unea iritsi" dela, "honaino heldu gara esateko". Bere ustez ez dute epaile espainiar bati beren militantziari buruzko azalpenik eman beharrik, "torturatzaileen kolaboratzaile eta arduradun dena". Elkarrizketan dioenez, epaile batek ondoren luzatu zuten inkomunikazio legea aplikatu zietelako torturatu zituzten. "Gu epaitu, torturatu eta kartzelaratzearen errudun eta arduradun da Audientzia Nazionala".
Hemen ikus daiteke Unai Ruiz Pou eta Goizane Pinedo Gasteizko harresiaren bilkurara sorpresan joan zirenekoa.
Hemen Irati Mujika Amezketako merkatuan agertu zenekoa.
Eta hemen Idoya Iragorri eta Iarti Mujika Bilboko manifestazioan.
Aipatutako lau gazteak beste 36rekin batera epaitzen ari dira. Segiko kide izan zirela egozten diete, eta guztira sei urteko kartzela zigorra eskatzen dute beren aurka. Igandean lau urte bete ziren Guardia Zibilak operazioa egin zuela, eta 40tik 30 gaztek torturatuak izan zirela salatu zuten. Hemen beren aitorpenak.
Aldi berean, epaiketa hauen harira, herri harresia antolatzen ari dira herrika. AskeGunearen webgunean informazio gehiago.
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]
They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.
2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]
Loiolako Herri Harresian parte hartzeagatik jarritako zigorra ordaintzea lortu dutela informatu du Eleak-Libre mugimenduak. Esteban Orbegozo azpeitiarrari eta Beñat Hach Embarek ormaiztegiarrari 23.663 euroko isuna jarri zieten eta herriz herri egindako ekimenen bidez... [+]
Loiolako herri harresian atxilotu zituzten Esteban Orbegozo azpeitiarraren eta Beñat Hach Embarek ormaiztegiarraren kontrako epaiketak eta prozesuak eragin dituen gastuei aurre egiten laguntzeko bertso saioa izango da ostiralean, Azpeitiko Gaztetxean. Aitor Bizkarra,... [+]
Alcalá de Henareseko epaitegian izango da 50 lagunen kontrako epaiketa. Bost hilabeteko espetxe zigorra eskatzen dute bakoitzarentzat 2015eko epaiketa batean publiko gisa herri harresia irudikatzeagatik eta gazte auzipetuei babesa emateagatik.
Euskal gazteriaren aurkako Espainiako Estatuaren errepresioaren erdian, 2014ko irailaren 22an, Loiolako Basilikaren eskalinatan Herri Harresia egin genuen, epaiketara aurkeztu ez ziren bost euskal gazteak babesteko asmoz. Bertan izan ziren, beste ehunka herritarren moduan,... [+]
Esteban Orbegozo eta Beñat Hach Embarek zigortzea erabaki du Gipuzkoako Lurralde Auzitegiak, ertzain bat zauritu izana leporatuta. Dirua biltzeko hainbat ekimen antolatuko dituzte.
Donostiako Herri Harresian atxilotutako gazteen abokatuek Espainiako Zigor Kode berriaren arabera gradua jaisteko eskatu zuten, baina Auzitegi Gorenak ukatu egin du eta beraz, sei urteko kondena osotasunean bete beharko dute, espetxean jarraitzen duten bost gazteek.
IV Libre Topaketak egingo dituzte ostiralean eta larunbatean, Donostian, Eleak-Libre mugimenduak antolatuta, Mozal Legea salatu eta Aske Gunean atxilotutako gazteen askatasuna aldarrikatzeko.
Donostiako Askegunean atxilotu zuten Oier Lorente eta lau urteren ostean atera da kartzelatik; Segiko kide izateagatik 6 urteko espetxe zigorra ezarri zion Auzitegi Nazionalak.
Donostiako Askegunean atxilotu zuten Aitor Olaizola eta lau urteren ostean atera da kartzelatik, orotara sei urteko espetxe zigorrarekin ordainduta Segiko kide izatea egotzi izana. Ehunka lagun izan ditu zain Donostiako Alde Zaharrean, ongietorria emateko.
Herritarrok batzuetan gure buruarekin harritzen gara, mundua eta gure bizi baldintzak dantzan ikusi arren, dugun egonarriarekin. Tripak mugitzen zaizkigu, bai, baina ez, nonbait, kalera jotzeko adina. Azken urteotan mobilizazioak antolatzen ari diren kide hauengana jo dugu, gako... [+]