AEBetan 24 urtez egindako ikerketa batek erakutsi du errausketak bularreko minbizia ugaritzen duela inguruetan
Osasuna eta Errausketa Ikerketa Taldea (OEIT-GEIS) osatzean duten medikuek erraustegiek jendeen artean eritasunak gehitzen dituztela erakusten duten nazioarteko bi ikerketa berri aurkeztu dituzte. erraustegien inguruan hainbat minbizi mota, sortzetiko malformazioak, gaixotasun kardiobaskularrak eta arnas gaixotasunak izateko arriskua gehiago dagoela. Bata, AEBetako unibertsitate desberdinetako zientzialariek egina 112.000 pertsona jarraituta 24 urtez. Bestea Italian argitaratua, umeen atzazaletan agertutako metal astun arrastoen inguruan.
Errausketak gizakien osasunean eragiten dituen kalteen inguruan munduan argitaratzen diren ikerlan eta agirien jarraipena egiten baitu OEIT elkarteak, José Cruz Ruiz Villandiego eta Xabier Mitxelena Iparragirre medikuek aurkeztu dituzte AEBetan eta Italian plazaratu berri diren bi ikerlanok. Lehena AEBetako unibertsitate desberdinetako zientzialariek egin dute, diseinu aldetik prospektiboa da, parte-hartzaile kopuru handia izan du (112.000 jende) eta jarraipen-aldia luzea (24 urte). Medikuek esan dutenez, "ezaugarri hauek ikerlanaren fidagarritasuna sendotzen dute. Ondorioek kezkatzen gaituzte: erraustegiek isuritako dioxinak bularreko minbizi inbaditzailea izateko arriskua %15eko igoerarekin lotzen dira erraustegien inguruko 10 km-ko erradioan bizi diren biztanleen artean, erraustegietatik haratago bizi direnekin alderatuz gero. Arriskua %25 handitzen da 5 km-ko erradioan bizi diren biztanleen artean". Ikerlana Internetez eskuragai dago: "Dioxin Exposure and Breast Cancer Risk in a Prospective Cohort Study".
OEITeko medikuek aurkeztutako bigarren azterlana duela aste batzuk argitaratu dute Italian eta ikertu ditu erraustegien metal astun emisioak. Ikerlanaren emaitzetan irakur daitekeenez, metal astun batzuen maila (barioa, nikela, kobrea, manganesoa eta banadioa) nabarmen handiagoa da erraustegiaren inguruko 3 km-ko erradioan bizi diren haurren azazkaletan, erradio horretatik kanpo bizi diren haurrekin alderatuta. Horrek esan nahi du arrisku handiagoa dagoela arnas patologia, patologia neurologikoa eta endokrinologikoa izateko eragindako pertsonengan. Ikerlana Internetez eskuratu nahi duenarentzako: "Biomonitoring of Metals in Children Living in an Urban Area and Close to Waste Incinerators"
Ruiz eta Mitxelena doktoreek, datuok aurretik publikatutako bibliografia luzea osatzen dutela eta, zera adierazi dute: "Bi kutsatzaile talde isurtzearen ondoriozko osasun-arriskuan jarri dugu arreta, baina jarraitzen ahal genuke erraustegiek isuritako zerrenda zabala osatzen duen kutsatzaile bakoitzak osasunean duen arriskuarekin.
Osasuna eta Errausketa Ikerketa Taldean uste dugu inoiz ez dela berandu erraustegi bat ixteko, ikusita Gipuzkoako biztanleen osasuna arriskuan jarriko duela azaldu ditugun ikerlanen arabera, eta ez dituela zabortegiak desagerraraziko, esaten digutenaren aurka -izan ere, erraustegi guztiek zabortegiak behar dituzte-. Eta hau dena, jakinki ez direla inondik ere beharrezkoak hondakinak kudeatzeko, beste lurralde batzuk erakusten diguten bezala.
Horregatik, gure foru-agintariei eskatzen diegu, mundu osoko beste mediku-elkarteekin bat eginez, alde batera utz dezatela erraustegiak eta zabortegiak osatzen duten binomioa hondakinak tratatzeko modu gisa. Halaber, eskatzen diegu hain loturik dauden gizakion osasunean, ingurumenean eta kliman eragin gutxien duen hondakin kudeaketa martxan jarri dezatela, Gipuzkoako gehiengo sozialaren borontatea jarraiki".
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.