Administrazioan Euskaraz taldeak salatu du Iruñeko eta Antsoaingo udalek euskara baztertu dutela zenbait lan deialditan
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko gobernu aldaketa izan zenetik, UPNtik EH Bildura, Iruñeko Udalak administrazioan sartzeko lehendabiziko lan deialdia iragarri zuen NAO Nafarroako Aldizkari Ofizialean, 2024ko martxoaren 26an. Jendaurrean lan egiteko lanpostu bat da, baina udalak ez du euskara eskatu. “Horrelako lanpostuetarako ez badu baloratu, noiz baloratuko du?”, salatu du Administrazioan Euskaraz taldeak.
Gaineratu du profil elebidunak jar ditzaten eta euskara balioan hartu dadin borrokan jarraituko dutela: “Iruñeko Udalean badira lanpostu batzuk profil elebiduna dutenak, baina oso gutxi dira, eta, gainera, batzuetan euskara ez dakitenek okupatzen dituzte”.
Antsoaingo Udalaren jarrera ere salatu dute, izan ere, 2000-6-16ko Nafarroako Aldizkari Ofizialeko 17. artikuluaren arabera, Antsoaingo Udalak lanpostuak betetzeko egiten dituen deialdi guztietan, hizkuntza jakitea merezimenduetan kontuan hartuko da. Horrez gain, 18. artikuluak dio herritarrekin harreman zuzena ez duten lanpostuetan euskararen balorazioa %5 izanen dela deialdiko puntu guztien gainean (lehiaketa gehi oposizioa), eta harreman zuzena duten lanpostuetan euskararen balorazioa %10 izanen dela.
Azken aldian lau lan deialdi egin ditu Antsoaingo Udalak: giza baliabideen zuzendaritzako lanposturako oposizio-lehiaketa (2024ko otsailaren 15eko Nafarroako Aldizkari Ofiziala), udaltzaingoko agente lehenaren lanposturako lehiaketa (2024ko otsailaren 22ko NAO), hirigintzako teknikariaren lanposturako oposizio-lehiaketa (2024ko martxoaren 21eko NAO), eta sukaldarien zerrenda egiteko oposizio-lehiaketa (2024ko martxoaren 21eko NAO). Administrazioan Euskaraz taldeak salatu du udalak % 1’65 puntu ematen dizkiola euskara jakiteari udaltzain lanpostuan, eta punturik ez gainerako deialdietan.
Horrez gain, kontatu du herritar batek errekurtsoa jarri duela udalean giza baliabideetako eta udaltzain lanpostutarako deialdiengatik: “Udalak erantzun zion ez dela interesduna, eta beraz, ez zaiola errekurtsoa onartu. Besterik ez”. Hortaz, errekurtsoa jarri du Nafarroako Administrazio Auzitegian.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
Iruñeko Gaztelu plazan ezarriko da Laba espazioa. Barruan bost gune izango ditu. Proiektua burutzeko, diru bilketa abiatu dute.
Administrazioan Euskaraz taldeak aurkeztutako eskaerari erantzunez eman du ebazpena Nafarroako Arartekoak. Udalak bi hilabete ditu gomendioa onartzen duen edo ez erabakitzeko.