Adingabeen sexu-erasoak salatzeko bide seguru eta eraginkorrak aldarrikatu dituzte Getxon
Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta gogoratu dute Europan bost adingabetik bat sexu erasoen biktima dela. Horren aurrean, salaketarako bide seguru eta eraginkorrak martxan jartzea aldarrikatu dute.
Getxoko Europa ikastetxeko sexu-abusuak kasu isolatuak ez direla deitoratu du Algortako Mugimendu Feministak gaur, elkarretaratzean. Eusko Jaurlaritzako datuak ekarrita, azaldu dute Europan bost adingabetik bat sexu erasoen biktima dela, eta gehienetan erasoa familian edo inguru hurbilenean gertatzen direla. Gainera, azpimarratu dute kasuen %90ean erasotzailea erreferentziazko gizon bat izan ohi dela, “eta, sarri, indarkeria hori iraunkor bihurtzen da, ez da noizbehinkako ekintzetara mugatzen”.
2016an, ANAR (Ayuda a Niños y Adolescentes en Riesgo) erakundeak artatutako adingabeen kasuan, ekintzaile feministek azaldu dute sexu-erasoen %70,4 haurren edo senideen etxeetan gertatutakoak izan zirela, eta ia %30 ikastetxeetan. “Tamalez, datu horiek lekua hartu dute gurean ere bai, gure udalerriko hezkuntza-zentro bateko irakaslea izan baita erasotzailea”, gogoratu dute.
Azpimarratu dute erasook “sistema patriarkalaren beste erakusle bat” direla, “haurren aurkako erasoak ere indarkeria matxista direlako, eta horrenbestez, haurren aurkako biolentzia sistema bortxatzaile eta hiltzaile honen adierazgarri ere bada”. Ildo horretan, salatutako gertakariei dimentsioa ez kentzea aldarrikatu dute, kasu isolatuak ez direlakoan: “Zisheteropatriarkatua da”.
Hala, formakuntza, sentsibilizazio eta prebentzio plan zehatzak finkatzea eskatu dute: “Beharrezkoak ditugu erantzun-protokoloak, eta jakina, beharrezkoa dugu instituzio, ordezkari politiko eta hezkuntza zentro guztien nahiz sistema judizialaren partetik indarkeria matxistaren kontrako posizionamendu argia eta irmoa ikustea, baina, batez ere, indarkeria-egoera iraunkorra gainditzeko konprometitzea eta inplikatzea”.
Arbuiatu dute behin baino gehiagotan gertatu izan dela biktima zalantzan jarri izana, babesik erakutsi ez izana, indarkeria matxista arinkeriaz tratatu izana eta erasoaren erantzukizuna biktiman jarri izana. Era berean, jakinarazi dute sexu-eraso baten berri izan duten ikastetxeen %85ak ez duela ezer egiten; sexu-erasoa jasan dutela kontatzen duten adingabeen %70ak ez duela babesik jasotzen eta, horrek, ezinbestean, gertatutakoa ez kontatzera eramaten dituela biktimak. “Sostengu falta dela eta, 4tik 1ek atzera egiten du indarkeria salatzeko asmoetan”, salatu dute.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]