AEBetako Gobernua ziber-borrokan transgenikoen alde?
AEBetako zerbitzu sekretuek produktu transgenikoak saltzen dituzten multinazionalen interesen arabera egiten dute lan, zientzialariak jazarri eta webguneak erasotzeraino. Hori iradokitzen duen artikulua argitaratu du Süddeutsche Zeitung egunkari alemaniarrak, Monsanto multinazionala eta AEBetako Gobernuaren arteko loturak haizatuz.
Produktu transgenikoek giza gorputzean duten eraginaren inguruko lanei ahotsa ematen dieten webguneak erasoak jasaten dituzte, hedabide alemaniarraren arabera. Judy Carman doktore australiarraren lanak biltzen dituzten webguneak dira horren adibide. Atari horien bisitarien IPak aztertuz ondorioztatu dutenez, Monsantok ez ezik, AEBetako armadak, Itsas Armadaren informazio zentroak eta Barack Obamak zuzendutako gobernuarekin lotutako beste zenbait erakundek ere webguneen jarraipena egiten dute.
Transgenikoen aurkako beste zientzialari eta talde batzuek ere arazo informatiko “susmagarriak” izan dituzte. Pasa den hilabetean, Lurraren Lagunak erakundeak glifosato herbizidaren ondorioen inguruko lan bat aurkeztu nahi zuen. 18 herrialdetan argitaratzeko saiakera egin ostean, antolatzaile nagusiaren ordenagailua ezgaitu zuen birus batek. Hurrengo egunetarako programatutako konferentziak kolokan jarri zituen horrek. Monsanto enpresak 1.700 miloi euro fakturatzen ditu glifosatoaren salmentari esker.
Multinazionalaren ordezkariek ukatu dute erasoekin loturarik dutenik: “Baieztapen zalantzagarriak egiten dituzte gure lana gutxiesteko asmoz, inongo oinarri zientifikorik gabe”. Monsantorekin kritikoak diren sektoreek aldiz, enpresak erakunde publikoekin eta segurtasun enpresa pribatuekin duen “harreman estua” nabarmendu dute.
Europa jomugan
AEBetan ekoizten den artoaren %90ak aldaketa genetikoak jasan ditu, eta mundu osoan portzentajea igotzen ari da. Aldiz, Europar Batasuneko zenbait estatuk Monsantoren teknologiaren kontra egin dute, besteak beste, MON 108 artoaren salmenta debekatuz. Haatik, AEB eta EBren arteko merkataritza askerako hitzarmena osatzeko negoziaketaren ondorioz, debekua bertan behera gera litekeela iradoki du hedabide alemaniarrak.
Islam Siddiqui hautatu du Barack Obamak nekazaritza gaietan negoziazioa eraman dezan. Diplomatiko estatubatuarrak zortzi urtez egin zuen lan bioteknologia erabiltzen duten Monsanto eta tankerako enpresen interesak defendatzen dituen CropLife America erakundean.
Iragan iluna
Monsanto nekazaritzaren sektoreko enpresa multinazionala da, hazi eta landareen aldaketa genetikoan aurreratuena. Baina ez hori bakarrik. 1971ra arte AEBetako armadak erabili zuen “Agente Laranja” pestizidaren ekoizle nagusia izan zen. Substantzia hura Vietnamgo gerran erabili zuten basoak suntsitu eta nekazaritza lurrak pozointzeko, bertako biztanleak elikagairik gabe utziz.
Agroindustriaren alde doan erabaki garrantzitsua hartu zuen Europako Batzordeak otsailaren 7an: NBT New Breeding Techniques teknikaren bidez genetika moldaturik duten haziak ez ditu transgeniko gisa sailkatuko. Hori horrela, transgenikoei orain arte egindako kontrol, segipen eta... [+]
Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]
Mundua astindu duen SARS-CoV-2 saguzarren birus baten mutazio natural bat ote da –gizakiak azken hamarkadetan munduko leku askotan ingurumenean eragindako transformazio larriei lotua ziurrenik, alde horretatik ere gizakiak probokatua– ala tartean zientzialariek... [+]
Hazi hauek saltzeko zorroetan eta katalogoetan esaldi hau adierazi beharko dute: "Genetikoki eraldatutako barietatea". Apirilaren 9tik dute hauek saltzeko baimena. 2019an arto transgenikoz 8.000 hektarea erein ziren Nafarroan.
Ingeniaritza agronomoan doktoratua eta Lleidako Unibertsitateko irakaslea da Jose Ramon Olarieta Alberdi, baita Som lo que Sembrem elkarte katalaneko kide ere. Transgenikoen inguruan liburua argitaratu zuen iaz: Transgenikoak, benetan dira seguruak eta beharrezkoak?... [+]
Soja laborantzara bideratutako nekazaritza estentsibo landa batean egin zuen lan Tomasik. Landa gunea fumigatzeko erabiltzen ziren agrotoxikoek eragindako gaixotasunaren ondorioz hil da.
Sinadura bilketari eta herritarren protestei entzungor eginez, Europar Batasunak baimena eman dio Bayerri Monsanto erosteko. Horrela, hazi eta ongarri kimikoen munduko enpresa handiena bilakatuko da.
Laborantza-industrian egin den inoizko akordiorik handiena gelditzeko eskatu diote milioi bat lagunek Europari: Monsanto eta Bayer enpresek indarrak batuko dituzte galarazi ezean. Hazi transgenikoen eta industria farmazeutikoaren arteko lotura 2016tik datorren arren, azken... [+]
Europako Batzordeak iragarri du sakon aztertu nahi duela Bayer konpainiak Monsanto erosteak kalterik egingo ote dion pestiziden eta hazien merkatuari. Bruselak adierazi du fusio-operazioa burutzeak bi arlo horietako munduko enpresarik handiena sortuko lukeela, eta horrek... [+]
Sastraka inbaditzaile bat agertu da Nafarroa, Aragoi eta Kataluniako artasoroetan. Teosintea, teosintle nahuatl hizkuntzan, Zea familiako landarea da, artoaren senidea beraz. Rosa Binimelis (Castelló, 1979) ingurumen zientzietan doktorea da, eta azken urteotan teosinteaz... [+]
2016ko irailean, batez ere aspirinengatik ezagun den Bayer alemaniarrak beste gauza askorengatik ezaguna den Monsanto estatubatuarra erosi zuen, 66.000 milioi dolarren truke. Azken hiru urteetan ematen ari diren hazi industrialen eta nekazaritzako produktu kimikoen alorreko... [+]
Egun erabiltzen diren hazi hibridoak multinazional espezializatuek soilik egin ditzakete, eta horien liderra Monsanto da. Merkatura zabaltzen dituena, berriz, Heinz multinazional boteretsua da. Bide beretik jarraituz gero, elikadura merkatu pribatuen eskuetan bukatuko duela... [+]