AEBak eta Errusia batzartu dira Saudi Arabian, Europak albotik behatzen duen bitartean
Ukrainako gerra hasi zenetik, bi potentziak ez dira mahai beraren bueltan eseri. Negoziatu egingo dute nola amaitu gatazka belikoa. Ukrainako presidenteak, ordea, esan du ez duela mahai horretan adosten den ezer onartuko, bera ez baitute gonbidatu.
Donald Trumpek hitzeman zuen Ukrainako gerra amaiarazi zuela, "agintea hartu eta lehen egunean", eta oraindik halakorik gertatu ez bada ere, AEBetako presidente berria lanean ipini da. Aurreko asteazkenean ordu eta erdiko telefono deia izan zuten Trumpek eta Putinek, "tonu adeitsuan" Etxe Zuriaren arabera, eta biak ados agertu ziren, antza, Ukrainako gerra "lehenbailehen" amaitzeko. Behin Putinekin hori hitz egindakoan hots egin zion Ukrainako presidente Volodimir Zelenskiri, lehenarekin izandako solasaren berri emateko, bigarrenari maniobrarako astirik eman gabe. Keinu horrek bistaratu zuen AEBetako administrazio berriak ez diola aurrekoaren atzerri politikari eutsiko.
NATOko agintariek Segurtasun Biltzarra egin dute asteburuan Alemanian, Munichen, eta han ere mezu argia eman dute AEBek: ez dute onartuko Ukraina NATOn sartzea –Joe Bidenek atea irekia zion horri–, eta balitekeela AEBek Errusiarekin izango duten negoziazio mahaian ez ipintzea erdigunean ukrainarrentzat garrantzitsuak izan daitezkeen hainbat neurri. Atsekabea Europarentzat –Europak 133.000 milioi euro eman dizkio Ukrainari, AEBek baino gehiago–, baina bereziki iragarpen desatsegina Ukrainarentzat.
Testuinguru honetan, asteartean batzartuko dira Saudi Arabian AEBetako eta Errusiako ordezkariak. Alde banatan hiruna ordezkari eseriko dira: AEBetako Estatu idazkari Marco Rubio, Segurtasun Nazionaleko aholkulari Michael Waltz eta Ekialde Hurbilerako bidali berezi Steve Witkopp; eta Errusiako Atzerri ministro Sergey Lavrov, haren aholkulari Yuri Ushakov eta Errusiaren funts subiranoko buru Kirill Dmitriev.
Ez dute eragile gehiagorik gonbidatu, eta ez du momentuz halakorik egingo. Ukraina eta Errusia ez dituzte parez pare ipiniko, eta Europak toki bat eskatu du mahai horretan, baina ez diote emango. Lehen-lehenik, ez dutelako nahi; Lavrov errusiarrari hala irakurri diogu: "Ez dut ulertzen zertarako gonbidatu behar ditugun. Gatazka izoztu nahiko dute atzeko atetik, ohitura eta izaera aldetik gerrarekin segitzeko asmoa dutelako, interesatzen zaielako".
Badute Europa ez gonbidatzeko beste motibo bat ere: Europak ez du iritzi bakar bat, ezta gutxiago ere.
Europa: mugak bezainbat iritzi
Parisko Eliseo jauregian "ezohiko eta urgentziazko bilera informala" deitu zuen Frantziak astelehenerako, eta Europako zazpi estatu gehiagotako ordezkariak bertaratu ziren, baita Europako Batzordeko, Europar Kontseiluko eta NATOko delegazioak ere.
Bakoitzak bere postura defendatu arren, akordio orokor honetara heldu ziren: "defentsa bateratua indartu", Ukrainaz harago, herrialde bakoitzak bere gastu militarra igota. Baina desadostasunak daude: estatu batzuk, tartean Espainia, BPGaren %2ko langara ez dira heldu, NATOk helburutzat %3 dauka eta AEBek gutxienez %3,5 eskatzen dute, baita %5 ere. Elkar presionatzen ari dira auzi horrekin: esaterako, El País-ek kontatzen duen moduan, 2029an helduko litzateke Espainia gastu militarra BPGaren %2 izatera, eta 36.000 milioi euro xahutu beharko lituzke horretan.
Dena dela, eta Ukrainara begira, erabaki gabe dagoena da ea bake ezartzeko tropak bidaliko dituzten Ukrainara edo ez. Nazio Batuen Erakundearen txapel urdinak bidaltzea da aukeretako bat, baina NBE ez zuten gonbidatu bilerara.
Datua: munduko arma industriak %7,4 egin du gora 2023tik 2024ra
Erresuma Batuak, bere aldetik, Ukraina armaz hornitzen jarraitzea aurreikusten du, gutxienez 2030era arte, armagintza industrian inbertsio handiak egin dituela aintzat hartuta; eta Alemaniak, berriz, igande honetan hauteskundeen atarian eta itxura guztien arabera sozialdemokratek agintea galduko dutenaren ingurumarian, Alemaniako iritzi publikoaren kontrara, esan du goizegi dela bakeaz hitz egiteko eta Ukraina gonbidatzen ez duen Errusiarekin ezin dela bakerik espero.
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
.jpg)
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]
Jarritako kondenak barkatzearen truke, armadara batu da preso andana. Azken urtean, errekrutatze-legeak gogortu ditu gobernuak.
Azken egunetako giroa baretzeko asmoz eta Ukrainako Gerraren bukaeraz hitz egiteko elkartuko dira Trumpekin, ondoko astean, Emmanuel Macron Frantziako presidentea eta Keir Starmer Erresuma Batuko Lehen ministroa. Auzi bera aipagai, ostegun honetan elkartzekoak dira ere... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Macronek egindako deiari erantzunez, NATOko eta Europako agintariak Parisen elkartuko dira astelehen honetan, AEBek eta Errusiak iragarri ostean Ukrainako gerra amaitzeko elkarrizketei heltzekotan direla. Europak diru asko xahutu du Ukraina laguntzen, eta gerra amai dezakeen... [+]
Trumpek eta Putinek ordu eta erdiz hitz egin dute telefonoz. Biek hala biek baieztatu dute ados direla Ukrainako gerra amaitu dadin "elkarrekin lan egiteko", baina argi utzita Ukraina 2014ko mugetara itzultzea ez dela "errealista". Zelenskyrekin ere hitz egin... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.