Adios eta Muruzabaleko poligono fotovoltaikoei baimena ukatu die Nafarroako Gobernuak
Nafarroako Erreniega mendi kateko hegoaldean eraiki nahi zituen bi poligonoak Solaria enpresak, eta Nafarroako Lurralde Antolamenduko, Etxebizitzako, Paisaiako eta Proiektu Estrategikoetako Departamentuak baimena ukatu dio.
Lurralde Antolamenduko Departamentuak hainbat arrazoi eman ditu proiektuak atzera botatzeko, nagusiki poligonoen tamaina handiari dagozkionak, eta horiek ingurumenean eta inguruko herrietan izan dezaketen eraginari lotutakoak.
Proiektuak aurrera ateratzeko Solariak egindako azken ahaleginetan, poligonoak 123 hektareatara murriztea proposatu zuen, baina departamentuarentzat murrizketa ez da nahikoa ingurumenari egin diezaiokeen paisaia kaltea onargarria izateko, Adioseko lur ereingarrien %10 gainditzen duelako.
Departamentuaren arabera, lur horiek nekazaritza ekoizpen handikoen artean sailkatuta daude, eta poligonoek haien nekazaritza erabilera gutxitzen dute. Horrek guztiak eragin dezake poligonoak kokatuta dauden herrien etorkizuneko garapenean.
Funtsean, poligonoak handiegiak dira bailararentzat, Adios eta Muruzabaletik gertuegi daude, eta horrek arbuio sozial esanguratsua ekarri du. Bi herri horiek ziren kaltetuenak, baina poligonoek eragiten zieten ere Eneritz, Ukar, Biurrun-Olkotz eta Tebas-Muru Artederretari.
Uztailaren 6an ateratako ebazpenaren arabera, halaber, poligonoetako argi indarraren ebakuazio sarea ez dator bat Muru Artederretako Udal Plangintzarekin. Horren arabera udalerrian AHTko azpiegituretarako baimenak eman dira, baina ez bestelako azpiegiturentzat.
Hasiera batean proiektu fotovoltaikoak 300 hektarea hartzea aurreikusten zuen eta horrek zalaparta handia ekarri zuen kaltetuena izango zen Adios herrian. Proiektuaren berri jakin zenetik aritu da haren aurka Salba dezagun Erreniega 4.0 plataforma. Txikizioa eguzkia eta haizearen izenean erreportajean aztertu genuen herriak nola bizi izan zuen proiektuen iragarpena.
Solaria Solar 2 proiektua erabakitzear
Oraindik, hala ere, Solaria Solar 2 poligonoarekin zer gertatuko den airean dago. Horrek Barasoain, Oloritz, Untzue eta Tebas-Muru Artederretari eragiten die. Hala ere, pentsa liteke foru gobernuaren oraingo argudioetako asko baliagarriak izan daitezkeela horren kasuan ere.
.jpg)
Solaria Arabako Lautadan
Arabako Lautadan 130 eta 218 hektarea hartuko lituzketen bi poligogo fotovoltaiko eraiki nahi ditu Solariak. Horretarako ebaluazio geotektikoa abuztuan egingo dute, Arratzua, Ubarrundia, Burgelu eta Elburgoko udalerrietan, Araba Bizirik plataformak jakinarazi duenez.
Duela hiru urte onartutako Klima Aldaketaren aurkako legean jasota zegoen neurria
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten... [+]
Finerge enpresak Beizaman eta Bidania-Goiatzen bederatzi makro-eoliko jarri nahi ditu, 229,5 metrokoa bakoitza, guztien artean 45-50 MWko potentzia izango luketenak. Haize-erroten artean sei errepide eraikiko lituzkete eta horrek Errezilgo lurrak ere hartuko lituzke. Beizama eta... [+]
Batzuetan, mehatxua behar izaten dugu arriskuan dagoenaren garrantziaz jabetzeko. Eta mehatxu horren tamainaren araberakoa izaten da balizko erasoari erantzuteko barruan sentitzen dugun indarra. Konturatu orduko, zeure burua ikusten duzu lanean, buru-belarri, galtzeko arriskuan... [+]
Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]
Hego Euskal Herrian energia berriztagarrien makroproiektuen zaparradari zenbakiak jarri dizkiogu erreportaje honetan. Datuek marrazten duten mapan, Nafarroak gori-gori jarraituko du eta Araban daude kontzentratuta EAEn enpresek egin nahi dituzten energia zentralen %75,4. Hori... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Arabako hamazazpi talde, elkarte eta herri mugimenduk deituta, milaka lagun elkartu dira larunbat arratsaldean Gasteizen, euripean. Bilbo plazatik abiatutako manifestazioak Foru plaza bete du ibilbidearen amaieran. Arabako landa eremua mehatxatzen duten makroproiektu guztien... [+]
Hamasei plataformak baino gehiagok bat egin dute "Araba ez dago salgai" eta "Makroproiekturik ez!" mezuekin eta manifestazioa antolatu dute elkarrekin: urriaren 26an izango da, 18:00etan Gasteizko Bilbo plazan hasita. Jarraian, manifestazioa deituz plazaratu... [+]