Iruzurra salatu duen eta bi haur txiki dituen familia bat etxetik bota dute Bilbon
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute 19:00etan gertatutakoa salatzeko.
Familia iruzur baten biktima izan dela salatu du sindikatuak eta Naizek jaso duenez azpi-alokairuan zegoen etxebizitza. Familia pertsona bati alokairua ordaintzen ari zitzaion arren, pertsona hori ez zen jabeari ordaintzen ari. Hori dela eta, jabeak salaketa jarri zuen, hainbat hilabete dirurik jaso gabe igaro ostean.
Goizeko 9:00ak aldera bildu dira etxeko bebarru aurrean zenbait kide etxegabetzea gelditzen saiatzeko eta familiari babesa emateko. Ertzaintza eta Udaltzaingoa bertaratu dira ondoren, eta bertan zeuden kideen aurka oldartu dira. Sindikatuak zabaldu ditu gertatutakoaren irudiak.
:red_circle: La Ertzaintza ha cargado contra las personas que defendían el portal de la familia.
— AZET Etxebizitza Sindikatua (@AzTaldea) December 9, 2024
La policía ha conseguido entrar y se dispone a dejar a la familia sin hogar.
Haien jabetzak ala gure bizitzak, ez dago erdibiderik! pic.twitter.com/NaRDUrWPxs
10:30ak inguruan, kaleratze-agindua betearazteko epaitegiko ordezkaritza iritsi da eta minutu gutxiren buruan kanporatu dute familia eraikinetik. Oraingoz familia Gizarte Larrialdietako Udal Zerbitzura bideratu dute. AZETek azaldu du Bilboko Udalaren gizarte zerbitzuekin harremanetan jarri direla familia behin-behineko bizitoki bat emateko.
Etxegabetzea salatzeko, AZETek manifestazioa deitu du astelehenean 19:00etan Mariaren Bihotza plazan, San Frantziskon.
Gaurko etxegabetzea salatzeko eta familiarentzat alternatiba duina eta egonkorra eskatzeko MANIFESTAZIORA etortzeko deia egiten dizuegu.
— AZET Etxebizitza Sindikatua (@AzTaldea) December 9, 2024
19:00era Corazon de Maria plazatik (San Frantzisko)
Batu, antolatu, borrokatu! pic.twitter.com/9V8wU88wwR
Gaiarekin lotuta, Euskal Herriko Etxebizitza Sindikatuek mobilizazio nazionala antolatu dute abenduaren 14an Bilbon, etxebizitza eskubidearen defentsan eta etxegabetze guztien aurka.
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]