Hamasek salatu du talde islamistak aurretik onartutako akordio proposamenetan Israelgo lehen ministro Netanyahuk baldintza berriak jarri dituela. Iran su-etenaren alde agertu da, baina Israel “zigortzeko eskubidea” aipatu dute, uztailaren 31n Hamaseko buruzagi Ismail Haniyeh-ren hilketaren ondoren.
AEBetako estatu idazkari Antony Blinkenek igandean bederatzigarren aldiz bidaiatu du Israelera genozidioa hasi zenetik. Astelehenean, Israelgo presidente Isaac Herzog, Defentsa ministro Yoav Galant eta lehen ministro Benjamin Netanyahurekin bildu da Tel Aviv-en, eta Blinkenek akordio bat lortzeko “premia” erakutsi du: “Une erabakigarria da, seguruenik aukerarik onena, agian azkena, bahituak etxera ekartzeko, su-etena lortzeko, eta bake eta segurtasun iraunkorrera iristeko".
Blinkenek Netanyahurekin izandako bileran adierazi du horrek onartu egin duela AEBek iragan astean Dohako negoziazioetan planteatutako "trantsizio proposamena", eta orain “hurrengo urrats garrantzitsua Hamasek baietz esatea” dela. “Aldeek, bitartekarien laguntzarekin, AEB, Egipto eta Qatar, bat egin behar dute, eta akordio honen pean hartu dituzten konpromisoak nola ezarriko dituzten argi eta garbi ulertzeko prozesua osatu behar dute”, adierazi du Blinkenek.
Hamaseko bulego politikoko buruaren prentsa-aholkulari Taher Al-Nono-k Blinkenen adierazpenen ondoren erantzuna eman du, eta adierazi du horiek “egiaren aurkakoak” direla. Hamasek salatu du AEBek ekainean eta uztailean proposatutako akordio zirriborroei dagokionez, beraiek onartu egin zutela eta Netanyahuk arbuiatu egin zuela, eta Israelgo lehen ministroari baldintza berriak jartzea leporatu diote. Axios komunikabideak informatu du Hamasek dioela estatubatuarren proposamenarekin Israelgo indarrek "Netzarim korridorea" kontrolatuko luketela –Gaza iparraldetik hegoaldera banatzen duena–, eta baita Rafahko bidegurutzea eta Filadelphi korridorea ere –Egiptoko mugan dagoena–, Al Jazeera komunikabideak jaso duenez. Erakunde palestinarrak dio aurreko proposamenek beren bi eskaera nagusiak jasotzen dituztela: su-eten integrala eta armada palestinar lurraldeetatik erabat erretiratzea. “Erabateko su-etenik gabe, ez dugu akordiorik onartuko. Blinkenen adierazpenak okupaziorako joeraren parte dira, eta krimenak estaltzen dituzte”, adierazi du aipaturiko palestinar prentsa-aholkulariak.
Hezbollahk mendeku zina, eta Iranek “erasotzailea zigortzeko legezko eskubidea”
Azken asteotan AEB buru duen nazioarteko komunitateak ahaleginak egin ditu Gazako Zerrendan akordio bat lortzeko. Blinkenek akordio bat lortzeko “premia” erakutsi du, eskualdeko testuingurua dela eta. Israelek Ismail Haniyeh Hamaseko buruzagia hil zuen uztailaren 31n Teheranen (Iran), eta egun bat lehenago Hezbollahko buruzagi militar gorena Fuad Shukr hil zuen Beiruten (Libano) egindako bonbardaketa batean. Talde xiitak –Iranen aliatu dena– mendeku zina egin eta erasoak areagotu zituen, La Vanguardiak jaso duenez.
Iraneko Kanpo Harremanetarako Ministerioaren bozeramaile Nasser Kanaani-k prentsaurreko bat eman du, eta nahiz eta su-etenaren alde agertu den, esan du ez duela zerikusirik “Iranek erasotzailea zigortzeko duen legezko eskubidearekin”. “Iranek bere eskubideak baliatzeko, erasotzailea zigortzeko, eta erregimen terrorista baten aurkako disuasioa sortzeko duen legezko eskubidea azpimarratzen dugu. Une egokian egingo dugu”, adierazi du Kanaani-k. Irandar bozeramaileak adierazi du “erasotzailea zigortzea bakeari laguntzen dion ekintza” dela, eta Israelekin “zuzenean harremanak ez” dituztela izango.
Kanaani-k adierazi du Iranek ez duela bilatzen “eskualdean segurtasunik eza areagotzea”, eta AEBen eta Israelen ardura azpimarratu du su-etena lortzeko saiakeran. “AEBetako gobernuak frogatu behar du negoziazio horiek egitea bere helburuak lortzeko maniobra politikoa den, eta denbora irabazteko den erregimen sionistak herri palestinarraren sarraskiarekin jarrai dezan, edo benetan su-eten bat ezartzeko baldintzak sortzea duen helburu”, adierazi du aipaturiko irandar bozeramaileak.
Kairon bilera berria
Aurreikusi dute asteartean Blinken Egiptora joango dela, eta negoziazioak betetzeko falta diren bilerak asteazkenean edo ostegunean hasiko direla berriro Kairon, elDiario.es komunikabidean irakur daitekeenez. Nahiz eta Blinkenek adierazi duen Netanyahuk “trantsizio proposamena” onartu duela, Hamasen eta Israelen arteko desadostasunak daude. Hamasek uste du Netanyahuk bitartekarien “ahaleginak zapuzteko ardura osoa duela”, eta Israelgo lehen ministroak adierazi du Hamasek “ordezkari bat ere ez” zuela bidali Dohan izandako elkarrizketetara, eta presioa Hamasi eta Yahya Sinwar-i –Hamaseko egungo buruzagia Gazako Zerrendan– zuzendu behar zaiola, “ez Israelgo Gobernuari". Hamasek salatu du AEBak aurreko proposamen baten baldintzak aldatzen ari direla, talde islamista “akordioa lortzeko oztopo nagusi erretratatzeko ahaleginean” Netanyahuren ordez, Al Jazeerak jaso duenez.
Urriaren 7tik 40.000 hildako eta 92.000 zauritu inguru izan dira Palestinan, Públicok informatu duenez.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.