AEBetako inteligentzia zerbitzuek “terrorismoaren aurkako formakuntza” eman zioten Ertzaintzari Ibarretxeren garaian
2004an Ertzaintzak "antiterrorismoari buruzko formakuntza" jaso zuen AEBetako funtzionarioen eskutik, AEBetako Estatu Departamentuak desklasifikatu duen dokumentu batean agertzen denez. José María Aznarren gobernuak AEBetako nazioarteko politikei eta Afganistango eta Irakeko gerrei emandako baldintzarik gabeko babesaren truke, kontraprestazio batzuk jaso zituen Espainiako Estatuak. 2001eko Irailaren 11ko atentatuen ostean AEBek abiatutako "terrorismoaren aurkako gerraren" testuinguru horretaz baliatu zen Juan José Ibarretxeren agindupeko Eusko Jaurlaritza ere, ETAren aurka egiteko.
AEBetako Estatu Departamentuak orain desklasifikatu duen txostena 2005eko martxoan idatzitakoa da, eta Público hedabideko Danilo Albin kazetariak eskuratu eta aletu du. George W. Bushek eta José María Aznarrek zuzentzen zituzten gobernuen arteko "harreman onek" elkarren arteko laguntza erraztu zuten "terrorismoaren aurkako borroka globalean". Testuinguru horretan, eta desklasifikatutako agiriaren arabera, Bush-en inteligentzia zerbitzuek Juan Jose Ibarretxe jeltzalearen agindupeko Eusko Jaurlaritzarekin ere harremanak izan zituzten 2004an: "AEBk terrorismoaren aurkako formakuntza eman diote EAEko Poliziari", dio txostenak. Orduan Javier Balzak zuzentzen zuen Herrizaingo Saila. Publico-k galdetuta, Eusko Jaurlaritzak ez du gai honi buruzko inolako iruzkinik egin nahi izan.
2005eko agiri horrek AEBetako funtzionarioek emandako beste saio baten berri eman du: "ikerketari" buruzko formazioa jaso zuen Ertzaintzak, Mossoekin eta Espainiako Poliziarekin batera.
1999-2009: Ertzaintza, Ibarretxe-Balza eta tortura
1960 eta 2014 artean Euskal Herrian izandako tortura kasuen inguruko Jaurlaritzaren txostenaren arabera, Ertzaintzak 336 herritar torturatu ditu, garai hartako 4.113 tortura kasuen artean. Juan Jose Ibarretxe lehendakari eta Javier Balza barne sailburu ziren hamarkadan –1999 eta 2009 artean– 125 lagun, gutxienez, torturatu zituen Ertzaintzak. Balzak garai hartan, behin baino gehiagotan ukatu zituen Ertzaintzaren torturak komunikabideetan eta Legebiltzarrean. Adibidez, atxilotuek egindako tortura salaketak "galdeketetan parte hartzen duten ertzainak identifikatzeko kontsigna gisa ezarritako ohiko praktika" direla esan zuen Balzak 2002an.
Javier Balza politika profesionalaren lehen lerroa utzi zuen Barne sailburua izatearekin batera. 2009tik abokatu ari da Uria Menendez kabinetean, Espainiako kapitalismoaren erreferentzia nagusietako bat. Josu Jon Imaz alderdikidea buru zuen Petronorren defentsan aritu izan da.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Polizia ez zegoen lanean ustezko gertakaria jazo zenean.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Eusko Jaurlaritzako Segurtasun sailburu Bingen Zupiriak asteazkenean jakinarazi zuen: azarotik aurrera, bideo-kamerak eramango dituzte soinean ertzainek. Ohikoa da poliziek, inolako disimulurik gabe, kamerak eskuan hartu eta interbentzioren batean gertatzen ari dena grabatzea;... [+]
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.