Adinekoen zaintza eredua iraultzeaz gogoetatuko dute ostiralean Azpeitian
Ostiral goizez (hilak 27) egingo diren jardunaldiei ondoko izenburua jarri diote: “Zaintzarako euskal sistema publiko eta unibertsal baterantz”. Pentsionistak, zahar etxeetako egoiliarren senideak, adinekoak zaintzen dituzten emakume migratzaileak eta unibertsitateko irakasleak izango dira hizlari. Madrilgo Pilares Fundazioaren berri ere emango dute. Azpeitian egingo diren jardunaldiak Irauli zaintza plataformak antolatu ditu.
Ezin esan martxotik hona adinekoen sektoreaz ez denik hitz egin. Zoritxarrez, pandemiak zahar egoitzak denon ahotan jarri ditu eta egunez eguneko jarraipena egin diete hedabideek. Heriotza eta kutsatu kopuruak erraz bistaratu dira, beste kontu bat da ea koiuntura baliatu den zahar egoitzen ereduaz eztabaidatzeko. Are gehiago, egoitzetako draman fokua jartzeak ez ote duen basoa ikustea galarazi. Hau da, zaintza sistema guztia ipurdiz gora jartzeko ordua dela uste dute jardunaldi hauetan parte hartuko duten askok.
Jardunaldiak aurrez aurre jarraitzeko aukerarik ez dago, dagoeneko aforoa bete delako. Youtube plataformaren bidez ordea jarraitu ahal izango dira helbide honetan.
Segidan duzue azaroaren 27rako egitaraua:
10:00-11:00. Pilares Fundazioa (Madril). Ana García Mendoza, lan komunitarioko masterrean psikologoa eta proiektu teknikaria.
11:00-11:45. Egoitzak eta Zuzenbidea. Iñaki Lasagabaster EHUko Administrazio Zuzenbideko katedraduna.
11:45-12:30. Nola josi politika publikoa bizitzaren sarean? Yolanda Jubeto, EHUn ekonomialari feminista.
12:30-12:50. Atsedena
12:45-14:00 Zaintza duinen eta pertsonen autonomiaren aldeko gizarte erakundeen mahai-ingurua:
Ion Fano, Pentsionistak Martxan, Bizkaia.
Xabier Pierrugues, Gipuzkoako Senideak egoiliarren familiarren elkartea.
Silvia Carrizo. Malen Etxea zaintzaile etorkinen elkartea
Beñat Irasuegi, Olatukoop, ekonomia sozial eraldatzaileen kooperatiba.
Arantza Corrales, Oneka, euskal emakume pentsionisten plataforma.
Maritxu Serrano, Gipuzkoako Pentsionistak.
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Sakanako pertsona zaharrei babesa emateko proiektu pilotua da Teknoadineko Landab. Bizilagunen parte hartzea “funtsezkoa” dela nabarmendu du Nafarroako Gobernuak.
Bizitza Zaintzeko izenpean, ekonomia soziala ardatz duen irabazi asmorik gabeko elkarte bat sortu dute etxez etxeko sei langilek, Urola Kostan (Gipuzkoan). Ideia sinplea da: enpresen irabaziak langileen esku uztea. Merkatuaren prezioak mantenduko dituzte; hau da, erabiltzaileek... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Iraultza txikien akanpadan parte hartu nuen uztailean, zaintzari buruzko hausnarketa egiteko. Mahaiaren inguruan bost emakume eseri ginen: Arabako etxe- eta zainketa-langileen elkarteko Laura eta Shirley; Denon bizitzak erdigunean taldeko Paula eta Ainhoa; eta Kukuso taldeko... [+]
Donostiako La Paz egoitza Mondragon taldeko GSR kooperatibak kudeatzen du, Egiako auzoan. Hain goiz esnatzeak adinekoentzat lan karga handiagoa eta arreta okerragoa ekartzen du.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maria Josefari alzheimerra diagnostikatu ziotenetik ahizparen eta alabaren artean zaintzen dute; gaixotasunak eragindako beldurrez, zailtasunez eta zamaz mintzatu da Maite, Maria Josefaren alaba.
Euskal Herriko Emakume Migratu Feminista Zaintzaile Soziosanitarioen Elkarteko kidea da Soraya Agirre. Berak orduka egiten du lan zaharrak zaintzen, baina elkarteko %90 egoiliarrak dira, zaintzen duten zaharraren etxean bizi direnak. Alokairua lortzeko eta lan baldintzak... [+]
Boomer belaunaldi deritzonak populazioaren piramidea buruz behera jarriko duela diote aurreikuspenek. Bizi-itxaropenaren luzapena dela eta, 1949-1968 urteen artean izandako jaiotza-tasa altuek piramidearen goialdea borobilduko omen dute datozen urteotan. Duela hilabete inguru... [+]
Berdintasun Ministerioak Estatuko Zainketen Estrategia martxoaren erdialdean aurkeztea aurreikusten du, Gizarte Eskubideen Ministerioarekin lankidetzan. Legegintzaldia amaitu aurretik, alderdi aurrerakoiek zaintza-sistemaren ibilbide-orria ezagutarazi nahi dute. Gaiari... [+]
Prentsaurrekoa egin dute Bizkaiko Emakumeen Asanbladaren egoitzan jasaten duten egoera bortitzaren berri emateko. Zapalkuntza esparruak anitzak izan arren, etxebizitzaren alorrean zentratu dute aldi honetan irakurketa: "Arrazakeria dela, klasismoa, pobrezia, etxebizitzaren... [+]